Isain a inaak a asang sia ludun.

我的故鄉在山上。

Na kaudii a Bukun, Tahai mas Atul kamaduh.

Bukun、Tahai 跟Atul 要去收割小米。

Maaz a sain? Is Bukun tu ulus, is Tahai tu sapil mas is Atul tu iahlupsivazun.

那些是什麼？是Bukun的衣服、Tahai的鞋子和Atul 的書包。

Tupa inaak a tama tu, “Kaa tu kaudii!”

我爸爸說：「不要去！」

Tai a sain, sibus a adii a.

這是芋頭，那是甘藷。

Sunghahaul a Bukun, matataudul a Tahai a mas iskaan, masabah a Atul a sia tan’apav batu.

Bukun在游泳，Tahai在射魚，Atul 在石頭上睡覺。

Maaz a Bukun a hai itu Puni tu tama.

Bukun是Puni 的爸爸。

Maaz a Bukun a hai, itu Puni tu tama.

Bukun是Puni 的爸爸。

Maaz a sinimul mas Landuun a inaak a tanga a hai, nii ang suhaisus masaicia.

我的鋤頭被Landuun 借去，（他）還沒有還給我。

Pisi’alav a isuu a sui a masangkun; na ka tanghaius bunun.

把你的錢放好，否則別人會偷。

Isuian a Alang a; hai tu, mahaam ang a saia.

Alang 很多錢，但他還是很貪心。

Supahan a andii a vahlas as iskaan; pisuhazsuhaz a iskaan a sia batu, mamaus langulangu.

這條河有很多魚，魚兒在河裡的石頭上不停地翻滾、吸食著青苔。

Mapalanduu ik mas Bukun, Tahai, mas Atul sia daan; nii tu Alang mas Puni.

我在路上遇見Bukun、Tahai和Atul；不是Alang 和Puni。

Tupa a Puni a tu, “Na nii dau a Maia a tantungu sia inaak tu lumah.”

Puni 說：「Maia不要去我家 聊天。」

Kaila’un tas mailantatangus tu, “Kaa tu matushung mas itu bunun tu maluspingaz ”

我們的祖先曾訓示我們說：「不要姦汙他人妻！」

Tuza tu uninang! Masa tudii hai udiip ang a inaak a tamahudas, cinahudas, udiip ang amin a itu cina tan a pantatamaun; pahasia supah ang a itu Bunun a samu a haiapun ang (hai tu, nii ang ik sinadu mas pali’unis itu Bunun tu samu tu paitasan).

還好那時我的祖父、祖母和我媽媽的叔叔都還健在，所以對布農族的禁忌知道不少（可是我沒見過關於布農族禁忌的書籍）。

Adu na kausian as sia Sinapalan kutun?

你明天要去Sinapalan嗎？

Na kau’isas? Mahtu a saikin makinlavi su ha?

你要去哪裡？我跟你去好嗎？

Ai! Ka nii ang a itu cina tan a dahpa minsisial.

唉！我媽媽的病還沒好。

Kaudiipa!

去吧！

Masial a is Puni cin a is’aang!

Puni 的心腸很好！

Ais! Issuian ik hang a sia!

我的錢真多呀！

Tuzas tu bunu tu! Na asas pa’anakan ku!

你真是的！欠揍呀你！

Na nii aupa ai! Ta’azik tu mudaan in dau a Alang a!

聽說Alang過世了！

Saduavas ha! Tanamangas huud davus at!

你再喝酒看看！

Kaa tu intushungun a Alang a--itu adii cia tu tapudavus cia tu uvaaz. Nii bis saia cinsuu cinsubnuhis ka intushungun i? Lang at tu, katmang a saia haungus bunun i.

不要逗Alang ─那位酒鬼的兒子Alang。如果你逗他的話，他很快就生氣，而且會亂罵人。

Sima cininghaius pinaklang ku tu cici? Amin a kaimin--zaku mas Bukun, Tahai, Atul.

誰偷我燻乾的肉？ 我們全部─Bukun、Tahai、Atul和我。

Saidii a taki’asang cin a mainduduaz hanup takna. Supah a cici a pinanah. Aiza a utung, sakut, sidi mas… Tuza tu maitaisah!

昨天我們部落的年輕人去打獵，他們獵很多獵物，像猴子、山羌、山羊和… 真的很幸運！

Uka ang a saia saduan tu minsuma tu, kaata makuin a… Ai! Askavandiip in.

他到現在還沒來，不知道他…哦！他來了。

Ma-nas-kal-a! Ma-nas-kal-a!

歡樂吧！歡樂吧！

Kunian a saikin tu Maia Ismahasan Islituan. Isain ik sia Bulbul masnanavas uvaaz.

我的名字叫Maia Ismahasan Islituan。我在Bulbul教書。

Isian a Puni a sia Tumpu mapasnanava. Mantanngadah sia Usaviah tu ludun a Tumpu a asang an, masmuav tu sanamanauazan sadu. Mais taunasian in sia na mintalabal hai mazaingsu tu ma’azung’ung a ludun an saduan; mais taunasian in sia na minhamisan hai masanmadanghas a dala a sia ludun, nii a mata panpipitpicis sadu. A maaz a Aul-Lausan a hai sizaikuzaiku sia ung’ung pisbubungbung.

Puni 在Tumpu 讀書。Tumpu 在Usaviah山（玉山）的山邊，Usaviah山腳下的一個部落，它是個風景幽美的地方。春天的時候，滿山綠意盎然；秋天的時候，楓紅遍野，讓人目不暇接。Aul-Lausan 溪流（陳有蘭溪上游），蜿蜒低吟於山谷之間。

Imanmishang sia ludun a itu Puni tan a pasnanavaan. Si’ainunuas libus a kansisila a ludun a. Maaz a hazam hai pan’utung sia libus kahahuzas; a maaz a balikuan mas vanu hai kusbabai sia lipuahpuah. Mazima a Puni a pishasibang sia mazaumzaum tu ismuut.

Puni 的學校座落於山中，樹林圍繞著山邊。鳥兒在樹林中棲息歌唱；蝴蝶與蜜蜂在花朵之間飛舞。Puni 常常在柔軟的青草上嬉戲玩耍。