mafazaq ihu thithu ya alhakaiza ya mu’ayuzi?

你知道她什麼時候要嫁人嗎？

mafazaq ihu atu, numa sa kadadu’un thithu kmaan? antu puqu qa?

你知道狗牠最喜歡吃的是什麼嗎？不是骨頭嗎？

mafazaq thithu tu thau a kazakazash qa?

他知道邵族的習俗嗎？

minafazaqiza yaku haya wa palhkakrikriw.

我已經知道這件事情了。

mafazaq yaku mzai thithu a’itia munai.

我知道（相信）說他會來。

mafazaq yaku thithu a’itia munai.

我知道（相信）他會來。

apuki’ay mzai makashpar dai thithu a punuq.

祖母說她頭痛。

ama mzai, “ushawan ihu padidir sa pazay!”

爸爸說：「你去碾米吧！」

mafazaq yaku mzai naur thithu a’itia munai.

我相信（知道）他本來就會來。

mangqtuqtu yaku mzai ti Umin antu maqitan a thau qa?

我在想說 Umin 不是好人嗎？

antu in’auraak sa pitaw qundup.

我沒有忘記關門。

min’aura thithu mzai pinaishuraniza sa pitaw.

他忘記門已經上鎖了。

mafazaq yaku mzai thithu tilha shitusi hudun muribush.

我知道他昨天去山上打獵。

mafazaq yaku mzai shinaiza ihu tu imuhala.

我知道你前些日子來過。

mriqaz yaku thithu kmaan sa afu.

我看到他在吃飯。

mriqaz yaku sa azazak mungkuruz isai ianan a pruq.

我看見小孩躲在床底下。

tminmaza yaku ti Suhut minaqaquyash.

我聽過 Suhut 唱歌。

tunmaza yaku ti Tuba lash ti Shawi masasuqa.

我聽到 Tuba 和 Shawi 在吵架

mriqaz yaku ti Tuba thmanit.

我看到 Tuba 在哭。

mriqaz yaku ti Tuba thminanitiza.

我看到 Tuba 已經哭過了。

qaziwan thaythuy, qinuthquth a klhiw ya maqitan mialhith?

（你）看看他們，繩結綁得緊不緊？

qazii ihu ya kashtunan ya antu akashtunan!

你試看看咬得斷咬不斷！

qazii thaythuy ya ashunnuru ihun!

看看他們認不認得你！

qazuan ihu maqa antu tunmaza naak a lalawa, paruan sa suma.

你看看（你）就是不聽我的話，被人打了啊！

Shawi mzai, “ani yaku tu amutusi ti Tuba wa taun kilhnaqualh.”

Shawi 說：「我不要去Tuba的家玩。」

huya wa thau makikalhi ti Tuba mzai amiakuza ya mutusi Shtafari.

那個人在問Tuba說要如何去頭社。

Tuba shuntaam thithu a ina mzai, “amakarishkish yaku ya kahiza.”

Tuba 回答他媽媽說：「以後我會努力做事!」。

minu qa azain ihu thithu mzai amutusi yamin Shtafari ya simaq?

你幹嘛要跟他說我們明天要去頭社？

Tuba pakadaudaukin thithu ti Ishuz tmusuq mzai, “ata tu kakaitunu sa suma!”

Tuba正在慢慢地勸告Ishuz說：「不可以隨便打人！」

italhawan izai a azazak ya mara’iniza, afuilhakiza murimuribush a palhkakrikriw.

請等這個孩子長大了，我會教他打獵的工作。

naak a ina mzai yakin, “piaqitan mihu a tatilhbu tmilhbu!”

我媽媽告訢我說：「把你的腰帶繫好！」

Puni makikalhi yakin mzai, “ihu amalhintal yakin milhungqu sa barimbin?”

Puni 問我說：「你要跟我一起坐車嗎？」（直接引語）

Tuba shuntaam sa thithu a ama mzai, “niza yaku ya kahiza tu amumamuqmuq kmaitunu sa suma.”

Tuba 回答他的爸爸說：「我以後不會隨便打別人。」（直接引語）

ata ihu tu fuilh sa suma mzai finariw yaku sa ti Tuba wa buhat.

不要告訴別人說我買了Tuba的園子。

alhakaiza ihu ya fuilh naak a ina mzai Puni niza tu amalhkakrikriw.

你什麼時候要告訴我的媽媽說 Puni 不工作了。

thithu a ina min’ananak tmulhanaz mzai Puni, antu yamin sa tmulhanaz.

她的媽媽自己給她起名字叫做 Puni，不是我們命名的。

naak a ina mzai, “minu mihu a pinit’ia wa afu qa atuqaqantir!”

我的媽媽說：「你怎麼把飯煮出焦味了！」

tunmaza yaku mzai thithu a taun ti Tuba wa kinalawa.

我聽說他的家 Tuba 的家是他爸爸蓋的。

malhinuna sa thau mzai ti Shawi minu’ayuziza.

據說（聽人說）Shawi 已經嫁人了。

mara’in, maharan numa mabariz, miazai sa ianan sa fatu, numa zain yamin “qris”.

大、寬而且平坦，像床一樣的石頭，我們稱為 qris (板岩)。

Thau a ayuzi kahiwan ya pukazinkinan zain sa Thau “riaz a kazinkin”.

從前邵族的男人配掛耳飾，邵族人稱為「riaz a kazinkin」。

zai ihu sa azazak kisui makapaw a sazum mrauz.

你叫那小孩子在水淺的地方游泳。

Puni, zai ihu sa azazak ata tu patinhina sa sazum.

Puni，叫那小孩們不要玩水。

Puni, zai ihu sa mihu a ina puqaizu’i sa maniun a saipuu.

Puni，叫妳媽媽把你們的蘿蔔醃起來。

thithu minatatara yakin mzai yaku dai antu maqitan a thau.

他說過我閒話，說啊我不是好人。

lhumfaan ti apu yakin mzai, “ma’ania ihu! makarishkish mubuhat.”

祖父誇讚我說：「你很聰明，工作很努力。」