lokah balay mtzywaw qu yaba’ ru yaya’ maku’.

我的爸爸和媽媽很努力地工作。

glani cikay ayang singut ru hi’ para’ qu kneril su’!

拿一些樹豆湯及山羌肉給你太太！

krahu’ ru mqalux qu huzil qani.

這隻狗又大又黑。

gwagiq ru kthuy qu Tana’.

Tana’又高又胖。

m’uy qmayat ita’ yaba’ ru yaya’ ta’ ru laxi ta’ zngi qu huway nha’!

我們的父母親辛苦養育我們，這份恩情不能忘記！

alax lukus su’ ru bhqay maku’!

把你的衣服脫下，我來洗！

tmapih tapih qu Rimuy ru mqwas qu Seta’.

（當）Rimuy扇扇子（時），Seta’唱歌。

pkyaya’ saku’ mita’ paris ta’ te sqani knan ru ’say kmyaya’ te thasa simu hiya’.

我會在這裡監視我們的敵人，而你們過去那裡監視。

ktan ni Yumin qu Rimuy ru mqas balay qu inlungan ni Yumin.

(i) Yumin看到Rimuy時，就很高興。(ii) Yumin看到Rimuy後，就很高興。

mquriq qaya’ na squliq qu hiya’ ru kyapun na kinsat la.

他偷別人的東西；（然後）就被警察抓了。

blaq inlungan nya’ ru sze’un ni Payan.

她的心腸好，（所以）Payan向她提親。

ungat pila’ maku’ ru ksyuw saku’ ki Tamay.

我沒有錢，（所以）我要向Tamay借錢。

nyux krahu’ qu ’laqi’ su’ la ru ana mhangal ’usuw na qeqaya’.

你的小孩子長大了，（所以）他可以扛重的東西。

rroq saku’ ru mhikang saku’.

我又矮又瘦。

mozyay saku’ ru mngungu’ saku’.

我又累又怕。

mtqnaniq su’ ru mqilang su’.

你既好吃又懶做。

m’uy qmayat ita’ yaba’ ru yaya’ ta’ ru laxi ta’ zngi qu huway nha’!

我們的父母親辛苦養育我們，這份恩情不能忘記！

m’uy qmayat ita’ yaba’ ru yaya’ ta’; laxi ta’ zngi qu huway nha’!

我們的父母親辛苦養育我們；我們不能忘記他們的恩情！

m’uy qmayat ita’ yaba’ ru yaya’ ta’. laxi ta’ zngi qu huwa y nha’!

我們的父母親辛苦養育我們。我們不能忘記他們的恩情！

alax lukus su’ ru bhqay maku’!

把你的衣服脫下，我來洗！

alax lukus su’; bhqay maku’!

把你的衣服脫下；我來洗（你的衣服）！

alax lukus su’! bhqay maku’!

把你的衣服脫下！我來洗（你的衣服）！

bha hmswa’ ini’ ptzywaw qu hiya’, ungat pila’ nya’.

因為他沒工作，（所以）他沒錢。

ungat pila’ nya’, bha hmswa’ ini’ ptzywaw qu hiya’.

他沒錢，因為他沒工作。

bha hmswa’ pzyux iyal cimu’ wal su’ syun, qmtux iyal qu sinkrugan su’ qasa la.

因為你放太多鹽，（所以）你的醃肉太鹹了。

qmtux iyal qu sinkrugan su’ qasa la, bha hmswa’ pzyux iyal cimu’ wal su’ syun.

你的醃肉太鹹了，因為你放太多鹽。

bha hmswa’ m’uzyay qu ktu’ mu, suqun mu maniq.

因為我很餓，（所以）我會（把它）吃完。

suqun mu maniq bha hmswa’ m’uzyay qu ktu’ mu.

我會（把它）吃完，因為我很餓。

bha hmswa’ ini’ ptzywaw qu hiya’, nanu’ yasa qu ungat pila’ nya’.

因為他沒工作，所以他沒錢。

bha hmswa’ pzyux iyal cimu’ wal su’ syun, nanu’ yasa qu qmtux iyal sinkrugan su’ qasa la.

因為你放太多鹽，所以你的醃肉太鹹了。

bha hmswa’ m’uzyay ktu’ mu, nanu’ yasa qu suqun mu maniq.

因為我很餓，所以我會（把它）吃完。

ungat pila’ nya’ gi ini’ ptzywaw qu hiya’.

他沒錢，因為他沒工作。

qmtux iyal sinkrugan su’ qasa la, gi pzyux iyal cimu’ wal su’ syun.

你的醃肉太鹹了，因為你放太多鹽。

suqun mu maniq gi m’uzyay ktu’ mu.

我會（把它）吃完，因為我很餓。

kinkilan maku’ papak nya’ gi ini’ pung ke’ ana qutux.

我捏他的耳朵，因為他一點兒都不聽話。

ungat iyal qeqaya’ maku’ gi ini’ saku’ thuyay mbaziy.

我沒什麼東西，因為我沒能力買。

laxi sze’i kneril qasa gi iyat su’ th_yayun qmayat.

你別想和那女孩訂親，因為你沒辦法養（她）。

agal betaq nya’ gi pbetaq squliq la.

把它的刺拿掉，因為會刺到人。

ini’ ptzywaw qu hiya’, nanu’ yasa qu ungat pila’ nya’.

他沒工作，所以沒錢。

pzyux iyal cimu’ wal su’ syun, nanu’ yasa qu qmtux iyal sinkrugan su’ qasa la.

你放太多鹽，所以你的醃肉太鹹了。

m’uzyay ktu’ mu, nanu’ yasa qu suqun mu maniq.

我很餓，所以我會（把它）吃完。

bwan na gwagi’ krryax qu qmayah ka pmhyan myan qapu’, nanu’ yasa qu sbing balay qu qapu’ nya’.

太陽常照射到我們的甜柿園，所以它（產出）的甜柿非常甜。

mnbu’ qu Yumin, nanu’ yasa qu ini’ swali na yaba’.

Yumin生病，所以他爸爸不答應（讓他做任何事情）。

yaqih kayal nya’ soni, nanu’ yasa qu ini’ usa’ lmngyaq qu ’laqi’.

今天天氣不好，所以小孩不能去游泳。

psamaw su’ sakaw; ini’ ga, pqwax su’ pyatu’?

你要鋪床或是你要洗碗？

phtgun ni Akat; ini’ ga, iyat nya’ phtgun?

Akat會讓它出現？還是不會讓它出現？

tqalang simu sqani ga? ini’ ga, pgluw simu sami musa’ kya qszyap?

你們要在這裡建立新部落？或是要跟我們一起到對面的山谷去（建立新部落）？

ptatuk su’ tunux; ini’ ga, iyat su’ ptatuk?

你答應還是不答應？（或：你要道歉還是不道歉？）

ana cikuy kawas ni Atung ga, baq iyal kmayal ke’ na Tayal.

Atung年紀雖然還小，卻很會說泰雅語。

cikuy kawas ni Atung; ana ga, baq iyal kmayal ke’ na Tayal.

Atung年紀小，但是他很會說泰雅語。

ana nyux hzyaq qu kayal ga, ini’ kbka’ qu rqyas ni Yagu’ hiya’.

雖然天氣冷，但Yagu’的臉沒有裂開（凍傷）。

nyux hzyaq qu kayal; ana ga, ini’ kbka’ qu rqyas ni Yagu’ hiya’.

天氣冷，但是Yagu’的臉沒有裂開（凍傷）。