’ima korkoring ray SayboSi: tinal’oemaeh, komita’ ka bangbangolan ki kinba:ba:agan Siba:i’ ray ’ina’azem ’ima nonak. hini ’isa:a’ ma’an hino’alay ka hinoba:ang. kapanabih noka kamakaat (noka Sila' kapanpanabih )mumatuchenci' kinbaezae'an : ni Tangmo’ kinira’an ra:an 'ayliSe: maray kaSpi' Say Siyato’ ka tinotatini’ ma’az’azem ka ’oemaeh ’ima pa’alowa’ hini ’anoka SinSinraeho’ a ka kinbaezae'an, ma’ ’isa: noka SinSinraeho' kapanpanabih. ray belona’ hayza’ roSa’ taew’an ’ima haeba:an ka mae’iyaeh, hini roSa’ taew’an ’ima tato’alae’ nanaw, So: sasbong rayno’ rengreng ma’ ma’oe’oe’ o kakoring ila, pa’aewhay a tomal ka kin’i’iyaeh ray kinas’asangan. kakhayza'an a tomal, ray 'aycinhay hayza 'aehae' 'oe'oeoel, 'inoka zhoSe: a korkoring 'ima malaehang, pakSekla’ mae’iyae’ a raro:o’ 'ayliSe: kabina:o' hinin'az'azem kama nak kaSpi'. nisiya ray hina'azem 'ana kano' howaw ma' kayzaeh saboeh. nak komoSa' taniSowaw 'aehae' 'ima homiba: ka kayba:en hotok ma' homawan nanaw. Sinowaw kaSihoe: ray kaehoy horoe', 'in'alay 'isa:a' ni 'ayliSe: kaSpi' hinin'az'azem. ’ima SaSo’ ka kin’i’iyaeh nak ’aehae’ ka kak’ayaeh , tomowa’is somi’ael mita’ kak’i’iyaeh ’oemaeh, noka liyenheko:(聯合國) komSa', 全世界'oemaeh saeboeh hayza o 3(億)7 siyen ban(萬) ka SinSinraehoe', saeboeh ila ma'iyaeh Sepe:en ray 全球 ma'iyaeh hayza' o 6% kin haba:en, 'ima rowaSek ray SayboSi:o 'aehae' o roSa' ka 國家, 'am hayza haseb siyen kin haba:en ka Sinraehoe'. hayza 'aehae' 'ima pakoSa' siya ra:am, sominsay mata:waw, komoehngap 'oyeh ka Say 'asang mae'iyaeh, 'isa: ni zhoSe: toboken, 'aehae' naehan 'ima howiS Sipasay noka 'aehael, ma boeloe' ka Sina:ang, raeiw ray 'aroma' 'oemaeh. Tangmo’, ’ima sowi’ kamanra:an, rengreng kayni’ rima’ ray kakiSka:atan , ki ’ata’ nisiya rengreng papa’aehae’. pakaysawa'an 'ima sobae:oeh ka kateSnenan kapaksemke:an pina’aewhay ’oemaeh ’okik hingha’ ki kakhayza’an ila, ’oes’oeso’an ’okik noka kaSikiray’oes’oeso’an, hinhinbetel ka ’ima kayzaeh ’oem’oemaeh ila, kakhayza'an 'oka' ka kinaat kapakSekla', noka SinSinraehoe' ka kapayaka:i',kapa:tol, tomnon,paskayzaeh ka binke: o homobaang hini saeboeh 'ano pinayaka:i' ma: tomortoroe' pakSekla' ka minahal. Hake, hiniba: mitatikilay ,’ kasmasak kama lamlamlam korkoring kamanra:an. noka Say 'isaza tahoeki' sae'oe'en ka 'oemaeh, 'insiya'a korkoring Sipahinra:i' hi siya, bi:il nisiya ka minaehael ila malahaeng ka hini 'oemaeh, hini 'oemaeh nisiya koSa'en ka telote:, hayza 'oyeh ka 'ima sobaeoeh ka hiji', koSa'enen telo'i:. 'ayliSe: miyawa' kaSihoe: ray 'ima sobae:oeh kangeselan kateSnenan 'i:zo. komita' minayhae'hae' ralom ray binbiniSitan rae'oe:en ila, honha:i' basang ha'ol'olae'an ila; somi'ael ray hako' 'i:zo' ka walo' basang mowa:i' sobae:oeh ila, sobae:oeh 'ini 'ar'aringan sin'elan. 'iwa' 'ima ra:am mayaka:i' ka kateSnenan kapaksemke:an ra:am paSe: 'ima nonak ka kakrangi'an. haysani ’akoy ’ima SaSo’ kapatawawen ’am pakmowahil ka kapinatawaw, raylis ila ka ’oemaeh noka mae’iyaeh, kaSikiray’oes’oeso’an o hinhinbetel ka kas’elan , hini 'aehae' ka Sinraehoe' 'ima rowaSek ray meicotalu tabin 'isahini roSa' kin kaboehoel tinal'oemaeh hayza kin honaehnge:. ’ata’, ni Tangmo’ ’oya’ masay ila ’isa:a ’oma’oloe’ ila hi Tangmo’ ki minayti’ kamanra:an. tabin nisiya koso' hi lawithe' malahaeng ka 'oemaeh, 'ima 'ibabaw pino'azis kakayzaehan ni thelo'i: , zhoSe: tomrong hi apolo: ki poSayte: roSa' ka samiyen tatilhaehael hi telo'i:. 'aewhay ka hin'az'azem homangih ila, montoroe' ka heSe' nak ba:la'. 'isa:a' siya romae'oe: ray ba:la' 'ima toliyab ka kaliwal 'i:zo' ralom, honha:i' ha'ol'olae'an ila, "tong" Sa' Saehae' ray kaliwal 'i:zo' loSowaw ka ba:la' lomiyo:. ray kakhayza’an kin’i’iyaeh ray hin’az’azem ila nanaw, ’ima kayzaeh ’oemaeh ’oka’ ila. yami ’am nak’ino’ ki ’oemaeh makak’i’iyaeh? siya 'anoka wa'is ninonak ,pakSela' koSa'en' " 'ana 'inoka' ka kina:at hini ka SinSinraehoe' " SikoSa', ma' patil'itol ila ka 'inonaka SaSinSinraehoe' pakhingha' kaSina:eng ki Europe Sinraehoe'. Paeki’, ni Tangmo’ ray kakiSka:atan kapa’onhaelan minkoringan. sizaeh ila, tahoeki' 'okay boway ka pinata:waw , ma Somowaw 'oyeh hi lasiya, roSa' samiyen komita' bi'i: atomal, komSa' 'am lobih nahan boka: ka hini hiji' telo'i:. 'ima toliyab sasbong ki hiza hotok, 'ayliSe: makSa' rae:iw ray kaliwal taniSowaw hiza' 'aehae' hotok. 'oka' o roSa' 'ima minowa' pakita' ka 'aroma' 'ima 'ol'olae'an ka'aymo'on 'emlet ka ra:an. lasiya naka hininbasezan 'ima roSa' kita'en, mayaka:i' ma' hingha'. 'ana 'ayliSe: mayaka:i' Sa' 'am komi:im so'hae' ka hotok, lasiya ma' taka 'okay bazae'i. 'isahini, ray 'amilika' ciaco 'ima 'iba:baw ka 'inak'alipa'an kaehoy ki 1890 ka tinal'oemaeh pinaskayzaeh ka ko:cia senlin kongien Siro: hi siya, sizaeh ila ’am raerare’oe:, ’ima likapokimae’iyaehan mowa:i’ homawak ka hima’ ni toliyae’ komoSa’-- “noka samiyan kamapa’a’inowa’ kiyopite’ homawak ’inimita’, kayzaeh ay ya:o takise’?” Chaichal kamaSepeng, kita’en ’aengiS Sapang kamasempeng, in Paeki’ a yaba’. 'aehae' samiyen hi 'e:liSe:, siya 'ima 'aewhay samiyen, noka saeboeh samiyen Sina'aewhay, siya 'isa: 'am papa'oe'oe', 'am paklalibo' hi lasiya, ray 'ima raroton, siya mal'oehaz 'aehae' ka lingo', babaw kinaat "baboway ka 'ima kayzaeh kita'en mae'iyaeh". 'isa:a' 'ayliSe: paktomeren Sa', " yako 'am kayzaeh 'aybolen komita' nimon Silal, 'oka' o moyo panabih ila hotok may'ino' rae:iw." 'ima 'ol'olae'an ka'aymo'on mabebe: homlal ila, lasiya kin Siyae' mam homlal o hi 'ayliSe: manga'nga' rae:iw ila. ray ko:hwei tu:sukuan hayza' 'ina: maSkan ka 'insiya'a ka pinamae'iyaeh, Intian Joe, ray ’asang mae’iyaeh tikot hahi:il hi siya kama’tombok ka mae’iyaeh. hayza too' 'ima komSa' nonak 'isa: 'ima kayzaeh kita'en, 'iyakinamari' ka hiza lingo', kintoho:, hiza 'in thelo'i: a korkoring hi phalishe: siya nom sempeng ka hini howaw, ray 'amilika' ka 郵政總局ray1980 ka tinal'oemaeh, hayaza paskayzaeh ka 郵票，ray babaw ma' 'ansiya' ka 'inalingo'. Robson sinsang, ray ’asang hayza’ ka pil’iyo’an, 'ima ’aehae’ nanaw sinsangan. biil, nisiya ka lningo' Siboway ila hi 'afolothi: saemiyen, noka samiyen pinSiwa' ka 'ima kayzaeh kita'en ka kabinao' kapaminkoringan hisiya, hini pakbi'i: atomal hi shila: ki yatiena' roSa' samiyen, hobato' komSa' 'am paSi'ayo' hi telo'i:. haw i West Africa Liberia ka Mande nasiya ka payaka:i' koSa'en Vai, lasiya komaat ma' homaze ila , ma' hini ray 'asang 'ima 'al'alihan ka Cree 'amkay koSa' ila? phaliSe: noka taehoeki' kinoSa', 'araS 'aehae' ka funi' Sa'ila ray noka 'aela' a 'oemaeh Sila' Sepata:, 'am tomabih ka sinae'oe' 'ini menilawSe: nisiya ka minatini'. siya hiya' 'ihan? 'okik raami taehoeki' 'okik ri'sa:, 'aehae' 'ima kayzaeh kita'en kabina:o' mowai' sasbong, siya kinoSa' ray hini 'aehae' 'oemaeh 'ima kili: ka minkoringan. 1765~1770 tinal'oemaeh, kas'oehaez Tennesse.田納西州 1790 tinal'oemaeh, tani 'oya' bowaw ray Georgia, 喬治亞州lalohay nom paskayzaeh ka ngiun. 1800 tinal'oemaeh, Sipasay hi 'oya'. 1809 tinal'oemaeh, ma'az'azem ila kakiSkaatan. 1812-1814 tinal'oemaeh, rima' hitay papanae'. 1815 tinal'oemaeh, hayza' ila ka minkoringan ki korkoring. 1819 tinal'oemaeh, bowaw ila Alabama.阿拉巴馬 1821 tinal'oemaeh, sizaeh ila ka kiniSkaat. 1822 tinal'oemaeh, maraS ka korkoring rima' Arkansas. 阿肯色州1824 tinal'oemaeh, mari' ka sina'oe'an 1828 tinal'oemaeh, 'aehae' noka SaSinSinraehoe' a Sinbon hayza' ila. 1829 tinal'oemaeh, bowaw ray Oklahoma. 奧克拉荷馬州 1830 tinal'oemaeh, Americas paSkiraa' ka 《noka Indiana nom bowaw ka kinaat》 1838-1839 tinal'oemaeh, Trail of Tears眼淚之路 o lasiya nonak makakSa'i:. 1840 tinal'oemaeh, tomilhahal tomin'itol ka 'ayporong nasiya. 1842 tinal'oemaeh, rima' Mexico komiim ka 'ima lasiwazay ka 'ah'ahal ki kapayaka:i' nisiya. 1843 tinal'oemaeh, 'ima mon maykaSpat tinal'oemaeh, masay ray Maxico.　 phaliSe: nakhara homSoS komita' hisiya, komSa' siya kili: atomal 'ini 'afolothi:, ma'az'azem komSa hini 'isa: noka samiyen kinoSa' sasa'oe' 'inisiya ka minkoringan, 'ima ma'az'azem mangoip ila noka tahoeki' ka pina'alowa'. siya hi Sequoyah, Say Indian Cherokee mae'iyaeh, yami takita' nahan ka hani waehoer. haylon ma' haysiya ila 'ima sazeez ka hini kamo'alay, mangoip ila nonak 'iniyakamanraan ila, bi:il 'aphaSe: somolong hi haylon komSa' 'ita' takrae:iw ila. biyae' raam ma'yaka:i' tahoeki' hi menilawSe: bazae' lasiya roSa' rae:iw ila, bi'i: atomalan, 'isa: mayaka:i' ka saeboeh Say Sila' ka wangze: tato'alae' saeboeh ki Say telo'i: mae'iyaeh. noka SaSinSinraehoe' kakrowaSekan ray Americas. hina’azem ni romi’o: nak haysiya sinenge: ray kin Siyae’ ’ima SaSekla’ ki toliyae’, ’aehae’ kinhaewan ’okay pae’rem rima’ ray kate’enan komi:im hi boksi’ lawlonse’ Sa’ “boksi’ ya:o Sarara’ ila hi toliyae’, yami kakita’ ma’ ’a’inowa’ ila! yako ’am mari’ hi toliyae’ ’am makaksi’ael, So’o kita’ balong ’ini yami roSa’.” bazae’ ka pinayaka:i’ ni romi’o:, hi boksi’ nganga’nga’an o hemSeS. 'okik honaehnge:, minay'isa: telo'i: ki Sila' lasiya papanae' ila... ray 1770 tinal'oemaeh, haysani' ray Americas ka Indian Sinraehoe' minay 'aehae' kin kabhol tinal'oemaeh 'in'alay Europe maray wasal potngor ray Americas ka 'ima yabolals ma'iyaeh lasiya bowaw rini 'ana hiya' 'oka' ka 'ima haSa'. hiza kinita' noka Say tong-nan-pu' ka haseb Sinrahoe': Chickasaw, Cherokee,Choctaw,Cree ki Seminole, hini 'ima bowaw rini 'ima nak'ah'ahal kita'en. ka Indian Sinraehoe' lasiya kil 'aroma' kama kaykayzaehan, hayza' nasiya 'inakhini'an ka kaspengan. 'okay 'a'apol Sa' hini Say babih ka Indian a ka United kingdom, France, Spain, hinha' saeboeh hayza ka kano' ma' Si'a'apol, kakaykayzaehan lasiya. 'oemaeh noka samiyen sina'oe'an, ma'iyaeh malahang nanaw. ’aehae’ hahila:, roSa’ kapa’onhaelan ni romi’o: ray ra:an sasbong ka Say kamatato’aelae’ hi tipote’, siya minatini’ ni toliyae’ kamabozaeh nanaw. 'ima kayni' Sipapi'oemaeh ma ma'oe'oe' , So: lasiya Somina' ka 'oemaeh, nasiya ma' Si'a'apolon 'oyeh ka 'oemaeh. 'isa: hini haseb ka Sinraehoe' ki Say Europe 'ima bowaw ma'iyaeh honsasaboeh lasiya rowaSek i Americas. lasiya bowaw 'i: Indian Territory, kitkita'en ila ka Say Europe ma'iyaeh nasiya ka kin'i'iyaeh, katirayhilan, kapa:ngabasan, kakro:'an, tani noka xienjause pinatawaw nom tatoroe' ray kakiSkaatan. lasiya malo 'inonak a ka:i', pakhaysiya ka'a'alop ki kapnazip ka kin'i'iyaeh, lasiya malo'ego', kila Europe ma'iyaeh makaksi'ael o sasapih ka karangi'an. ma' So: kayzaeh ma' kakaykayzaehan, SaSo'aewhay ila ma' papanae' ila. 'isa: nasiya nak'isaza' ka kin'i'iyaeh. hini 'isa: ni Sequoyah pin kas'oehaezan ka tinal'oemaeh. lasiya Cherokee ray Mississippi River pino'azis, 'a'apolon ka Say kapayhahila:an Cherokee ki Say kaheheban Cherokee, lasiya honaehnge: ila 'ima lasiwazay, 'ana ila hingha' kapayaka:i', nasiya ka kin'i'iyaeh ma' 'oka' ila 'ik hingha'. naka British Sepe:en ila ka ma'iyaeh, Say kapayhahila:an Cherokee ma'iyaeh 'am hayza 'aehae' ban o SayboSi: sien kin haba:en. kas'oehaez ki pin'az'azem minwa:i' ray kano'. Sequoyah inbasezan, kapay hahila:an Cherokee, ray hasani ray Americas ka Tennessee 'izo'. nisiya raroo' 'inoka 'ego' a rinoo' Sin George Guess, noka Cherokee raroo' SinSequoyahen. ni yaba' raroo' SinDannielen Guess ki Europe ma'iyaeh, ra:mez ila ka ramo', 'oya' Sinwu-te-he'en Sapang ka Cherokee ma'iyaeh. Sequoyah 'ima haysiya 'ol'olae'an Sikrae:iw ila ni yaba', 'oya' saeboeh 'ima pak'ibabaw hilasiya. hi romi’o: rima’ ’okik piza’ hahila:, hi toliyae’ ni yaba’ Sipawhi:il ila ka tatama’, ’aehae’ ’ibabaw o ’ima liyabo’ ka ’al’alak hi palise’. nisiya nom matawaw o nom papanae' Sisapih ka kaSnay'os'oso'an ka binke:, o Sitibae:iw naehan ka Say Europe ma'iyaeh. haba:en ma'iyaeh bae:iw kansiya, 'isa: kayzaeh ka tirayhilan. Sequoyah haysiya 'ol'olae'an, Sa'aewhayen noka Say 'asang, nisiya 'okik hingha' ka hin'az'azem ki saeboeh. monhal rima' 'omalop, Sipanpangih ka 'ae'ay, mariyae' haysiya' ila haSa' kayzaeh, 'isa: siya manraan pa:ih ila, ma' 'oka' ila i pakakSiyae' kil'aroma' korkoring. 'isa: So: ray taew'an hi 'oya', siya ma' ki 'oya' saeboeh 'ima yatiam; So: 'okik ray taew'an hi 'oya' , siya ma' ray taew'an 'okay lamlam. siya kaSikar nanaw, ma' 'isa: 'okik 'akoy ka ka:i', kapa:kano'kano' ki kaSpispis ka hin'az'azem hini 'okay wawalae'. ririm’aenan ’aehae’ taew’an homSeS Sahoero: ka basang ni toliyae’ ’iyazaew ila, lasiya pakoSa’ hi toliyae’ ’oka’ ila. ’isa:a’ kololon ila ray kakololan. Sequoyah 'ima Sam'iaeh tinal'oemaeh ila , 'oya' nisiya maraS hilasiya rima' bowaw Georgia rawSek ri'sa:, siya ziza mon'al'alay tatoroe' paskayzaeh ka ngiun. 'okik honahnge:, Sipasay ila ni 'oya', Sequoyah siya raam ka tono', noka ngiun paskayzaeh ka Sara', yobiwa' ki biniSitan ka'aSkanan ka pongaeh, noka Say Europe ma'iyhae Sarara'en a tomal. kama bae:iw kan siya ka ngiun pinaskayzaeh mayaka:i' hi Sequoyah paknak 'aroma' kama paskayzaeh hinha' kaat ka raroo' ninonak ray pinaskayzaehan. Sequoyah yakinakaat, siya haSa' 'am nak'ino' komaat? siya 'aring 'ima 'ol'olae'an tani 'oya' malno Cherokee kapayaka:i', 'okik 'ina kiSkaat, ma' 'oka' ka ma'iyaeh tomrtoroe' hisiya ka Cherokee kapayaka:i' 'am nak'ino' komaat. 'ana ila siya hayza 4/1 noka Erope ka ramo', biil ila siya ma' raam komaat ray pinaskayzaeh ka raroo' nisiya, siya Sin Geoge Guess 'inoka 'ego' raroo', 'oka' ila siya rengeng ma'az'azem , nawkomSa' hayza 'aehae' hahila: kaaten ka Sequoyah raroo', 'am koza' kin kayzaeh?! siya 'ima Siyae' rima' mayaka:i' kapa'onhalan ninonak ka hin'az'azem , noka hiza kapa'onhalan koSa'enen ,So'o salawa' kin'akoy ka hin'az'azem niSo', 'izi ila i 'az'azem. 'am 'oka' nanaw. Indian ma'iyaeh hayno' raam komaat? 'oka' ila , Sewuoyah 'okay ngowip nanaw. siya 'aring 'ima 'ol'olae'an 'ina komita' ila ni 'oya' Sisasapih ka kakrangi'an ki Say Europe ma'iyaeh, ma' 'ina komita' inoka 'asang a 'oemaeh noka Say babih Simarmari', kakhayza'an ka 'aroma' ka Iindian koza' kin wawa'isan yami ma' homobaz, haysani' siyobaz ila noka wawatos ki kapawsoeh. hi boksi’ bazae’ kamaSater ka kina:at ’okay lohaper hi romi’o: ’am mobe:ay ka kina:at, o ma’az’azem hi toliyae’ ’am hekla’ ila, ’isa:a’ siya ’iya’inoSa’ ray kakololan mari’ hi toliyae’. Sequoyah ma'az'azem, hini kamabowaw ma'iyaeh hayza nasiya ka kinwa'isan. hiza raam papayaka:i' ka (biyae'), 'aehae' ka 'iniyabiyal zinowas kayzaeh SipakSekla' ka kinraaman. siya yakina tatoroe', ma' yakina paktatoroe' 'oyeh ka hani Say 'asang. siya ma'az'azem ila : "nakhini yami kayzaeh hingha' ila ka Sina:eng ki 'iniyabolalas ma'iyaeh ." Sequoyah 'i'ini' 'am nak'ino' matawaw, bazae'en haw Say nae'miSan papanae' ila. papi'oemaeh,Cree o UK coalition 'am tato'alae' ki Cherokee o Americas, hi Sequoyah pa'oSa'en hitay ila. hini hahila:, siya komitkita' ka tahoki' noka" 'aehae' 'aehae' ka biyae' " Somater ka kinaat, ma' komitkita' noka kama ma'onhal nasiya ray " 'aehae' 'aehae' biyae' " kiSkaaten, nakhara' 'am mahrahrang, 'isa: pak'es'es ila nahan nisiya ka hin'az'azem. karomi’o: ki katoliyae’ nak’ino’ ’ima SaSekla’, ’a’inowa’, nak’ino’ ha’aehae’ halapaw ki saboeh ka pinatawaw ’ini lasiya roSa’, ni boksi’ Sipanabih saboeh pakra:am no roSa’ taew’an ka ’aeh’aehael. siya ray kara' ma' komSa' hini papanae' 'am'amoeh sizaeh, 'am lobih tomalam kakiniSkaat nisiya. 'isa:, tabin 'aehae' tinal'oemaeh ila, Cherokee ki Americas nasiya ka hitay homobaz ila ka Cree ki United Kingdom hitay, hini papanae' 'isa: papayhini sizaeh ila. paktikot ka kiniSkaat ka hin'az'azem papanae' sizaeh, Sequoyah lobih ila Georgia siya ma' potngor ila kapakaksi'aelan ka tinal'oemaeh. siya ki Sally Waters makaksi'ael, nasiya korkoring minkoringan Sin Ahiokah en. malhang ka taew'an o 'aroma' hahila: siya ma' sa'sa'ih ka hahila: matawaw ka 'insiya pin'az'azem ka howaw. babaaw, siya bazbazae' noka Say 'asang Sipayaka:i' ka Cherokee, 'isa: Sikaat ray towak babaw, 'okik honaehnge: 'akoy ila kinaat ray towak babaw. siya ma'az'azem Sa' "nakhini 'am 'okaS?" 'akoy nahan kakaaten, ray 'ae'ay ka towak mayha'ha' 'oka' ila ka'aSkanan, nakhini 'aewhay, siya nonak ma' 'amkay hohoro:i:. siya 'isa: ma'az'azem ila nahan 'am nak'ino'. 'oka' ila, Say 'asang komita' nisiya Sikakreng 'am matawaw homSoS, hayza ila kama sawa' kama hakaS hisiya. saeboeh 'ima papnabih Sa' siya 'aewhay ila ka tae'oeloeh, 'oka' ma' noka 'alae' pat'a'a:ihin ila, komSa' 'am pa'aewhay ka Say 'asang saeboeh. 'nay'isa: Say Europe ka ma'iyaeh habaan ila bowaw ri'sa:. papanae' babaaw 'ima homobaz ka Americas to'ya' nasiya Say kapayhahila:an Cherokee Swawen ziza 'i: kaheheban ray Arkansas, ray kapayhahila:an SipakrowaSek ka 'inyabolalas ma'iyaeh. Sequoyah babaaw kaySiwa', kayni' Sipapi'oemaeh ma'oe'oe, 'isa: nasiya SiSiwa' . lasiya 'ano roSa' tinal'oemaeh bowaw ila hita ray Alabama. 'ima kayni' bowaw, haysiya honay Georgia ka ma'iyaeh komSa' hi Sequoyah 'ima tani lasiya ka Europe. ma' 'ima siya a kama taniSowaw ka 'amilika', hara ray towak babaw homohoba:en, 'isa: hiza ka hakaS ka 'inonaka ma'iyaeh. 'ana kano' 'inoka'an ka howaw ma' Siyaka:i' saeboeh. minkoringan nisya hi Sally kayni' ila bazae' ka pinyaka:i'. tikot Sikpotiyen noka kamamanraan, 'ima bi'i: baso' ila ka ni Sequoyah kinaat ray towak. komita' nisya kinhopayan 'oka' ila, siya 'imahoiS ray kara', ka korkoring hi Ahyokah nanaw ba:iS ki siya. siya 'ana 'aehae' ka:i' 'oka', min'itol ririm'anan minaraS ka korkoring papama' ka hanowan rae:iw ila, kararaan maray Arkansas kabala' langi:, 'am rima' Arkansas, ki Say kaheheban ka Cherokee 'am ma'onhal ila ki lasiya. ni Sequoyah ray tono' 'izo' hayza' ila ka pin'az'azem kapatawawen. kayni' ila tani kakhayza'an ka pinatawaw, Sequoyah nisiya ka 'aehae' Cherokee kapayaka:i' pak'aeh'ae' 'aehae'en ka 音節, soe'soehae'en pakhayza'an ka kinaat. 'aroma' ka kinaat Sinbaeh ray 'ego', 'aroma' nisiya nonak pinaskayzaeh. saeboeh hayza o monmaykaSpat oSayboSi: kinaat nisiya ka Cherokee kapayaka:i'. ray raan siya tomortoroe' hi Ahyokah kaat ka hini kinaat. kin'amoeh, ni Ahyokah kaaten ila, ma' raam ila ma'yaka:i' ni yaba' binoway kapayaka:i' noka Cherokee. yaba' ki korkoring lasiya roSa' ka towak pakraamen ila mayaka:i'. hini kayzaeh ila! Sequoyah ki Ahyokah 'ima Siyae' lasiya lososoi ila Arkansas, komSa' Say kaheheban Cherokee lasiya kayzaeh ay Somiwa' nisiya ka hini kinaat. 'okay koSa', lasiya bazae' ila, ma' 'okay paka:i' hisiya, komSa' siya 'ima tiSkonga'nga'. nasiya ka yaba' ki korkoring 'araSen ray to'ya' kala George Lowery, to'ya' 'isa: tomrong ka tatini' ki 'al'alak nom Sekla' noka hini roSa' kano' Sipayaka:i'. So: komSa' hi Sequoyah nisiya kinaat nom pat'a'a:ih, 'isa: siya ka toboken. Sequoyah 'am pakita' Sa' nisiya hini 'oki kakabaeh, siya monpoSal 'am tomalam. monhal, nisiya Ahyokah koSa'en ray latar, 'isa: papayaka:i' ila ka 委員 ka Cherokee, nisiya Sikaat ray towak babaw, 'isa: pakaS'abo' ila ka korkoring . kaS'abo' hi Ahyokah, komita' ni yaba' ka kinaat, hilhil'awan nisiya Sipaka:i' ila. la 委員 kakita'kita', nakhara' 'omoSiroy, o tikot nahan mayka:i' ka kano', tikot ka hini roSa' ka pit'a'a:ih. 'isa:, Sequoyah mayaka:i' ka 委員 koSa'en pawhiil piza' ka 'al'alak yako tatortoroe', Sahpiih piza' ila 'ilaS, monpoSal tomalam. 'isahini, Sequoyah ki kamakiSkaat nisiya 'okik hingha' ka 'iniririi', 'okay bazae' ka pinayaka:i', ma' 'okay Sahoro: ka ma'iyaeh, 'anoka kinaat saeboeh mahrahrang. kalpizal ila pin lalobih ka kinaat, kama kitkita' 'isa: paka:i' ila lasiya 'ima mahrahrang nanaw. minayhini lasiya paka:i' ila ni Sequoyah ka pinayaka:i', hiza 'okik ka pat'a'a:ih ka ma'iyaeh, 'isa: kayzaeh saeboeh tatoroe' ka hini nom komaat. ni Sequoyah pinatawaw Sekla'en ila noka saeboeh ray Cherokee. 'alikaehan, lasiya tatoroe' ila saeboeh ka kinaat, Sequoyah nasiya pa'in'itolen ka gi'ing ray kaheheban Cherokee. ray 議會sa'oe'en ka pinatawawan ka kaSakira:'an. ray kiokay ka 宣教士 hi Samuel Worcester, ma: papaskayzaeh 'aehae' kikay koSa'en 印刷機, 'am paskayzaeh noka Cherokee kapayka:i' 「聖經」. 'aehae' ka Sinbon noka Cherokee koSa'en ka " Cherokee Phoenix " kas'oehaez ila. nasiya 'inoka Europe a Sinbon ma' painibihin kaaten ka payaka:i' ni nonak, pakSekla' saeboe ka 'ima SaSo' ka kinraaman. kakhayza' habaan ma'iyaeh komita' ma' komSa' 'am 'oka' nanaw. Sequoyah ? siya haysiya nanaw 'oka' ka ka:i' ki ma'iyaeh, nisiya ka 'az'azemen Cherokee nanaw katotortore', siya ma'az'azem ila ka 'aroma' SaSepe:, mamowa', to'ya' nom powa' , 'am komilwa'is no Cherokee. Trail of Tears ki SinSinraehoe' hahakaS minay Europe 'ima bowaw ka ma'iyaeh ka Sinbon lasiya Sahoro: ila hini 'ima bowaw rini 'okik 'ah'ahal ila mita'. nakhara Sohoihin ila nasiya ka taew'an,Somwaw ila hi Sequoyah ki lasiya Say 'asang Sa'ila ilahita ray Okelahoma. Sequoyah kayni' a tomal ma'oe'oe' , lasiya Cherokee 'ima habaan bowaw ila 'a'oSa' ray kaheheban. 'oka' ila, hayza nahan 'ima honay Arkansas, lasiya rima' ila rawaS ray Tennassee, North Carolina ki Georgia. lasiya 'aewhay ka hin'az'azem , haSa' Sa' 'ampowa' 'ina ma'onhal papanae', 'ampowa' lasiya 'okay Sahoro: nasiya ka kin hopay, paSkiraa' ka" noka Indian nom bowaw kinaat" , Somowaw hi lasiya Sopat ka Sinraehoe' Sa'ila bowaw i Oklahoma. 'ina paSkiraa' ka hini kinaat tahoki' Theodore Roosevelt komaSa'. 'ana siya komSa' kayzaeh, Indian ma' 'isa: ka Indian nanaw, 'okay kakabaeh, siya ma' 'amkay singozaw minay langpez ma'iyaeh nak'ino', komSa' 'ima 'aewhay tomal ka Say 'os'oso'an ma'iyaeh, ma' homobaz ka Indian kayzaeh kin'i'iyaeh. 'ana noka Cherokee ka Sinbon koza' ka hinapa: , hiza haseb ka Sinraehoe' ma' noka hitay Sateren i 1600 kongli kin rawaS. kayni' Si'araS ka kano' 'ana kayba:en, kasi'aelen, sasisaw Sikayni', 'okay koSa' ka hahila: nak'ino', ma' 'okay kita' ka'il'iyo' Sa'te: ay, So: mowa:i' nahan 'aehae' ka tina'oemaeh, Choctaw, Seminole, Cree, Chickasaw, Cherokee ma paSo: 'aehae' tinal'oemaeh 'aehae' Sinraehoe' bowaw ila babih. ray raan,Chickasaw 'am hayza 5siyen~6siyen ma'iyaeh 'oka' ila ka raroo', Cherokee lasiya ma' hayza 4 siyen ma'iyaeh 'oka' en ila ka raroo'. hini 'ima haysiya ma'iyaeh, koza kin 'aewhay ka hin'az'azem, nakhara 'am tombok saeboe ka SaSinSinraehoe', hiza sa'iwaz 'aehae' ka " Trail of Tears". koza' kin hopay pinanraan, babaaw potngor ka Say kapayhahilaan ki Say kaheheban ka Cherokee lasiya kakita' ila, Sequoyah 'aehae' taew'an lasiya mininSa'la' 'ima bowaw rini ma' kakita' ila saeboeh. 'oka' ila , nasiya ka hoSi' haysiya ila 'ima 'a'ontoroe'toroe'. mowa:i' 'okay koSa' kakaykayzaehan lasiya, nonak ila hahakaShakaS, papi hiya 'ama:tahoki' ki 'am nak'ino' 'a'apol ka 'omaeh. hayza ma'iyaeh ray pinahahakaS masay, 'inSequoyah a ka korkoring ki kama komaat ka Sinbon saeboeh 'oyeh lasiya. Sequoyah Sipasay noka korkoring homangih komSa', pakaykayzaeh 'ita' , tapakhayza ila ka 'ayporong mita', mahrahrng tomwa'is, koSa'en 'ita' 'ima ma'yaka:i' ka 'ima hingha' ka ka:i' paklalazem 'ita' ka hi'az'azem. piza' 'ilaS Sahpiih ila, roSa' ka Sinraehoe' ma' Somiwa' ila ka pinahrahrangan, Sequoyah "Say kaheheban ka tahoki' " siya rima' paSkiraa' ka 'inoka saeboe a 'ayporong ka kinaat, komSa' 'izi' hakaS ka 'ima bowaw rini ka Sinraehoe', 'izi' ila 'i: kowaz kapinpatatbokan howaw. Sequoyah 'es'es ka hin'az'azem nisya, ray 'oemaeh 'izo' 'ima sem'el ka kano'kano', SaSinraehoe' kayzaeh mari' saeboeh, 'ita' kakaykayzaehan 'isa: 'inoka Cherokee 'ima kayzaeh ka kaspengan. boloe' ka kakrowaSekan 'iwan nakhara' mobay ka kasi'aelan no 'ima 'inoka' ka kaehaw, Sapang ka Cherokee ma'iyaeh yakina kayzaeh ka kin'i'iyaeh lasiya kayni' papaylis kil'aroma' Sinraehoe'. ma' 'isa:, 'okik sasa'ih ka Cherokee ma'iyaeh paka:i' saeboeh ni Sequoyah ka hin'az'azem. koSa'en ila, hini ka Europe ma'iyaeh 'ana 'inowan lasiya ma' maiytabin nanaw, yaSaSowaw nanaw ka SaSinSinraehoe'. mayhal, ray 'abo' a ray latar lasiya yakina wa:i' tato'alae' ila kil'ita', Sequoyah siya tatini' ila 'oka' ila kawa'is nom 'emlet. 'ima biil ila kapanraanan siya 'ima tatini' ila, Sequoyah 'ina bazae' hayza ka Cherokee ma'iyaeh kakhayza'an 'ina ray Georgia bowaw 'i: Mexico, ma' hayza 'ina bazae' kahayza'an honahnge: 'oka' ila 'i: payaka:i' 'i: ka 'ima tatini' kapayaka:i'. siya yakina tihoro: ka hini ma'iyaeh, ma' yakina tihoro: ka 'ima tatini' ka kapyaka:i', ma' 'ima hayza a nom komaat ka 'inoka Indian saeboeh a ka kakaat . hiza 'isa: 'insiya'a kin'i'iyaeh 'ima minaybiil ka pinanraan. 'inay ziza, Sequoyah siya sa'iwaz tatini' ila. siya ki 'al'alak ma'onhal, ray raan kal'oehay haSa' ila ka raan ! 'am kayni' 'oka'en ka kasi'aelen, Sequoyah tomrong ka'al'alak Sa'ila kiim ka raan, Si'ool 'am hayza langpez hahila: ka kasi'aelen, pa'ayna'en ray kalhib 'izo'. 'okik raami', Si'oSa' noka 'al'alak, rima' olobih too' ka Sinangayan, lasiya tomihoro: ila 'ima rowaSek ray Mexico ka ma'iyaeh, lobih kita'en 'oka' ila hi Sequoyah. 'al'alak tani 'a'oSa' kaheheban komiim ka raan, 'isa: kita'en ila hiza mimiyawa' ka tatini'. ray 'am 'oka' ila ka kasi'aelen, Sequoyah minSa'la' rae:iw ila, ray raan hayza ma'iyaeh mobay hisiya ka kasi'aelen, kayzah manraan tabin 'isahini . Sequoyah potngor ila Mexico, tomihoro: nasiya ka Sinraehoe', 'ima tatini' kapayaka:i' 'oka' ila 'i: tihoro:i, ray Mexico 'ima rowaSek nasiya ka ma'iyaeh kayni' Sequoyah lobih Americas. ray raan, hiza tatini' 'am hayza o monmaykaSpat ila tinal'oemaeh riza masay ila, 'isa: siya kololen ila ray Mexico. Sequoyah siya pakhayza ila noka Chrokee nasiya ka kinaat, Say 'isa: ma' raam ila saeboeh papayaka:i' ka "biyae' ". lasiya nonak komaat ka 'inonak a howaw, lomohlohay noka Say Europe nasiya ka kinraaman, hingha' ila kil 'aroma' hayza ila ninonak ka kinaat, ki lasiya ka 'ima bowaw rini hingha' ila ka Sina:eng. siya pak'i'iyaeh noka Cherokee ka hin'az'azem, hiza kano', 'isa: kakaykayzaehan, raam 'a'apol, raam malahang ki manraan kalpispis. noka Cherokee ka "biyae'" mayaka:i' ila, 'izo' pinayaka:i' Sa' 'izi' raylis, pakaykayzaehan, 'izi' pak'ininonak, pak 'inokasaeboeha , 'izi' SaSo'aewhay, paka:i' in, 'izi' SaSa'ii'. pinayaka:i': ray 'ego' 'izo', biyae' ki (kinaat) 'aehae' zinowas koSa'en ka leaf, 'isa: " biyae' raam mayaka:i'" 'isa: 'iniyakinaat zinowas SikoSa'.

hinoba:ang ma’an Sipakita’ ka tatini’, singozawen nak’ino’? paktikot ay? lasiya Sominibih Sa’, tatpo’ kano’ Siktikot! ’isa:a’ ray nak tatpo’an ’i:zo’ hoba:angen ka kapakSekla’. ’aehae’ hahila:, hiza ’aehae’ taew’an pawa:i’ ka ’ima haeba:an ’okik kamatato’alae’ ki lasiya mowa:i’ raerae’o’:. ’isaza hi romi’o: ki kapa’onhaelan nisiya ’ima ’okay pakra:am ka mae’iyaeh ma’ mowa:i’ ila ’oyaeh! hini kinbazae’an ray Siyato’ ka tinotatini’ (Chief Seattle) ray 1854 ka tinal’oemaeh nisiya pina’iyaka:i’, noka ’amilika’ to’ya’ ’am rima’ ray( Sipei )’am pakmowahil ka ’oemaeh, rima’ ’am bae:iw ka ’oemaeh noka ’inti’an hini sa’owaz howaw, “tabin ka samiyan kamapa’a’inowa’ kiyopite’, So’o roma:iy a tomal!” hi toliyae’ malkosiya manabih! ka taew'an noka hotok kin sobae:oeh Sipapsoeh bi:il ila noka (Suqamish) Say ’asang ka tinotatini’ hi Siyato’ nisiya pinayaka:i’ pa’az’azem ila ka mae’iyaeh, 'ayliSe: komita' 'aehae' 'ima kayzaeh tinal'izaeh ka taewtaew'an. manra:an o ngalngalngal Sa', " 'okik ra:ami hiya' Somir'aer rini!?" mayaka:i’ Say ’inti’an ’asang ka mae’iyaeh, ’oemaeh ki saboeh saboeh ’inokay til’aeti ka kinlalazem. Tangmo’ rima’ ray kakiSka:atan ra:an sasbong hi Hake hotok baba:aw kas'oehaez ray kateSnenan, 'ayliSe: Sahoero: minkakamoeh rima' 'am mayaka:i' ki hotok. 'i'ini' 'am mayaka:i' kita'en hotok minkakamoeh pakaS'abo' hi siya pabilis ka kabang. siya 'am rima' matawaw ila, 'okay papayaka:i' hi 'ayliSe:, 'ayliSe: ma' tanipinanabih kaS'abo' ila. ’oka’ ila, hini ’aehae’ ka pinanpanabih, ’okik ’ima Sapang hinapa: ma’ ’okik Sapang ka kina:at, kaysa’an hahila: ririm’aenan, Tangmo’ haysiya ray halapaw ’ima maywawa:ak, konaykonay ray halapaw, ba:in kayni’ min’itol, ma’az’azem ’am nak’ino mayaka:i’ kayzaeh ’okik ’oSa’ ray kakiSka:atan . kaS'abo' ila, komita' 'aehae' 'ima mayha'ha' ka kasi'aelen, 'isa:a' kal'a:iS ma' mari' 'aehae' si'aelen. honha:i' siya sobae:oeh ila naehan, taew'an noka hotok pakmonsoehen ila. 'ayliSe: ma'az'azem ra:am komoSa' So: somi'ael naehan 'am 'ol'olae'an naehan, 'isa:a' siya tikama' Somilam, rima' ray katatimae'an hombel ka 'iniyangangilaehan ka sithaw. ka hotok kayni' Sihebel, 'isa:a' 'ana hotok ma' 'araSen ray taew'an 'i:zo' ila. ’isa:a’ bi:il ila ’akoey ’inokik hingha’ kina:at, ka kina:at ki pinayaka:i’ ’okik hingha’ ka kinita’, ma’ ’am hayza’a ’ima ’okay paylal’oz. siya ’isa:a’ komakaebaeh Sa’ biSbiS ka nepen, nakhara’ kita’en biSbiS a tomal rima’ mayaka:i’ hi ’ata’ Sa’, “’ata’ ’ata’, yako biSbiS ka nepen ’okaS ila nanaw.” Sa’ila ray kakiSka:atan payaka:i’ yako ’am maSangay. “’ata’ tiSkobae:oh Sa’, “sa’owaz biSbiS ka nepen, ’insa’an ta’ila tapahebel ka sinsangan ma’ ’am kayzaeh ila.” 'ayliSe: tiSkobae:oeh ka hotok Sa'," 'okik paylal'oz ila, 'okay si'ael sowiti' 'amkay pak nak 'ar'aringan." somini'ael ila o pak'ol'olae'an a tomal, nak 'aewhaeS mayray horoe' rima' ray pongpongaehan ila. ’oka’ ila ’ana nak’ino’, ma’ ’iwan ma pakita’ naehan ka mae’iyaeh ka hini pinas’el ray hini ’oemaeh ka saeboeh saeboeh, o mobe:ay ’oyaeh ka kin’i’iyaeh ray hini ’oemaeh… manabih sizaeh, hi Tangmo’ ma’az’azm nakhini nepen ka hebelen, rima’ kiSka:at hawyang o, nakhini ’aewhay o. boeloe’ ka hinaz’azem SiS hi ’ata’ Sa’, “’ma’an nepen ’okik biSbiS ila.” ne’ne’ne’ rima’ ila ta:nepen timasa’, ’omam’amoeh komhaema’ rima’ ila ray kakiSka:atan. hotok komita' ka ka'ar'araSen ka toki: Sa', "yako 'am papahowih ila, matawaw 'am ma'ngel ila o!" 'okay kita'i rae:iw ila, 'okik ra:ami ka 'inoSa'an. ray ra:an sasbong hi Hake. siya sa’sa’ih ka hahila: lamlamlam, hayza’ ’aehae’ ’ima ta’owaw yaba’, ni yaba’ ma’ ’itayso:on. 'isahini 'ayliSe: 'ol'olae'an a tomalan, 'ana papa:o' ma' sopaloy 'ini siya, 'ana 'am talsakel ma' 'oka' nanaw, naka SibSiba:i' ray pongpongaehan kowaykowaykowy ma' 'okay 'oytih ray ra:an. ray ’asang tatini’ mayaka:i’ ka korkoring nasiya komoSa’ ’izi’ pa’onhael ki siya, ma’ korkoring paka:i’ ay? kayi’ sale’e: baezae’ ka’nal sale’e: kas’oehaez, minowa’ hahi:il ki siya makakSiyae’, ni Hake kano’ ma’ ra:men ray ’oes’oeso’an ra:am ’i’iyaeh nonak, ra:am nazip, rima' mari’ ray ’oes’oeso’an ka boway, ra:am romakep ka hotok… ,’kin Sarara’ hi siya. boksi’ ’ima kakaykayzaehan ki hiza roSa’ taew’an, ma’ ’iyapinawbabih ka kintato’aelae’ no roSa’ taew’an. ’oka’ a tomal ka pinonrowa’. pinapanae'an baba:aw ki paskayzaeh 'aehae' 'ima sobae:oeh ka mokma: “niSo’ ray hima’ tiniway minasay ngiyaw kapowa’en” ni Tangmo’ pinayaka:i'. “rohaenan wa’ila ki:im ’iyakin, ya:o tapayaka:i’ ’iSo’on ka hini howaw” ni Hake tiniSkobae:oh. telo'i: siya 'ana wa'isan miyalawa' ka 'asang, homobaz ka Sila' binsong, lasiya nonak ma' haba:en tipangihin. roSa’ mae’iyaeh sizaeh maehrahrang, ’iSka’inoSa’an ka ra:an rima’ ila. hini papanae' kin honaehnge: Sila' 'okay hobaz nanaw, 'oka' ila ka wa'is nom papanae'. 'isahini, 'aehae' kamapatinekla' mayaka:i' ka binsong komSa':"'ita' 'oy pata'aes naehan ki telo'i: papanae', 'izi' longanga', 'az'azem naehan 'am nak'ino' homobaz 'isa: 'am kayzaeh. 'isa: 'awtexiyuS mayaka:i' 'aehae' hin'az'azem, komSa' paskayzaeh ila 'aehae' ka 'ima sobae:oeh ka mokma:! minSa'la', hini ray mokma: tiyal 'oy kayzaeh pama' saeboeh ka binsong sisia'an kin sobae:oeh. sa’oewaz siya’ ’angiS ’omangang o tomoroe’ hilasiya Sa’ “So: moyo haysiya ma’onhael ki romi’o:, ma’an moyo kaSebeten ’oyaeh!” ma’oe’oe’ ila lasiya ray kapayziza’an. minayroSa', torong ka 'aroma' papama' ka palono' lobih ray tenitotaw, 'ayna:a' nom lobih papanae', So: 'am rae:iw 'inSa'la' baso' saeboeh ka hinataS, pasbol paksobae:oeh, latero'i: 'am pakoSa' ma siyobaz rae:iw ila, lasiya So: 'inokik'a'a:ih 'isa: ma' 'am kas'oehaez ila. minayto:o', 'am tomrong 'aehae' 'ima 'ikakarae:iw ma'iyaeh, 'am manabih hi telo'i: ma'iyaeh komSa' siya ka Sila' ma'iyaeh, 'am mowa:i' takoSa:il rini, 'am tal'awan tombok ka nom patabil, siya Siwa'en ila noka telo'i: ma'iyaeh o 'alibihin ray 'asang nasiya, 'isa: 'am roma:i: ka telo'i: ma'iyaeh pa'alibih ka mokma: ray 'asang 'izo', 'isahini, 'isa: niya'om ka tobokan ila ka telo'i:." sizaeh ma'iyaka:i', ni 'awteSiyoS ka pinki:bak, makSa' noka saeboeh Siyahae:en, siya pakSahae' ka ka:i' komSa' , 'al'alay ila paskayzaeh ka mokma:. 'ima haba:en mon'alay ray 'os'oso'an kominkaehoy kapaskayzaehan, hila:an haewan mata:waw, 'okay honasamez saeboeh, 'okik piza haehila: sizaeh pinata:waw, komita' ray hanowan ka sale'e: o roSa' masa', ki nak hinaba:i' ka romiS noka hanowan, o ka basang 'ima mowahil ki nak sa'owazan ka tatakay ki kaka', minsoe'hae'an naka 'ima sa'owaz ka hanowan, saeboeh komita' ma' Somiyahaeh saeboeh. toliyae’ nonak ra:am komoSa’ siya ’ima hira:iy ila ki romi’o:, siya kayni’ ni yaba’ ka pinawhi:il, ’isa:a’ ’ana nak’ino’ siya ma’ ’okay Siwa’. ’oka’ ila yaba’ ni siya ma’ ’okik bazae’ paspeng nanaw ka hina’azem nonak ’am matawaw. hi boksi’ ma’ tomrong ka mae’iyaeh rima’ kobae:aeh hi romi’o:. potngor ’ay kakololan, sa’owaz ’aewhay ila, boksi’ Sahoero: hi romi’o: ki palise’ roSa’ ’ima ’iya’zaw ila ka basang. ’isa:a’ tahoki’ ’omangang roSa’ Sinrahoe’ taew’an Sa’, korkoring nimon ’ina pama’ ila ka howaw nimon, moyo ’izi’ ila Sa’a’i:i’, ’izi’ ila tato’aelae’!

tatini’ ’omangang ’iyakin Sa’, ’izi’ hoba:ang ka ’inoka’ ka howaw, pakakreng tatoroe’ ka malno’amilika’, tatoroe’ ka kaSepe:an ki Sekla’ ka ’oemaeh, ’ima kayzaeh ka howaw. ’isa:a’ tabin tatngor ’okay hakamahoba:ang, rima’ tatoroe’ kamase:ez ka kamahomayap. mam raerae’oe:, mowa:i’ ’aehae’ kabina:o’ Sahoero:on nisiya, honha:i’! ’okik ra:ami koza’ kin honaehnge: romi’o: nak ’okay ’a’a:ih ka mae’iyaeh! ’oka’ ila hiza kabina:o’ toliyae’ hi korkoring noka hiza ’aehae’ taew’an kamatato’alae’ ki romi’o: ’aehae’ taew’an. “mari’ ka hinawak ni samiyan kamapa’a’inowa’ kiyopite’, ’oka’ siya ’am maybih o ya:o ma’ ’omahowiS a tomal” hi romi’o: Sa’. pinatahoeki’ noka hwaSenton, ma’iyaeh niSo’ haeba:en, nak Sinapel ka hinbetel ray ’ima mowahil ka rape:, o ma’an ka ma’iyaeh nak ray pinba:yoSan pinanababe:eS ka kaehoy. ’isa:a’, So’o komSa’ ’am bae:iwa ka ’oemaeh niya’om, o komSa’ ’am pakhayza’ ka kak’i’iyaeh ’ima kayzaeh ’iniya’om, ray pongpongaehan 'ana 'inowan ma' 'okik hingha' hini bazae’en nak hara kayzaeh ka pinsasapih, ’oka’ ila noka Say kanman mae’iyaeh kinita’, hini ray rape: ’ana kano’ ma’ kinSobaeh saboeh. ray pongpongaehan 'ayliSe: komita' 'aehae' 'aehae' mam ra:yap ka papa:o' nak hininroSa' ka kasi'aelen pang. ’isa:a’ niSo’ ka kinoSa’, kita’en ila niya’om sa’owaz matemezeng a tomalan. hi boksi’ ma’az’azem-- “So: komita’ hi romi’o: ki toliyae’ ’a’inowa’ ila, ra:amen kayzaeh nom babih no hini roSa’ taew’an ’ima makakpae:ae’.” ’isa:a’ siya manabih ’ini romi’o: Sa’ “’a:ay ya:o tabalong ’inimon ’am makaksi’ael.” bi:il ila bazae' ka 'ima ra:am mayaka:i' ponpongaeh, mari' ka kaktortoroe'an ka pongaeh "maekoy"(玫瑰); pohi: 'osazo: naka kapa:ngas "Sozing"(豎琴); pongaeh linglong naka 'ima sopaloy ki 'ima 'ol'olae'an ka kabonbon, ma' hayza' 'aehae' 'aehae' ra:an ka pongaeh naka kapa:ngas kamama:tol. lasiya mam ma:tol, nak 'ima kayzaeh ka kamama:ma:tol ka pakSiya:i'. minay roSa' : ray koko:ol babaw ka kinkinololan 'ayliSe: ma' tanipina:tol ma:tol ila, Siyae' a tomal, mangowip ila 'am rima' Somowaw ka hiza hotok. rohaenan ’ita’ roSa’ tasasbong tapa’onhael ta’oSa’ ray ’asang hikor hato koko:ol babaw ray kinkinololan, kowa manra:an o kowa ’a’iyalatar... “niSo’ ngiyaw minasay ’ampowa’ haysiya tinitiway noka hima' !” Tangmo’ mayaka:i’. 'okik honaehnge:, 'ayliSe: ray Sinokae'kae'niwan sasbong ki SibSiba:i' 'ima milsobol, siya ra:am noka takarang paba:ang ka 'inokik hingha' ka 'iniltohoeyan. 'ayliSe: homSoS a tomal 'okay paka:i', 'oka' o toehoey rima' kansiya ray basang, siya kayni' a tomal somazek 'iyakina rae:iw. “yaba’ ma’an mayaka:i’ ’iyakin, ray kinkinololan hayza’ ka haebon, So: kita’en haebon kas’oehaez ila , niSo’ ngiyaw minasay ’osa:ani’ ray haebon hikor, ’isa:a’ balong ila nom komowa’ ka ka:i’, mowa:i’, kita’en ray basang ’ima ponlaleket mae’iyaeh, ’ima ponlaleket ma’ ’am hawka’ ila.” ni Hake. tiniSkobae:oeh. 'oka' o SibSiba:i' Sa', " ya:o hayza' ka 'ima Sapang Sil'i: ka howaw 'am maehrahrang ki So'o!" 'isahini 'ayliSe: noka 'iyakina ra:am o maySoSowaw ma' kalibih ila. “niSo’ ray basang ’akoey ka ’ima ponlaleket, ’insa’an ya:o tatalam ’alro:ol niSo’ pinayaka:i’” Tangmo’ komitkita’ ni Hake ka basang ’am manabih. 'isa:a' SibSiba:i' pa'intoehoey ka 'aehae' papa:o' SiS hi 'ayliSe: Sa', " kabih pak'ibabaw 'iSo'on, kabih pak'ir'ira:i'an 'iSo'on." sizaeh ka pinayaka:i' homayap rae:iw ila, ma' 'ayliSe: 'okik ra:ami nisiya kano' ka pinanabih? kita’en hi romi’o: mowa:i’ ila o ’angangen ni tipote’, hi romi’o: narmeS ’okay ’a’angang ki tipote’, siya ma’az’azem ’ini toliyae’ kayni’ pahaha:ih naehan no roSa’ taew’an. roSa’ mae’iyaeh potngor ila ray kinkinololan, hoSa:il ray kinolol langi: ray kaehoy pingi’, hihimi’an minayna:a’. ’aehae’ ’aehae’ Sinepe:an Saehpi:ih ila, honha:i’ nakhara’ baezae’ ka hinngas, soka’ sa’owaz haebon mowa:i’ ila? roSa’ mae’iyaeh noka kintikot tal’es’es ’am ’a’awpo’ ’okik kas’oehaez ka ngabas. 'isahini 'ayliSe: tomiklih kabih ki kabih 'aehae' ka kae'niw, mari' ray kayi' ka kae'niw koma:as sowiti', basang makSa' sobae:oeh 'ini 'ar'aringan kiraeh koza' kin sopaloy. honha:i' 'inay kaehkaehoyan rima' ray kawaS kita'en, 'ana nonak ma' homSoS ila. siya minkakamoeh koma:as ray ka'nal ka kae'niw sowiti', honha:i' o naka SibSiba:i' kin 'ol'olae'an ila, hinkawton ray rape:. hinngas baezae’en ’al’alihan ila, ’in ray kamra:waS lasiya Sahoero: to:o’ mae’iyae… Robson sinsangan ’ima likapahiyo’, Intian Joe ki ’aehae’ naehan mae’iyaeh patna’aehae’ binilis ka kakowih Sa:liyaw, 'ayliSe: ma'az'azem ila, " So: romiyae' ray kayi' sowiti', ra:amen 'am kayzaeh lobih ray 'ar'aringan nak hi nonak ila." lasiya roSa’ haysiya ’ima ma’az’azem hiza’ to:o’ mae’iyaeh ’apowa’ a tomal? honha:i’ kita’en roSa’ mae’iyaeh noka Sa:liyaw komowih ila ka kinolol. sa'owaz, bi:il ila siya lobih ray 'ar'aringan ka sin'elan ila. “’ampowa’! lasiya’ ’am marma’ ka kinolol” Tangmo’ ki Hake tiSkobalbalay man maehrahrang”. ma’az’azem niya ’omam’amoeh lobih ray ’asang mayaka:i’ ka tatini’ nasiya kinSaehoro:an howaw, ma’ tikot ra:men nasiya to:o’ mae’iyaeh, ’okik ra:ami’ ka tak’ino’on o, lasiya ma’ ngangorayan miyataltalikiyan risa:a’, tikot kakoway ma’ tikot maehrahrang, mayna:a’ komita’ naehan So: kayzaeh kakrae:iwan ma’ ’am ’omam’aemoeh rae:iw. ’okik honaenge: 'okik ra:mi papi kano o baezae’en lasiya to:o’ ’a’angang ila, kita’en hi Intian Joe mari’ ka malat homazab hi Robson sinsangan ka ka:ra’. 'am 'omal'alay ila pon'a'a:ih Tangmo’ ki Hake komita’, homSoS lokiSkiS ’am rae:iw lobih ray ’asang, noka kintikot nanaw mangowip ila So: Saehoro:on nasiya katak’ino’on o. "mokma: sizaeh ila pinaskayzaeh, saeboeh tani pinki:bak 'a'apol kapata:wawen, 'aroma' ray tiyal 'izo', 'aroma' papama' ray palono' lobih ray tenito:, ’okik honha:i’, lasiya roSa’ mowa:i’ ila kala: Paeki’ ray taew’an… “moyo’ roSa’ ’ampowa’ hahi:il ka rarang, ngaehngaehngaeh?” ni Paeki’ pinayaka:i’. “ya:o ’am komi:im hi yaba’ niSo’, ya:o ’am manabih hi Chaichal Sapang a tomal kamasempeng ’aehae’ ’ima paktikot ka howaw...” hi Tangmo’ haysiya ’ima ngaehngaehngaeh ’am manmanabih . 'aehae' nahan 'oy hayza 'aehae' ma'iyaeh ma: 'ima 'ikakarae:iw ma'iyaeh. 'isahini hiya' Somiwa' mata:waw ka hini, wa:i' ilahini." 'awteSiyoS ma'iyaka:i'. bi:il ila, hi Intian Joe tihoro:on ray kalhib ’izo’ ’ima hoSa:il, noka ’ima haeba:an mae’iyaeh hoehoehen Si 'al'ohaez , rakepen ila. saeboeh haysiya 'ima ma'az'azem, hayza' 'aehae' Sin Sinongen miriri:i' komSa': " 'am papi komSa' 'am tombok hi telo'i:, 'ana yako pawka' ka raro:o' yako ma' 'okik tikot, yako taSa'ila." sizaeh ma'iyaka:i', saeboeh ka bisong 'ikaSomiyahaeh, komita' siya kin 'iya:pae'zo'en, ma' pakilwa'is ila ka saeboeh. mowa:i’ ’aehae’ hahila:, Chaichal kamasempeng pawa:i’ hi Tangmo’ Sapang ’ima Saehoro: Si’e:eS ka mae’iyaeh, Tangmo’ ’isa:a’ mayaka:i’ ila ray ’ima haewan kinSaehoro:an ka howaw Sipakra:am ka saeboeh, ma’ sa’owaz hi Intian Joe tombok ka mae’iyaeh. 'isa:, 'ima haeban binsong tali'awan ila, rima' kaS'abo' ray tiyal noka mokma:, 'awteSyoS maybi:il kaS'abo', ka hahangaw tali'abo'en 'oyaeh. sizaeh! haeba:an mae’iyaeh romokol hi Tangmo’ hayza’ ka ’ima kayzaeh o ’ima wa’isan wa’is. 'isahini, saeboeh ray tiyal noka mokma: 'izo' 'ika hihimi'an saeboeh, 'okay Sahoro: ray latar ma' paktiktikotan ka saeboeh. ’in ray hini ’aehae’ hahila:, ray ’asang mae’iyaeh Sekla’ ila hi Tangmo’ koSa’en ’ima wa’isan ka pae’zo’ mae’iyaeh, noka ’ima haeba:an rokolon . ’ata’ nisiya ma’ kinSiyae’ a tomal. 'aroma' ma'iyaeh tama'alay baso' ila ka taew'an, karangi'an ki hinataS, 'isa: 'omam'amoeh kaSna'itol ray palono' 'am lobih ila ray tenito:, 'am mayna:a' ka pinaSowatoroe'. toliyae’ ’omhowiS a tomal rima’ kala boksi’ lawlonse’ homangih Sa’-- “yako kayni’ hinra:iy tilhaehael ’iniman.” ’ima ’aewhay ka howaw kama minSa’la’ nanaw ’ini ’ima kayzaeh, tinrong ni boksi’ ’i’ini’i potngor, hi romi’o: bazae’ komoSa’ toliyae’ ’oka’ ila, minkakamoeh siya papama’ ka hanowan lobih ila ray belona’. hi boksi’ haysiya mam hemSeS, toliyae’ hekla’ ila, siya komita’ hi boksi’ ’okay Sahoero: hi romi’o:, siya Sa’-- “ romi’o: hayno’?” Sahpi:ih ila hini ’ima kin’omahowiS howaw, ’isa:a’ roSa’ taew’an ’inkakhayza’an ka howaw ’ima makakpae:ae’ ma’ babihin ’oka’ ila.

’ima Sahpi:ih SayboSi: tinal’oemaeh, ya:o ’ima homayap ’ay Sahala: ’ima mowahil ka bonbonazan. kamahayap kikay ’aewhay ila, ya:o nonak paskayzaeh somapih ka ’ima ’aewhay. ya:o nonak matawaw ’oka’ ka mae’iyaeh tatilhaehael. hae:wan Somir’al ray bonbonazan, ’okik ra:ami Selra: ila, bazae’en hayza’ ka mae’iyaeh ’omitol ’iyakin. kita’en ’aehae’ korkoring SiS ’iyakin komoSa’, “hoba:ang so’hae’ ka Siri’ ’iniman.” lasiya roSa’ ’okay ’az’azem roSa’ taew’an ’ima tato’alae’ ’a’inowa’ ila! “kaS’abo’ ila!” hi toliyae’ ’oe’oe:on ni ’oya’ rima’ ila! hi romi’o: minkaekaemoeh manabih Sa’ “yako romi’o:, ’ihoero: ka raro:o’ ma’an.” kakhayza’an ’ina hayza’ ka hahila:, ma’an ma’iyaeh kinhaba:en ma’ nakSinapel ray hini ’oemaeh, nak hinaba:i’ ka lalowa: manehmek ka kolaehba’ bine:eS ray bonbonazan hingha’. ’isa:a’ hini roSa’ ka ’al’alak makaksi’ael ila ray kinita’ ni boksi’. ’oka’ ila hiza hahila: Saehpi:ih ila, ’isahini nak hara mangowip ila ray ’asang ka pinak’i’iyaeh. ’isahini, yako ’amkay ’omahoiS ila ’iniSo’ ka Sinina’, niSo’ samiyan sa’sa’ih ka hahila: ’am pakwa’isan ka ’inSo’a ma’iyaeh, ’okik honaehnge: ’am may’amet ila saeboeh ka ’oemaeh, o ma’an ka ma’iyaeh, ma’an ka korkoring lasiya ’ina Sahoero: ila ray ’asang pinapaenae’ ka kinsiyobaz, papanae’ ’inoka’ ka masa’, ’inmita’a ’ana kano’ kapakhawka’en saboeh, ’oka’ ka kinkayzaeh. So: yami tani niSo’ ka pinanra:an, ’isa:a’ yami ’am hayza’ ka kinalahaeng. ’oka’ ila, kin narmeS ni romi’o: kita’en noka kapa’onhaelan nakhara ’inoka’ ka pae’zo’! lo'aw'aw ray kaehkaehoyan 'isa:a' siya 'okik ra:ami 'am 'ila'ino ila... ray panga' 'akoey ka tinoroe'an, hiza pak'in'alewez hi 'ayliSe:, 'okik ra:ami 'am maray 'ino' kayzaeh? konaeh sasbong, ray kati'aelae' komita' 'aehae' 'ima sobae:oeh ka ngiyaw, 'ayliSe: somingozaw hi siya Sa' 'am may'ino' kayzaeh? bi:il ila ka 'ima sobae:oeh ngiyaw tomoroe' ka 'am rima' ray 'ima potiyan hito' ka ra:an, sizaeh ka pinayaka:i' hawka' ila. 'ayliSe: sa'owaz rima' kan 'ima potiyan hito', ray hito' 'ana ni hiya' pinayaka:i' ma' 'awmomza' a tomal, 'ayliSe: 'ana nak'ino' komilwa'is ma' 'aewhay ka pinanabih. 'isahini hotok maray riza Sahoero:en ni 'ayliSe: , 'isa:a' Somowaw ka hotok, 'ana nak'ino' ma' 'okay talsakel. manra:an manra:an o rima' ray 'aroma' kaehkaehoyan, risaza ka kaSnay'oes'oeso'an sin'elan 'okik hingha' a tomal, hayza' ka tatangoe' noka bibi: sin'elan naka kapa:ngas, ma' hayza' ka takem naka kabonbon .... 'isahini siya Sahoero: ka 'aehae' papayziza'an, nakhara kayzaeh nom lobih, ray kamra:waS 'aehae' 'ima hayza' nak sasapeoh ka ngabas, maybalbalay 'ima hon'al'alih, nisya sapeohen hini 'aehae' ra:an hawka' ila. komita' nakhini 'ayliSe: 'okik ra:ami 'am nak'ino' ila? 'ana 'inowan ma' 'am ray kaehkaehoyan ila? 'okay kita' ka ra:an nom lobih, 'isa:a' siya 'omahowiS a tomal homangih ila riza. minay to:o' : kaSkaS’ilawan ra:an o ’akoy ka kinmari’an 'ima manga'nga' hi telo'i: ki 'ima komakabaeh hi Sinong hayza’ ’aehae’ hahila:, Tangmo’ ki Hake ray ra:an sasbong ila nahan, lasiya roSa’ hingha’ rima’ ila naehan ray bangbangolan makakSiyae’. “’am rima’ ay Sa’la’ ni Intian Joe kinhoSa:ilan ka kaihib komita’, ra:men ’am hayza’ ka ’ima ’okik ra:ami ka kakrangi’an o.” roSa’ mae’iyaeh ’aehae’ ka ngabas ’am mayaka:i’. bi:il ila ni boksi’ lawlonse’ be:ayen ka ’iyo’ komoSa’ “lobih bazae’ ka pinayaka:i’ ni yaba’ niSo’, So: ’ihael ’am hinra:iy ila hini ’iyo’ rae’oe:ani, honaha:i’ So’o ’am ’okik ’a’a:ih ila, Sahpi:ih So: roSa’ hahila: So’o ’am hekla’, ’i’ini’ hekla’ romi’o: ’am mowa:i’ ila mari’ ’iSo’on, ’isa:a’ moyo ’am’amoeh rae:iw. sa'owaz, Say telo'i: ma'iyaeh kiSrawaS Sahoero: ka haepy ki kasbol, saboeh Sakilatar ila, Sahoero: ka xila' binsong minkakoraeh ila ray wasal rae:iw ila, ’isa:a’, lasiya roSa’ tani’ ka ’oSa’an ray kalhib rima’ ila. 'isa: lasiya pata'aes ila ka hin'az'azem, homaewaeh ila ray 'asang ka kateSnenan, kas'oehaez ila saeboh ri'saza, lasiya Sahoero: 'aehae' 'ima sopaloy o 'ima 'ibabaw ka mokma: ray kati'ae'la'an. kalhib hoeroe’ hi’owaS ’okik mowahil, hinghingha’an mae’iyaeh kin’ibabaw nanaw, lasiya maybalbalay ’am ’omotih homakama’. rima ray kam’izo’ hi’owaS a tomal, honha:i’ nanaw, kita’en ray hoeroe’ ’i:zo’ tomal Saehor:on ka ’ima ’obilang ’obilang. tani’ ka ’ima tilka:an homakama’ rima’ ray kam’i:zo’… saeboeh 'ima manmanabih, 'aehae' ma'iyaeh 'inay mokma: kas'oehaez ila. lasiya komita’ ’aehae’ hobos ’ima ’obilangan, pina’apis ray roSa’ bato’ kae’er wazwaz, ’ima minSala’ hi Tangmo’ noka ’aehae’ hima’ nanaw hoehoehen ka hobos ’al’oehaezen ila, roSa’ haysiya mam ma’az’azem Sa' hini 'ima 'obilangan bato' ay , kowa homaewaeh ka hobos. Sinong taniki:bak nisiya, 'am komakabaeh hilasiya. sa’owaz, kita’en habiyalan ’obilangan, honha:i’ tiS’aliyaS ka kinmae’iyaehan nasiya, ray hoeroe’ ’izo’ so’i’an ’okik Saehoro: ka hima’, honha:i’ tilka:an ila, lasiya ’okik paka:i’ nasiya kinita’ ray masa’ ’i:zo’, “’ampowa’! kin’akoy ka bato’ ’ima ’obilangan, ’ita’ ’am liyabo’ ila o, noka kinSiyae’ tomtomkaw yaho: yaho: ’am maehrahrang. 'ima haba:an bisong komita' hi Sinong ray basang 'oka ka nom maenae', nakhara kaminSeS, mantete: 'ima homangih, nakhara tikot, kas'oehaez ray mokma:, bi:il ila, hi Tangmo’ maehoro: hi Intian Joe 'ima hoSa:il rini’ ray hoeroe’ ’i:zo’, mayaka:i hi Hake Sa’, “hini kita’en ni Intian Joe ’inaraS rini Sina:il ka kakrangi’an?” Hake noka kiSiyae’ ’okik baezae’ ni Tangmo’ pinayaka:i’ ka kano’… 'isa: somingozaw hisiya So'o hiya'? 'ampowa' So'o nonak? Sinong tiSkobae:oeh komSa': "yako 'inoka Sila' a ka binsong rinakep nasiya, lasiya 'ima komSa' hini ray ra:an 'am kayzaeh ka panra:anan, 'isa: paskayzaeh ka hini 'aehae' ka mokma: ka te'en ka samiyan, o 'isa: 'am tombok 'iyakin kapapatabil. “Tangmo’, hayza’ ila ka rayhil So’o ’am powa’ ka kano’?” ni Hake pinayaka:i’’’ ya:o ’am makaksi’ael ki Paeki’ “So’o haysiya korkoring o, ma’ kin’alikaeh a tomal ka hin’azem!” So’o li? Hake. “ya:o kayni’ ila lamlamlam. ya:o ’am boloe’ ila ’ima ’orang’orangan ka kin’i’iyaeh, ’am somapih ka ’ima SaSo’ o ’ima kayzaeh ka kin’i’iyaeh.” mae’iyaeh So: Sil’i: a tomal ka hina’azem ma’ nganga’nga’an ila, hi romi’o: kin ’omahowiS ’isa:a’ papayra:an siya bae:iw ka ’iyo’ tatoba’, ray kinolol ka minkoringan nisiya ’am romae’oe: ka ’iyo’, ’am ma’onhael ki toliyae’ nak minae’rem. yako tomamemeS komilwa'is 'am rae:iw, hoSa:il ray SamSama:an ray hinhinbetelan 'izo' kayni' Sahoero:en, tabin lasiya rae:iw ila rawaS, yako 'isa: kas'oehaez ila ray mokma: 'izo'." ’isa:a’ roSa’ ’aehae’ ka ngabas mayaka:i’, “’ita’ ta: pakayzaeh ’aSkan ka hini kakrangi’an.” binsong komSa', ma'an 'am kano' nom paka:i' 'iSo'on, Sinong komSa' ila naehan: "yako rinakep nasiya ri'sa:, komita' noka Sila' bisong sa'owaz makakhoepay ila saeboeh, nom papanae' hahi:il ka 'ima 'aewhay, kasi'aelen ma' 'oka' ila, 'am 'oka' ila nanaw nom papanae'. nasiya roSa’ kakrangi’an paskayzaehen Sa:ilin, kinSiyae’ ma’onhael lobih ila ray ’asang. telo'i: ma'iyaeh, moyo kayzaeh ila 'oka' kamahaki' ila, So: moyo 'okik paka:i' 'iyakin, tobok 'iyakin!" “Tangmo’, ’am rima’ naehan ay Sakira:a’ ka ra:an?” Hake mayaka:i’ sa’owaz a! koSa’ kano’ howaw ki rima’ Sakira:a’ ka ra:an kayzaeh ka pakakSiyae’en." 'a:ay! 'ita' ta: 'az'azem naehan 'am rima rayno Sakira:a' ka ra:an " bazae' ni Sinong ka pina'iyaka:i', telo'i: ma'iyaeh Sa' ma' paka'alo'an bazae'en, 'isa: pata'aes 'ila ka hin'az'azem, tani tahoeki' kaS'abo' ila ray 'asang 'izo'. 'oka' ila noka tahoeki' hayza' 'aehae' ka ka:i', 'am papa'iyaka:i' hi Sinong komSa' ka mokma: nak'ino' mowa:i' rini. Sinong ma'iyaka:i' ila naehan: "Sila' ma'iyaeh minkakoraeh, minasoka lasiya 'am palotor ka sasi'ael ki kapapanae', lasiya rini paskayzaeh ka mokma:, mina komSa' 'am pa:'alo' ka samiyan hi yatiyena', ho'alo' hi lasiya 'am tomabih naehan ka hini rape:. 'oka' ila So: nimon ka mokma: 'araSen ray 'asang 'izo', 'am 'isa: ila moyo ka kalahaengen noka yatiyena' samiyan, Sila' bisong lasiya 'ana'inowan 'am 'okay hobaz ila. 'isahini, hayza' ila 'inokik hingha' ka hin'az'azem, 'am pakaS'abo' ay ka mokma: ray 'asang, 'ima paka:i' ni Sinong komSa' 'am'amoeh pakaS'abo' ka mokma:, kayzaeh kalahaengen noka samiyan； ma' hayza' 'ima haba:an 'okik pa:ka:i' Sa' hini kazaeh malahaeng noka telo'i: ka kapatabil, komSa' nakhini ngoray atomal, hini ra:amen noka 'aelae' pino'a'a:ih, 'am'amoeh baso' ila ka hini mokma:, 'ana Sinong ma' tobok 'oyeh. ’am somingozaw naehan kita’en kamanra:an nisiya minaywa:ak ’ay langi: ’okay hehnak ila, tinabo’ ka ’iyo’ hasiya binilis ni karomi’o:, siya ma’az’azem howaw ’aewhay ila, ’isa:a’ siya mari’ ka habis Sihazab ka basang nonak o malbel ila ray kabih ni karomi’o:. 'ima kayni' pakaS'abo' ma'iyaka:i' sizaeh, kita'en kanlasiya ray masa' kas'oehaez roSa' 'ima sopaloy ka Siba:i', Somipot ka ma'iyaeh Sanpasay ka 'ma'iyaeh, saeboeh 'ima homSeS lokaka:is ila. saeboeh 'isa: papnabih ila ra:amen 'okik pa:ka:i', 'isa: noka samiyan yatiyena' pakara'en ila, 'isa: 'omam'amoeh nasiya ka mokma: hoehoehen ila ray 'asang 'izo'. minay'isa:, saeboeh 'ima Siyae', matol, homlal 'ima Siyae' ka hini mokma:. 'ana'ila 'aewhay ka ra:an, ray mokma: 'izo' ka Sila' bisong nasiya nom papanae' ngangali'ngi' 'ima homngas, telo'i: ma'iyaeh ma' 'ana switi' 'okik 'a'a:ih, tomwa'is makakSiyae' hayza ma'iyaeh Sahoero: ila ka kin'abonay, 'oemoe'oe: 'am 'emlet Sa' 'izi' pakaS'abo' ka mokma:, noka kin tozazih 'okay bazae' saeboeh.

yako ’okik ’ina homoba:ang ka Siri’, ’isa:a’ ila homoba:ang. siya komita’ Sa’, “ ’aewhay! ya:o kayni’ noka Siba:i’ tiyal ’i:zo’ hayza’ ka po:ong. hoba:ang ka Sapang Siri’ ’iniman.” ya:o monpilaz homoba:ang ’oka’ ka Sinarara’ nisiya. ya:o Somowaw ’am somapih ka kamahayap ’ima ’aewhay, ’isa:a’ Sihoba:ang ka Sarakopan, koSa’en Siri’ ha:aw ’i:zo’, siya Somiwa’ Siyae’ ila. tioliyae’ lobih ray taew’an, maSlaehray ’ay hinohaes ngalngalngal Sa’ “romi’o:! So’o hayno’? yako minowa’ ’iSo’on.” ’isa:a’ siya ’okik ra:am hi romi’o: ’ima hoSa:il ’ay hinohaes wahoer ’okay rae:iw. ’isa:a’, yako ’isahini ’iyakinoSa’, talniya’om ka pinayaka:i’, boe’oel noka tatini’ mita’ ’ana ’abo’ ila ma’ Sil’i: kinita’, nasiya kakrowaSekan ’ima Sil’i: kinita’. lasiya ’ana ’inowan ’okay ngowip ka hini ’oemaeh ’ima pas’el hi lasiya, romi’o: ’itayso:on ila noka kapa’onhaelan, lasiya ki tipote’ maSaSbet ila naehan, ’am kakoring ’okay kita’ ’aehae’ kapa’onhaelan tobokon ila ni tipote’. nasiya kinSobaeh naehan hini ka ’oem’oemaeh, ba:la’, koko:ol, rola:ong wasal…., ’am ra:am Sa’ ’inay ka’alepan lobih payrarongaw ’iniya’om o romamramay ’iniya’om. bi:il ila maykaSpi' 'okik honaehnge:, hiza 'ima sobae:oeh ka ngiyaw kas'oehaez ila Sa', “ So'o 'iyataniSowaw ka hiza hotok ay?” 'ayliSe: Sa', “kayni' ila, ya:o 'iyakinalobih ray taew'an nanaw, 'oka' o ya:o 'okay tihoero: ka kaklobihan 'ay taew'an ra:an.” 'isa:a' 'ima sobae:oeh ka ngiyaw mobe:ay 'aehae' kaklotngoran ray taew'an ka ra:an, o 'isa:a' ma' 'ima hinkikiyo' o 'ima ra:waS ka kaklo'aw'awan. riza sasbong hi tahoki' 'ima Sopat kalihokan, tahoki' 'iyatomrong Sa', 'am makakSiyae' 'a'inola' ka 'am Sebet ka mali', hiya' 'ima ra:waS? 'ima siyobaz ka kinta'oeloehen. 'ima makakSiyae' 'ayliSe: 'awmomza' a tomal, papi 'isa:a' tahoki' 'aewhay ka hina'azem 'am 'eme:eS hi 'ayliSe:. 'ayliSe: noka kin tikot hima' 'ima tihobos, 'okik ra:ami taSilam ka 'inokay 'ameti ka kae'niw, 'isa:a' hopoten ray ngabas Sa'enen. basang sobae:oeh ila, nakhini sobae:oeh ila ma' 'okik tikot noka tahoki' ka patkimin, ma' Somobae:oeh ila hi tahoki'. 'okik ra:ami, 'am SiS hi tahoki' o ha'ol'olae'an ila. 'iwa' nisiya kaysa'an mari' ka kabih no kabih kae'niw honsasamezen takmoroehen ila, 'isa:a' mak'aehae' sobae:oeh, mak'aehae' 'ol'olae'an. hiza ’aehae’ kin haewan toliyae’ paspeng hi boksi’ lawlonse’, ka ’iyo’ rae'oe:oen ila nisiya. 'ayliSe: komilwa'is 'am 'ae'ae:aew 'am rae:iw, ka tahoki' kil nisiya binsong 'ima 'es'es mam taniSowaw. 'okik honaehnge:, 'ayliSe: sasbong ila naehan ka hini 'ima ra:am mayaka:i' ka kateSnen kapaksemke:en. siya' minkakamoeh komilwa'is 'am homawaeh ka kateSnenan, 'am rae:iw rini. ray kateSnenan ka ra:waeh paksopaloyen ka minaehtang Sa', “So'o kas'oehaez ila o!” 'ayliSe: maray minaehtang komita', sa'owaz Sahoero: nonak ray latar 'ima minae'rem, 'isa:a' 'omoe'oe: ka 'in nonak a raro:o' 'am 'omitol hi nonak. 'ima maSrahray ray kaehoy hahoer hi 'ayliSe: minkakamoeh min'itol hekla' ila. min'itol ila ma' haysiya ngalngalngal nakhara haysiya mam 'iSpi'. 'ayliSe: hekla' ila! romi’o: potngor ray kakololan, ’omam’amoeh siya homaewaeh ka kinololan ’am komita’ ka minkoringan ni siya. ’okik ka:nga’, boksi’ rakepen ila noka kamamiyalawa’, mae’iyaeh ma’ bazae’ ila ka howaw! telo'i: 'asang haki'in ila telo'i: haysiya ila ray 'ima pakakSiSiyae'an, honaehnge: 'okay Sangay, tabin 'iwawaz saeboeh hoepay ila 'isa: 'aliman ila bazae'en. 'isahini, Sinong maray 'ima haeba:an rae:iw ila,tali'ibabaw ka haepoy, tomamemeS kakoway ka hima', 'ima hoSa:il ray mokma: 'izo' hi 'awteSyoS ra:am ila, 'alhae'oe: ka hahangaw, binsong kas'oehaez ila saeboeh. 'ima haba:an binsong homaki' ila, tombok ka minae'rem telo'i: ma'iyaeh, baso' ka taew'an, paktikot kita'en, bi:il 'ila minay tenito: ka binsong ma' potngor ila, kaSna'itol 'inay wasal ma' tombok ila saeboeh. telo'i: ka 'asang 'ana hayno' ramo' hahi:il, nak ba:la' ila, 'okik nak 'asang ila kita'en. haysiya ila 'ima homaki', haepoy to:o' ila kinhaewan 'inokay pazeng, kawaS noka kasbol 'okay Sahoero:i ila, hini komSa' ila ka telo'i: ma: siyobaz ila.

hini korkoring nonak a tomalan, bi:il ila ma’an Siro:o’ Sin tahtahoki’in. “payaka:i’ naehan! toliyae’. romi’o: Sahoero: bi’i: ila, ki tipote’ kakoring o Singaehen, hi tipote’ ’oka’ ila! yako ’am ma’az’azem niSo’ ka pinayaka:i’, ’oka’ ila hayza’ kapanabih ma’an, moyo ’amkay ’elet niya’om Sikita’ ’in noka tatini’ ki ’aeh’aehael a kinolol. ma’ tortoroe’ ’oyeh ka korkoring nimon, ’oemaeh nak yaba’ ki ’oya’ niya’om, ’oemaeh ’okik ’inhiya’a nanaw, nakhini korkoring ’isa:a’ ’am ra:am Sobaeh ka ’oemaeh. ray hini ’oemaeh ’ana hayno’ ma’ noka ma’an ma’iyaeh kinSobaeh saeboeh, sa’sa’ih ka koko:ol, ka’Siyap, horok ki kaehoy, ’ina manra:an saboeh ray ’asang ka kak’az’azeman ki ’imahowiS. o nimon ray Sinarak ka bato’, ka ’oewaehoel, naka ’inoka’ ka ngabas ki ’ima masay, ’oka’ ila hiza hayza ka ’aebo’ noka tatini’ mita’, So: yami ’ima kaSmasak ma’ bazae’en noka tatini’ pinon’a:iS, pakhaewhoel ka ma’iyaeh saboeh ka kak’i’iyaeh. honha:i’ ’okik ra:ami hiya’ ’omoe’oe: romara’et Sa’-- “’izi’ haewaeh! So’o hini Sinowaw noka tahoki’ So: lobih katobokon, haewan ila kano’ niSo’ Siwa:i’?” hi palise’ ma’ mowa:i’ ray kakololan. Sila' ka binsong homobaz ila 'ima haysiya ray telo'i: ka tatini' ila ki tinipangih ma'iyaeh, lasiya 'ima komolol ka 'ima masay, ray kara' 'omahowiS atomalan. Sila' binsong homobaz ila ka telo'i:, ray ra:an nasiya 'ana kano' mari'in saeboeh, ma'iyaeh ma' haba:en rinakep, hahi:il ka korkoring ki minkoingan. rinakep ka minkoringan 'ima 'omahowiS hinhinibih, Sakosiza ray 'asang ka telo'i:. ray 'izo' hayza' 'aehae' minkoringan 'ima komSa', 'izi' pakaS'abo' ka mokma: , siya 'okay porawSi', haysiya ila 'ima saze:ez ka hinaki'an, minaSa:eng 'ana sowiti' 'oka' ila ka wa'is. Sila' ka binsong 'okay koSa' lasiya homobaz atomal, ray 'am paskayzaeh ka mokma: hayza' pa'aewhay noka yatiyena' samiyan kapanra:anan, 'am pakbe'e: atomal ila ka samiyan hi yatiyana'. 'isa: pa'oeralen 'ila noka samiyan, ka palono' 'okay liso: noka 'ae'oeral ka kinSil'i: heheb ila ray ralom 'izo'； koko:ol nak linahae: haw'ila ray wasal 'izo', mowa:i' ka hinaw, ka palono' haSa' ila kakoway ma heheb ila ray wasal 'izo'. bayoS ila naehan, ka palono' pa'aewhayen ila saeboeh, heheb ila ray wasal 'izo'. 'ana ila, 'ima 'akoy ka palono' 'ana heheb ila saeboeh, ka bayoS haysiya nanaw 'ima homaba:i'. telo'i: 'oka' ila, 'ana kono' ma' 'oka' ila, 'oka' ila, noka Sila' ka binong 'ima kalibih palono' ma' pizpiza' ila nanaw.

bi:il ila Sa’, ya:o ra:am ila tahtahoki’ min’alay kamra:waS ka bintoe’an ’oemaeh ’ima mowa:i’, hiza bintoe’an ’oemaeh ’ol’olae’an a tomal. So: ya:o ’am mayaka:i’ pakSekla’ ka saboeh, ’oka’ ka mae’iyaeh paka:i’ ma’an ka pinanabih. bi:il ila, So: ’am pakSekla’ ka ’aroma’ mae’iyaeh, hini(tahtahoki) min’alay i B612 ka bintoe’an ’oemaeh. hini ’aehae’ bitoe’an ’oemaeh ray ’ima 1909 tinal’oemaeh ’isa:a’ Sahoero:en Sekla’en ila. tatini’ ma’ tani hini kina:at mowa:i’ Sekla’ mita’ ka kinrowaSekan, kin’i’iyaeh ’ima nak’ino’an. ya:o ’iyakina bazae’ ka pinayaka:i’ niSo’ ka hina’azem ’ima Sarara’ ’iniman” hi romi’o: kin Siyae’ minayna:a’ hi toliyae’ ’am manabih naehan ka ka:i’ ’ima kayzaeh bazae’en. ’okik ka:nga’ mae’iyaeh ra:am ila saboeh, hiza roSa’ taew’am ma’ raroton ila ’oyaeh, nakhini ra:amen noka to’oya’ komoSa’ kaSakira:a’en o kapaSi’ayo’on. ba:i’ SikoSa’ ma’ kinSobaeh, koSa’en saboeh ’ima ’i’iyaeh hinehnak ba:i’ ’ima hingha’ saboeh ―kaSkiray’oes’oeso’an, kaehoy, ma’iyaeh, hingha’ saboeh. So: ma’an ’oemaeh Sibae:iw ’imoyo, moyo pakhoehoero: ray rape: ka ’ima som’el noka ba:i’ pinak’i’iyaeh saboeh , ’in noka saeboeh a kapapalangen ka kakrangi’an, nak moyo kayzaeh somazek noka hinaba:i’ sazeken hayza’ ka ’iniSpapongaeh. ’isa:a’ hi romi’o: mam bi’i: babalawbaw ila komoSa’-- “So’o So: ’okik rae:iw ma’an So'o katobokon nak minatini’ ni toliyae’!” ’isa:a’ lasiya ma’oe’oe’ kakoring ila, hi palise’ ma’ tobokon ila ’oyaeh ni romi’o:!

ni tahtahoki’ ka ’oemaeh sin’elan kaehoy, hibetel paskayzaehen malahang. hayza’ ray babih bintoe’an ’oemaeh kamamalahang ka rape: ba:in mangowip somapoeh ka ’ima Sahae’ noka kaehoy boway, sowiti’ pawngaeh ka ’oemaeh. bi:il ila, to’oya’ ra:am ka howaw tinaka’ino’ ’isa:a’ sempeng komoSa’-- “hi romi’o: kaSowawen ray babih, ’okik Siwa’ Sihonay belona’.” ray ba:la’ ralom ’ana ’inowan ’okay ka’sih, hayza’ ka’ilralomen saboeh niya’om, noka kabkabaehae:, kaSikiray’oes’oeso’an hayza’ saboeh ka’ilamo:en, hiza ’an noka tatini’ a ka ramo’, bazae’ ka kin waSwaSwaS ’ima manmanabih ka ma’iyaeh kakhayza’an howaw ki tinortoroe’an, pinayraloman ’omaeh, ka kaehoy ’ika ’ehep saeboeh, ki rape: tato’aehael. So: ma’an ’oemaeh Sibae:iw ’imoyo, moyo pakayzaeh kalahang rini ray ’oemaeh ka sa’sa’ih ba:la’, nak malahang ka ’inonaka ’aehael hingha’. So: moyo Somiwa’ ma’an ka pinayaka:i’, yako ’am kayzaeh ka hin’az’azem nom ma’az’azem nimon ka pinayaka:i’. kinolol ni romi’o: hawaehen Sahoero: hi toliyae’ Sa’-- “toliyae’ niSo’ kinmae’iyaehan haysiya kayzaeh kita’en ’okik nonak, ’ampowa’ ’ita’ kakita’ rini o ma’an koza’ kin’omahowiS! So’o ra:am ay?” romi’o: kinhomangih kin manabih ’ini minkoringan nisiya.

ma’an hinoba:ang ’ini siya ka Siri’, kayzaeh nom somi’ael noka kaehoy binSi’ siya kinSiyae’ o siya tikot Siri’ ’am somi’ael ka pongaeh. siya somingozaw ’iyakin Sa’, Siri’ tikot ay ka ’iniyatateleng pongaeh? yako kayni’ ’aybolon, koSa’en “pongaeh ’iniyatateleng ’oka’ ka howaw.” So’o ’izi’ ’aybol ka nakhini’an, ma’an hayza’ kapatawawen. nakhini bazae’en ni toliyae’, siya homangih ila komoSa’ “ma’an tatama’ ’am ’oka’ ila!” So: ma’an ’oemaeh Sibae:iw ’inimon, moyo pakayzaeh kalahang ray ’oemaeh ka kaSikiray’oes’oeso’an nak ’am malahang ka ba:iS niSo’ hingha’, So: mae’iyaeh ’oka’ ka kaSikiray’oes’oeso’an malba:iS nak ’inoka’ ila ka ’azem, ’am kitpasay nonak. So: yami ’am pak’i’iyaeh hi nonak rima’ sominsay manae’ ka kaSikiray’oes’oeso’an, o kano’ ila SikoSa’ mae’iyaeh? So: masay ka kaSikiray’oes’oeso’an mowa:i’ hinibih ma’ somapih ila ka mae’iyaeh, koSa’en ray ’oemaeh ’ima ’i’iyaeh ’a’in’inowa’ saboeh. manabih sizaeh siya komise’ hi toliyae’ ’am rasiwaz ila, ’isa:a’ binae:iw ka ’iyo’ tatoba’ nisiya ’il’ameten. siya maywa:ak ray langi: ni minkoringan nisiya.

siya ’omhowiS Sa’, “ ’ita’ mae’iyaeh ray ’ima ’akoey bintoe’an, Sarara’en ’aehae’ ’oka’ kapawhi:ilan ka pongaeh ’am koza’ kin Siyae’. pongaeh So: si’si’aelen noka Siri’ hiza bintoe’an ’am hawka’ pazeng ila. So’o komoSa’ ’oka’ ka howaw!” bazae’ ’isa:a’ pakSikar ila no tahtahoki’ ma’an Sihoba:ang ka nom koma:os ka ngabas no Siri’. bazae’ ka sinpengan, hi romi’o: kin ’omahowiS manabih ’ini boksi’ komoSa’ “So: ’oka’ hi toliyae’, yako ’am nak’ino’ ’i’iyaeh?” So: niya’om ’aehae’ ila nanaw mae’iyaeh masay rini ray ’oemaeh, bangol, ba:la’ ’am ’omawpo’ ka basang niya’om, kabkabaehae:, kaSikiray’oes’oeso’an ma’ ’am porawSi’ ’iniya’om o miyalawa’ niya’om ka ’azem, kinoSa’ niya’om koza’ ka kinSobaeh ka hini ’oemaeh, ki ’ima som’el ray rape: SaSobSobaeh saeboeh. So: ma’an ’oemaeh Sibae:iw ’inimon, pakhingha’ niya’om kinalahaeng ki tom’en ka hini ray ’oemaeh ka bangol, ba:la’, bato’, kabkabaehae:, o kaSikiray’os’oso’an, ma’ tortoroe’ ’oyeh ka korkoring nimon, Sobaeh ka hini ’oemaeh ’ana ’inowan pakhingha’ ’isahini niSo’ ka kinita’.

noka tahahoki’ ’oemaeh hayza’ ka pongaeh, kamasapoeh ka rape: hembel noka kaehkaehoyan basez miyalawa’ kamaminahek hapoy. nisiya kamaminahek hapoy, ’ol’olae’an, lal’oz pil’asay ka ’oesizo:. So: hae:wan ila nisiya noka ka’alingo’an hahmek hemeken pongaeh. “to’oya’ ’okay tobok ’iSo’on, Sowawen nanaw, kayzaeh ila! Sa’ila kita’ hi toliyae’ panabih koSa’ So’o ’am rima’ ila! ya:o ta’az’azem naehan katak’ino’on, tahoki’ ’am ’okay ’owaz ila.” hi boksi’ malkoysiya manabih.

So: ’am lomamlam nisiya pongaeh poralomon, Sa’ pantapo’on noka ka’alingo’an Sa’, “papil’awan!” pongaeh ma’ tiSkobae:oh Sa’, “pil’awan o hahmek ’aSkan kabih, ya:o kani’ pantapo’on. So: ya:o ’am makakSekla’ ki papa:o’ ma’ ’am narmeS noka SibSiba:i’ hakama’en ka kin sora’. ’okik tikot ’oyaeh ka kaSiray ’oes’oeso’an ’ayam sini’ael, ya:o hayza’ ka tateleng.” siya Somowaw ka tahtahoki’ ’am’amoeh Sa’ila ila, siya kaSikar pakita’ ka tahtahoki’ mam porawSi’. hi romi’o: bazae’ ka pinayaka:i’ ni boksi’ rima’ ila komita’ hi toliyae’.

ma’an kinita’ siya ’ima tani kabkabaehae: mowa:i’, kalotngor rini, karara:an ma’ ’am ’akoey ka kinal’a:iSan, hingha’ ma’ ’am ’akoey ’oyaeh Sinahoero: ka howaw ki mae’iyaeh.

ray kinal’alayan ’oemaeh hayza’ ’aehae’ tahoki’ ma’ rowaSek risa:. tahtahoki’ potngor ila tahoki’ Sa’, So’o ’izi’ ila lamlam honay hini ila. tahtahoki’ himi’an, siya kayni’ honay risa:, tahoki’ Sa’, Somowaw ila, Sara:iw ila.

siya kaSkoraeh ’aehae’ naehan ’oemaeh. kita’en ’ima rowaSek ’aehae’ kamatalopa:an mae’iyaeh. komita’ ka tahtahoki’ Sa’, niSo’ kazi’ lalokama’ Sa’pan’a:iS ka ka’nal lalokama’. tahtahoki’ ma’ tani ka ka:i’, nak’isa:a’, siya mayaka:i’ ila Sa’, “ma’alo’ niSo’ ka pinapa’, So’o lomokor ’iyakin.”

kaSnakoraeh ’aehae’ naehan ’oemaeh kita’en ’ima rowaSek ’aehae’ kamabosok mae’iyaeh. sa’sa’ih ka hahila: romae’oe:, siya romae’oe: ka pinobae:aeh ’iyakina pawka’ ray ’ina’azem koSa’en kakSikar. sa’sa’ih ka hahila: romae’oe: ka pinobae:aeh mina pakSikar.

siya rima’ naehan ’aehae’ ’oemaeh kita’en ’ima rowaSek ka kamaSemepe: ka kakrangi’an, sa’sa’ih ka hahila: mam Semepe: siya toto’izing mam Semepe: ray kawaS babaw ka bintoe’an, Sa’ hiza binbintoe’an mina ’insiya’a’.

kaSkoraeh kinahae’an kita’en ’ima rowaSek ka kamatomono: ka hapoy. sa’sa’ih ka kinhae:wan rima’ tomono: ka kapahiyo’an ray ra:an, So: Selra: ila pazpazengeng. hiza’ ’oemaeh ’ol’olae’an a tomal haysaza’ matawaw hinibih hinibih, tomono: pazpazeng hopay a tomalan.

mowa:i’ kinahae’an ’oemaeh kita’en ’ima rowaSek ’aehae’ kamatatoroe’ ka ’oem’oemaehan. nisiya ray kina:at ’akoey ka ’oemaeh raro:o’, hayza’ ka koko:ol, ba:la’ rino:o’. siya mayaka:i’ Sa’, “ya:o ’okay ka:at ka ’ima’itoSan sin’elan. koma:at ka koko:ol ki wasal kamahaSa’ heSem.” tahtahoki’ bazae’ Sa’-- pongah ’ima ’itoSan ka sin’elan, ’az’azeman ray ’ina’azem.

tahtahoki’ bi:il ila ’inoSa’an ’oemaeh, sobae:oeh mowahil, hayza’ ’aehae’ kaboehoel o lampez o ’aehae’ ka tahtahoki’ hayza’ SaybiSi: siyan kamatatoroe’ ka ’oemaeh, monhae’hae’ ban kamaSemepe: ka kakrangia’an, SayboSi: o ’aehe’ ban ka kamabosok, to:o’ siyan ban ka kamangabas nanaw haSa’ matawaw, saboeh hayza’ San’iyaeh ban o ban ka mae’iyaeh. ’ita’ ’i’ini’ paskayzaeh ka kapahiyo’an ray kinrowaSekan ’oemaeh, ’am romoton monoSopat o SayboSi: ban kamatomono: ka hapoy ’isa:a’ hae:wan ’am hayza’ pakSelra: ka kinhae:wan.

tahtahoki’ baba:aw mowa:i’ rini ray ’ima mowahil bonaz,sasbong ka kin ’iniyaliyaSan Siba:i’. Siba:i’ komosSa’, “So: hayza’ ’aehae’ hahila: So’o maSriyae’ ka kinrowaSekan niSo’, ya:o ta tatilhaehael ’iSo’on.”

siya kal’amet ka ’ima mowahil bonbonazan, ’isa:a’ hayza’ ila ka kinas’asangan. tahtahoki’ Sahoero’ ka ponpongaehan homSoS ila. haysaza’ hayza’ haseb siyan ka pongaeh, sin'elan hingha’ saboeh. tahtahoki’ ma’azazem “ya:o pakomoSa’ ha:aw ma’an pongaeh ’ima’ siya a nonak ma’an hayza’ ka pongaeh, to:o’ ka kama minahok hapoy. nakhini ’iwa’ ay ya:o ’okay talsekel nom ha ’ima soba:ah tahoki’.” ma’az’azem ma’azazem, siya maStaba’ ray hinhinbetelan homangih ila.

’isahini kas’oehaz ila ka ka:ang a ’oerahan. tahtahoki’ Sa’, “ya:o ’aewhay ka ’ina’azem, wa’ila pakakSiyae’ ki ya:o.” ka:ang a ’oerahan Sa’, “ya:o kayni’ makakSiyae’ ki So’o, ya:o haysiya na tiSak. So’o ma’ haysiya nak korkoring, niSo’ kinita’ ya:o ma’ haysiya ka:ang a ’oerahan. So: So’o komohoway ila ’iyakin, ’ita’ hingha’ ila ka kin Sekla’. nak ma’an kinita’ So’o ’am ’oka’ ka ’aroma’ nom homobaz ’iSo’on. na So’o komita’ ’iyakin ma’ ’am hingha’, ya:o ma’ ’am nonak a tomalan.”

tahtahoki’ Sa’ “ya:o ’oka’ ka hahila: nom rima’ Sekla’ sowiti’ ka kapa’oenhaelan.” ka:ang a’ oerahan Sa’, “haysani’ mae’iyaeh ’oka’ ila ka hahila: nom Sekla’ ka howaw Somowaw ka hahila: rima’ ray katilbaebae:aehan kasi’aelen kakrangi’an. mita’ ray kin’i’iyaehan ’oka’ ka kaSpalawan tibae:iw ka kapa’oenhalan. ’isa:a’ ’ita’ mae’iyaeh ’am ’oka’ ila ka kapa’oenhaelan.” tahtahoki’ sa’sa’ih ka hahila: rima’ payrarongaw ka ka:ang a ’oerahan ’isa:a’ ka:ang a ’oerahan kohowayen ila.

nom rasiwazay ila ka:ang a’ oerahan tomrong ka tahtahoki’ Sa’ila naehan ray ponpongaehan Sa’hael ka pongaeh. tahtahoki’ ’ina komita’ ka pongaeh ’ina’azem ’okik hingha’ ki baba:aw ’ima sabelnga’ ka ’ina’azem. siya SiS ka ’ima haeba:an Sa’, “moyo ’okik nak ma’an a pongaeh, ’oka’ ka mae’iyaeh popowa’ ’inimon, ma’an pongaeh ’ana ’aehae’ nanaw, ma’an kalahangen, poralomon na’ homakama’ ka SibSiba:i’ Sirokrok, siya ra:am bazbazae’ ma’an ka pinayaka:i’ siya ’inmana’a pongaeh.”

’am rasiwazay ila, ka:ang a ’oerahan Sa’, “pil’awan ila, ’ima’ Sapang ka kakrangi’an, noka masa’ mina ’okay Sahoero:i noka ’ina’azem Sa’ Sahoero:on. niSo’ boeloe’ ka hahila: ray pongaeh moyo roSa’ ’oka’ kapayhae:ae’an.”

ya:o bazae’ ka pinanpanapih howaw sizaeh ’ina Saehae’ maykaSpat ila ka hahila: ralom ma’ ’il’ameten ila. ya:o ki tahtahoki’ ma’oenhael ’am rima’ komi:im ka kawnaraloman. manra:an manra:an kawaS ma’ ’iyasiwi’ ila, bintoe’an kas’oehaz ila.

tahtahoki’ Sana’itol komita’ ka kawaS Sa’, “bintoe’an kayzaeh kita’en, haysaza’ hayza’ ka pongaeh mita’ ’okay sasakili.” siya o komita’ ka bonbonazan. Sa’, “bonaz ma’ kayzaeh kita’en, ha:o ray kalihokan hayza’ ka kawnaraloman.” yami manra:an manra:an tabin Selra: Sahoero: ila ka kawnaraloman.

’aehae’ kinhae:wan, ni tahtahoki’ mowa:i’ mita’ kinrowaSekan ’oemaeh ’aehae’ ila tinal’oemaeh potngor ila kaklobihan. ya:o Sangahip siya ki ’ima’ ’aliyaSan Siba:i’ mam maehrahrang. hae:wan potngor ila, ya:o ra:am tahtahoki’ rima’ ila sasbong.

SayboSi: tinal’oemaeh Sahpi:ih ila tahtahoki’ ’okik ’ina sasbong ila. ya:o mahoero: yami nom rasiwazay ila pinayaka:i’ Sa’, “hae:wan So: Sana’itol komita’ ka bintoe’an, ma’an SinekSa’ ma’ haysaza’ ’aehae’ bintoe’an, ya:o mam sawsawa’an, niSo’ kinita’ saboeh bintoe’an Sinahoero: hingha’ ima’ sawsawa’an.”

ma’an kapa’onhaelan, komita’ ’iyakin ’i’iyaeh lobih, makakSiyae’, ’oka’ o ma’an ray ’ina’azem hayza’ ka kin ’omahowiS. ya:o mahoero: hinoba:ang ka Siri’ no tahtahoki’, hayza’ homoba:ang ka kaka:os ka ngabas o mangowip homoba:ang ka baya:, siya ’am nak’ino’ koma:os ka ngabas. rengreng ma’az’azem, Siri’ kayzaeh ay ’okay ’amet ka pongaeh. mak’aehae’ ma’az’azem tahtahoki’ sa’sa’ih ka kin hae:wan noka hahmek hemek ka pongaeh. Siri’ ma’ ’am hingha’ ka kinalahang, nak’isa:a’ ka ’ina’azem ray kawaS babaw bintoe’an saboeh ’ika parparana’an mam sawa’ hayza’ ka ’ina’azem, So: siya mangowip ’okay hemek ka hahmek, ’am nak’ino’ ila? ray kawaS bintoe’an ’am hahi:il ’ima porawSi’.

nak moyo saboeh ’ima hingha’ minowa’ hi tahtahoki’ ray kawaS babaw. Sinazezep ka bintoe’an, hayza’ mita’ ’inokay Sekla’i, Siri’ ’am somi’ael ay ka pongaeh a ’oka’, hini ray kin’i’iyaeh mita’ ’am ’oki’ hingha’. ’ita’ saboeh Sana’itol kita’ ray kawaS ’az’azem ray ka:ra’, Siri’ somi’ael ka pongaeh a ’oka’ ’isa:a’ moyo ’am Sekla’ ’ana kano’ ma’ ’okik hingha’ ila.