ʉnʉmʉcaihli rumahlaʉ, tamuucu ku pisipamia umahli kua vuvulunga hla vuhli’i, kani’iia hlitalʉmʉlʉmaku tumapaʉ makani’i siangusipikuna: masiatuhluhlu hlipimiakari. kisuahlahlama sila umaruhlitukiu’ua kalavungu, putukucu papaci miararuma. hlicaliva sipuahlamahlama Tangʉmu 'Ailisʉ marusalirisa musasasala kiahlahlamu sasaruana kapitanʉ siiatu kani'i ia ihlaisa ucani kisuahlahlama cucuvuvulunga,ihlaisa mʉmʉa ucani kisuahlahlama cucuvuvulunga. ma oelona miararuma maru usua taiisa pihlingi, macua usua pihlingina ia angahli kiariari murisangihli. maci tarucuvungu arupakakita ia marisasangihli, minisuacu marapihlikani’i marakaka siaravacangʉ miararumaisa. kiariari, ma愛琴tʉnʉmʉna maru ucani hlikitapusa sasaruana,sasua mamaini宙斯na maiatuatuhluhlu, kiahlahlamu ngahla cucu’u 'Ailisʉna ia ihlaisacacihli mamaini ahlaina,pakaritʉkʉhlʉ a sipamiaisa ma kani'i siangusipaisa sasaruanana hla sikuatitipa sipasamiaisana rianʉ mavacangʉ,ausi kani'i miacʉcʉngʉhlʉ hlimatikuru litukana kupuapakaritʉkʉhlʉisana,micʉcʉngʉhlʉ rumahlaʉ mʉlʉmʉlʉmʉ milakupu mukua tahluru kiu'u,angahlicuisana 'Ailisʉna rumia maru salirisana musasasala. sitakuavaruna ausi maiaʉsʉpʉ ,aramuamua sʉmʉpʉrʉ parana sasaruana siaiapʉ lingihokuku,masasaruanamʉmʉna maru utulu hlimiaili hlimiaili upitu hlimiailia cucuvuvulunga,taia'ai mariki ʉnʉmʉa hlicalihla cucu'u sasaruanana,mususua maru mapitʉhlʉ usua kukana, manikimaini ulima hlimiaili alʉhlʉvʉ matumuhlu tarʉtatʉkʉhlʉ cucutahlana. Tangʉmu, mamaini hla kutararianʉ masukasʉ hla tasahlʉpʉ, malivutu umiiapʉ kuarumuku mahlukua ariatʉkʉrana, karʉkʉhlʉ maisasukasʉ tamAruuaisa. siacacihlisa pausakisakiri, umarua sapasapa, minisuacu a amaisa pakatʉrapapaci;macua cacihliia marapihlituruaisa maci’ina, umarucarucakʉ matavilau ta’iaraisa micuhlu tapikakua kuka usumanʉ. pakaritʉkʉhlʉ ngunguru patiamia sipangʉhlʉva sasaruanana apahlakikucu ʉngʉtʉhlʉtʉhlʉ kiu’u maiakaka mairahlu sapi sasaruana, kucuparanaisa kulikulikuli’i kiukiukiu’u, mataingalʉka cucuvuvulunga masarʉ umarua ngusu maluliri,sahli,turarapuru,tuavalaku ahla tumatapaʉ tumuru acahliaisa atʉhlʉngʉ hlicaliva kiariari,ka uka'aka suhlatʉ nua aiapa siasuhlatʉ mairahlu kupisitakuamia. Hakʉ, matikuru tahlavirivirisi hla kirapangacʉ mamaini takuaiaiaili. hlitapikakuaisa kuka kapitanʉna savura ucani sasaruana, apuri usamanʉ mamainisa ahlaina, rumahlaʉ mamainisa miunguhlamuisa muhlusuhlusu matialu maiatuhluhluna, kani’i kukana mara特洛得hlapiucanicu taisa miararuma 特洛伊. 'Ailisʉna mumuamuarʉ mukua luhlua patiamia sipangʉhlʉvana, taratʉahlʉ talangahlʉ hlimili sahlumu sapitahlu a mima,mʉlʉmʉlʉmʉ ka tihla'ahlʉisa aramaini,uumu kamusia marʉrʉmanʉ patuhlanga alaili ka, tihla'ahlʉisa arataisa,mataingalicu taisan mairahlu ihlaisa, usuanganaiau kani'i patiamia sipangʉhlʉva ngunguruna macahlia maluliri,tuahlʉ malavalʉ tarʉtatʉatʉkʉhlʉ pahlivinga cacalaisa. ta’iaraisaka marapihli sitakuavarua caihli marimaranarʉ mapuhlarʉ, cumalihli siangusipia cucu’u kuli’i kiukiu’ua vuvulunga masiangusipi kani'i cacihli cucuvuvulungana,aatʉ kani'i usua hlimiungu caihli hlamasʉ mualualuna meco tailiuku. tamAruuai, inaisa Tangʉmu maci’i rumahlaʉ umupangʉ Tangʉmu hla hlimilavaʉ. mulavaʉ miungu hlamu’u勞維特kapitanʉ maiatuhluhlu rumahlaʉ,tumamahlʉngʉ ’ahlivi sipaiatuhluhlu kani’i 特洛伊,宙斯 umuhlunu 阿波羅 nua 波賽德 sasua ’ihliculangica tumalʉlʉvʉ 特洛伊. 'Ailisʉ takuliacʉ a tʉkʉisa tumangi,hlimutusua lʉ’ʉisa marasakʉrahlicu,aunanacu mima sahlumu matalangahlʉ miararanguhlu,putungu miavahliunguisa,mulukuluku rʉrʉmanʉtalangahlʉ,aunanacu miraranguhlusahlumu, sapi miararumana macu hliatʉhlʉngana,uka’akua mavacangʉisa liliunga,auninicita maru sasaruana kikucu mangusipi masarʉa kana'ana manganʉisa takacicihli tumangahlangahla hlicalivaisa, pacalivicuka tʉkʉisan tahlana cucuvuvulunga kupisuhlatʉ hla aiiapa asuhlata sipiamia mairahlu,aparaiahlʉ tahlana takacicihli nua tahlana hlimulivahlʉ 'ocona. Peici, laʉlaʉvʉisa Tangʉmu. takulʉpʉngʉ rumahlaʉ, kapitanʉ kupakituru hliarupapia tʉtʉra kupiraliuhlu hlita’iara, sapalitatalaluamana hlakana’ana. sasua’ihliculangicana minisuacu umarucarucakʉ maluliri, tumuatʉtʉrʉ puaili maiakaka miararuma 特洛伊. ma aisa uahluahlusuana, taratʉahlʉ a kana'ana, kana'a litukana, makacani a 'Alisʉna micikiri talangahlʉ, musa micʉcʉngʉhlʉ kana'a litukana, pasʉpʉtʉ ucanitapihlana mamaini hlitucuncuncu'a marumuku musurauvuna,ausia hlakana'ana rʉngʉtʉ, sikuatitipa, maluliri maraiahlʉ, sapakisuahlai a 'Ailisʉna uakikirimi ucani lituka takukuatimahla hlakana'ana. kani'i sasaruana, 'aumusikunga ma ciaco akuisana maisanaka mataingalʉ lalangica kiu'u carukacuka, man ucani hlimiaili malʉhlʉ masiiahlʉ caihli, satamahlʉnga ka kokaisa maravuvulunga kikucu tatakualiliunga saparungahlaisana. musulʉpʉngʉ musurauvu rumahlaʉ, lomi’otumaʉvʉ sapisa musamukakakua culiie, pakipuhluramucu ʉmʉ cʉramucuisa mii “akuainita’ai, ihlaisa’ihlicu parumuku ciupitʉna tumua arupatiaʉlʉsʉ ramucu nua ihlaku, tua hlʉ’aini arupataruacuvungua ngusunamu’alivatʉ.” ’aumu pakatʉtʉrana Caiciʉ, marua cacihli marucakʉ ’aumu pakatʉtʉrana, ihlaisa mʉmʉa amaisa Peicina. hlakasiacacihli ’ihlicu娥俐絲, kana’ana ia’ihlicuahlaina takuliacʉ, taiaraisaka tumahlaʉ a ’ihliculangica kuarumukuisana, minisua patʉtʉrʉ tumamahlʉngʉ siparakaka, paramanga'a, marusitaruacucuvunguna piracaucau ucani malipilipi ’asupi, sakʉrʉma ahlahlapa “avura mataingalʉ masalangʉsangʉ cucu’u.” aunana 'Ailisʉna pitatahluvatʉ“ mulalavaʉaku'ai kumita ihlamu musurauvu, hlatumuamu kiahlahlamu ihlaku iniukakakua litukanai.” rumiacu a hlitucuncuncu'uana masasangarʉ musurauvu masasasangarʉ pasaulaula'ʉ rumahlaʉ, 'Ailisʉna misukasʉ musakasakavʉ micuhlu. taikakua suhlatʉkokana hlikua pumaraiahlʉ hlitucun cucu'aisana. intia Cio, ma taisa miararumana uruahlʉahlʉaisa cucu’u ka papapaci cucu’u. maru a tatulu piaiaili masalangʉsangʉ ’ihlicu ahlaina hlatumua alupaluasangalʉ kani’i ’asupina, paritʉahlʉ apalusangalʉ hlamuisa 特洛伊-帕里斯 na. palungu taaihlana 'aumusikunga ma ucani hlimiaili usia hlimiungu malʉhlʉ cavirana, tampilangica'aisa sipaicacakici apuasala suhlatʉna, macua ahlahlapaisa ia 'ahlinguisa. maisasavusavuanʉ Roposin, maru miararuma apusiri ucani ’avangana sipaisasavusavuana, ihlaisa mʉmʉa canicanisa maisasavusavuanʉ. ulavaisa savura hlimaimacuisana masikai mataingalʉ masalangʉsangʉ ahlaina maru usumanʉisa 阿弗羅提’ihlicu ahlainana,minisuacu mariakuanʉ usumaanʉ, sasua 希拉nua雅典娜 na umarucarucakʉ, pimacu tumua uavalʉ 特洛伊. mʉmʉa tahlanaisa, sive laipiruiia mantʉna kari suhlatʉ uainaia hlimituvaisana musuturu, mataingalicua kari tahlana mapatʉpatʉkʉa kʉlina. 帕里斯 matialu hliapumia kapitanʉ 蒲里亞摩斯, ruavici ucani tarʉana ’avangʉ mukakakua ahla’akuka 希臘斯巴達, piracaucau uvura hlahlivuraisa 美妮勞斯 kapitanʉ kuka ahlaluaahlaina malikiaili. ngahlaisa maiirahlua kana'a? kuacahlia uka’a kapitanʉna, maru a cacihli masalangʉ sangʉ 海倫 maritaraʉhlaisana, ahli’aimau ma kani’i sasaruanana mataingalʉ masalangʉsangʉ . ucanihlimiaili upituhlimiungu maʉnʉmʉ ulima caihli miungu ucanihlimiaili upituhlimiungu mapitʉhlʉcaihli maru tenasico paumamainiaʉ. ucanihlimiaili upituhlimiungu masiahlʉcaihli, mʉlʉvʉ inaisa arauhlusu ciaucʉiaco musuturu, aracahlia tumamahlʉngʉ hlumanʉ ti'arʉ. ucanihlimiaili ualuhlimiungu caihli, maci'ia inaisa. ucanihlimiaili ualuhlimiungu usiacaihli, rumia kingikiu. ucanihlimiaili ualuhlimiungu laihlausuacaihli, musa marahlitai. ucanihlimiaili ualuhlimiungu laihlaulimacaihli, alukala paumamaini. ucanihlimiaili ualuhlimiungu laihlausiacaihli, arauhlusu alapamaco. ucanihlimiaili ualuhlimiungu mapuahlʉucanicaihli, takulʉpʉngʉ kingikiu. ucanihlimiaili ualuhlimiungu mapuahlʉusuacaihli, mahlava ahlainaisa mukakakua akʉnsʉco. ucanihlimiaili ualuhlimiungu mapuahlʉupatʉcaihli, matialu hlitakumacua cukahlangʉ. ucanihlimiaili ualuhlimiungu mapuahlʉualucaihli, matahlanaisa tarikilʉmʉlʉmʉka sinvunguisa. ucanihlimiaili ualuhlimiungu mapuahlʉusiacaihli, arauhlusu patapuahla 'aokʉlahʉmaco. ucanihlimiaili ualuhlimiungu matuluhlucaihli, arupatangahla kapitanʉ 'amusikunga matiauhlusua hulicʉ cucumatavuhliu. ucanihlimiaili ualuhlimiungu matuluhlu ualucaihli miungu ucanihlimiaili ualuhlimiungu matuluhlu usiacaihli, lʉ'ʉ sala'a nua arupapuaka cucutahlana. ucanihlimiaili ualuhlimiungu maupatʉhlʉ caihli, tumalʉlʉvʉ apusiri sihulingihokuku. ucanihlimiaili ualuhlimiungu maupatʉhlʉ usuacaihli, musamukakakua musikʉ ukikirimi hlimuruvi'avi'a kari cucutahlanaisa. ucanihlimiaili ualuhlimiungu maupatʉhlʉ utulucaihli, marucu musikʉ maci'i mahlumalʉhlʉa caihlisa. taratʉahlʉisana 帕里斯na, puhlamahlamaisana mataingalʉ masalangʉsangʉ阿弗羅提 ’ihlicu ahlaina, patʉrʉmʉrʉmʉ marapihli maliatʉnʉlʉisa uvuraisana ahlaina kucuatʉhlʉngʉ hliapumiaisa kapitanʉna. kana'ana ia saikoia, cucumatavuhliu uruamitanaceloci tahlana, apatarahlusuhlusu ihlahlamu......... 海倫 mʉmʉa musiri ahliacuvungaisa kani’i masalangʉ sangʉ hlahlusana pariakuanʉ, kuatʉatʉhlʉngʉ pihlahlusacu ahlina, ulavaisa 阿帕斯na pimahlʉngʉ海倫 tumua kiaʉlʉsʉ maruahlʉ. macahlia rahlʉngʉ maluliri. tumimahla 美妮勞斯 kapitanʉna micuhlua sasua, tamuucu umarucarucakʉ, minisuacu kihlahlamu希臘 patasuuru alamuru kapitanʉna, mupuhla umahlikua 特洛伊tarikicangihli. hlimahlʉlʉsʉ mangusipi ma aucaucani tahlana ma mecotailiuku. mulavaʉmana tʉkʉisalomi’ona akuisa mahlitarucuvunga na mamikarina, ucanivʉrʉnganʉ kualusapʉ musamahlu kua taparanapakiau ukikirimi laulunsʉ pakiaturua “pakia turua, marumukucuaku culiie, ihlahlamuia arukarumuku cuamu, hlatumuaku muriausumanʉisana, makukua pakia turua apuamiahlamu apaluliri alukalana.” pimahlʉngʉa lomi’ona, arakicacʉ mamʉmʉkʉka pakiaturua. angahli kani’i makulai, mariakuanʉ特洛伊nua希臘sasuana rumitarikicangihli... cahli ucani hlimiaili upituhlimiungu mapitʉhlʉ caihli kana'a, arinani aumusikunga isiparʉ uruamitana tahlana cucumatavuhliu, ma ucani hlimiungu caihli mualualu mairahlucu angahli oco mu'avangʉ mahlukua meco cucumapuhlina, kuialalakamara cucu'u cisanana. ahli'aimau mauruamitana kicumiatavula ulima tataisa tahlana-cikʉso.celoci.ciaukʉto.kʉlikʉ nua saiminoʉ-sipuamiaisa kumita, cucuhliarauhlusuisana ausi cucusaliaisa. mairahlu sitakuamia cucumatavuhliu tamuucu arupapualangʉlangʉ tukucu mapatʉpatʉa miarumaisa. manikia hliakuaʉ usumanʉ cucumatavuhliu ahla cucuinkuku,vaako,sipaniaa, maraiahlʉka sipuavacangʉisa tukucu hla sitakuamiaisa. sasaruana ia hlipiracaucauisaka ihlicu langica , maiatuhluhlu sangalʉka cucu'u. siaaria, sasuatukucuisa lomi’ona masalamiararuma mua sasasala, paritʉahlʉ tarutʉahlʉ cucusangihlisa-tipotʉ, kana’anaia ahlaluaisa culiiena, makitʉlʉrʉavahlicisa. marapihli paravacangʉ aparaiaiahlʉ siangusipi aucaucani cucutahlana, ma mairahlu sitakuamiana, siacalaia sasaruanana mʉmʉa kamʉcʉkia pitʉkʉtʉkʉa uka'aka kuahlʉtiapili. marapihli kani'i, ulima taisa tahlana hla cucu oco hliarauhlusuna mahlulʉsʉ maru mecotailikʉ mangusipi. arauhlusua hlakana'ana sasaruana cucumatavuhliu, kumakikita miararuma cucuoco hliarauhlusuna,angahlana vahlituku, sitakuamia, sipakiau, tarucuvungu sitakualʉsʉtumuru ariatʉkʉranana. pihlahluahlusua cucutahlana maluliri karitahla, apulavaʉ mairahlu siangusipi muruacʉkana, musutatahluvatʉ musuturu kari'aumusikunga, arumiaisa arupakari cucuoco siarupapualiuhlu hlaalukala. maci maraiahlʉa sipamia ia aravacangʉ, maci kuparaiahlʉa tʉkʉ ia tarikiacangihli, usua tahlana malavalʉvalʉ. kani'i ia caihli hlipaumamainia saikoia. misisipi sakʉrahlʉnaia atʉisa tahlanaisa celocitahlanana, musua uruami tanacelocitahlana nua patapuahla celocitahlana, taiaraisaka rahluacu hlimicikiri manikiia maraiahlʉmana karisa tʉkʉhlicua sitakuamiaisa. hlasiiaiiapʉ cucuingikuku ia, taia'ai laihla-ʉnʉmʉ hlimiailia cucu-uruamitana celicitahlana. hliangahlahlanakia murumita nua hliaralʉmʉlʉma atʉhlʉngʉ. uruamitana celocitahlana miararuma hlipautʉkʉra saikoiana, ihlaisa arinani 'aumusikunga tenasicona. ngahlaisa 'aumusikunga ia ciaucʉ.kaisʉ, tahlana celoci ia saikoia. amaisa ia tahlana celoci nua cucuhliarauhlusu oco hlimuhlicurucara'ʉ, ngahlaisa ia tanniʉ.kaisʉ, inaisa ia macuuisatahlana cucuceloci ngahlaisa ia utʉhʉ. amaisa saikoia rahluacu micikiri salia, inacisa utʉhʉna, hliumupangʉhla kana'ana. kunaupiainiaria lomi’ona micikiri miararuma uelonacʉ, tiapilicua amaisa hlahlusa uriausumanaisa culiiena, ihlai sacacihli masalangʉsangʉ pivahlitukucucu’u palisʉ ka pitanʉ. marumia kana'ana pahlivinga sitakua'i'iarʉ hla pahlivinga sitarikia cangihlina puliuhlu cucutahlanaisa, valaku kuli'i hlapungahlangahla mi'a'a cucuisa oco. rianʉ arupalua sasangala pahlicinga, mavacangʉmana sii'a'a. akuisa mainimana saikoiana ia tapuatʉkʉhlʉisanaka cuucutahlanaisa marui kupacapacapangaisa pacʉpʉcʉpʉngʉ. taiaraisaka hlimungahlʉ mʉrʉcʉka marahli, minisuacuka sapahlʉisa ucani marahlivu, muluvalakʉka lasahlʉisa kuuaili, angahlisana maci musasala ia takipʉpʉ'ʉlai, kucuacahlia pasalʉsʉ mamaini usumanʉ pasaulaula'ʉ. kuhlaisai maci masalia inaisa ia, pualavʉisana mi'a'a, maci kipuhlua inaisa vahlita ia, tumalʉlʉvʉa kana'ana kumita salia. hlamarinua kana'ana kupikari, marumuku pakaritʉkʉhlʉ taiara hla ku uruahlʉ apaihlipihla manikia mulavaʉka sipamiaisa. umacʉka maivʉvʉrʉnga, patasuurucucusaliaisa araki cacʉkumita matahlʉkʉtʉkicuhlimaci, cucu’umʉmʉia maci’icua culiiena. ulavaisa sacahlumani vanghlarʉ pihlingisa. taiacu mapuahlʉa caihlisa saikoia rumahlaʉ, sahlava inaisa hlakana'ana musa mukakakua tavula maru ciaucʉiaco mangusipi, maru nana rumia musuturu aracahlia tumamahlʉ ti'ara. kurahlua maci'ika inaisa, masaricua saikoiana hliaracahliaisa tumamahlʉngʉ mavacangʉ ti'arʉ tarikau, ti'arʉ taikakuana talangahlʉ, taikakua tavahlihla, tam marumukuisanaka cucuoco. tumatuturua cucu'u saikoiana apusuturuisana asihlitamahlʉnga pahlivinga ti'arʉna, suhlata ngahla takacicihli. hlatumua saikoiana, hlakuacahlia kana'ana akuaini sumuhlatʉ. angahlia kana'ana maini nua inaisa marumiakari celoci, kuna hlimusuturu uka'a mʉmʉa cucu'u hlitumuturuisana sumuhlatʉ kari celoci. minasʉa kana'ana picara'ʉ maini ocona,ulavaisa musuturucu mʉmʉa tumangahla hlitamahlʉngʉisa pahlivinga ti'arʉna, marumia palungungahla tuma'aumusikunga ciaucʉ.kaisʉ, hlakarʉkʉhlʉa kana'ana pacʉpʉcʉpʉngʉ , maci maru ucani aari suhlata saikoia , hla auniniauka mavacangʉisa. hlatumua kana'ana paracahlia tukucu tʉkʉtʉkʉaisa , sapisukasaka tukucu paralamʉkʉ, amihlaisana kukia pacapacapangʉ, arakukacua hlatʉkʉisa. kana'a ia kutuahlʉ, auninia cucumatavuhliu macahlia sumuhlatʉ? hla auninia saikoiana ku asapu. angahli mainia kana'ana kumita inaisa arupapi'a'a cucuoco, kumita sasaruana tahlana aramuamuarʉ pacalihli, kiariari tarikicangihli kitasʉkʉra usumanʉ tahlana cucumatavuhliu miararuma vavasua tarikicangihlina, kani'i kutuvarʉ'ʉ pimanganʉ uramangʉ hlahlitu 'avu'uisa cucuhliarauhlusuna. pakiaturua amihlahlitimahla cucuhlipuatusu suhlatʉkari na, kupakituru hlipitʉtʉra pulavaʉ ramucu lomi’o, mai pasʉ sitakuamahlʉmahlʉngʉ culiiena taiacumiaungu, pa turʉmʉrʉmʉ takuliacicu, aunanacu musamaramasu ma hlukua vanghlarʉ hlamariacʉka culiiena. tʉkʉisa saikoiana, macahlia hliulavalavaisa hliarauhlusuna, hlamataingalicu papuhla tuahlʉa paluliri rahlʉngʉ kiu'u, aucaucani cavirana suhlatʉ tuahlʉ mutuhlutuhlua sitakuacahlia. tumuakana'ana musuaturuisana hlatumua mʉmʉa cucutahlanaisa musuaturuisana. patuarʉmʉrʉmʉa kana'ana: maci aunani ia, tuahlʉcita mʉmʉa nua cucumapuhlina maraiahlʉ umacʉka sitakuamiana. kuna pamahlʉmahlʉnga saikoiana pacʉkʉhla mʉcʉkʉhlicuka karihliangahli, tavavulangʉtarikia cangihlicu. marapihlicu sasaruana, kisua kʉlitahlana nua ingikukuna umahlikua celoci hla 'amilika 'aumusikungana tarikicangihli makihluhlu saikoiana, arahitaisupai takuasʉmʉsʉ. ma kani'i arina, kumita kana'ana kapitanʉ marumia aucaucani rahlʉngʉ kiu'una, apusala kari takuasʉmʉsʉmaʉ, kumita mʉmʉa laʉlaʉvʉisa, umaruhlarangirangi pikapu aucaucani rahlʉngʉ kiu'u umaiiaiiapʉ, ausi arupakarisana, mataingalicu pisipamia takacicihli. kihlamuhlamua pakiaturuana hlicaliva lomi’o nua culiie akuisa arupautuahlangi, hla macuuisa hlimaracanicu tapi hlana muriparana, tumalʉlʉvʉmana hlakana’ana tuma mahlʉngʉ patasuurutakuamia, marun ahliacuvunga usua pihlingina kisucacani pimahlʉngʉ. tʉkʉisa ahlimau makacani tarisilʉpʉngʉ, hlamusa puaili takuhlusuhlusu takumacu taku'i'iarʉ kingikiu. ulavaisa, ucani caihli hlamasʉ rumahlaʉ, tumasʉkʉra celocitahlana nua 'amusikunganan kʉlitahlana hla ingikukuna, kani'i tarikicangihlina minisa tarisilʉpʉngʉ. marapihli apausu'u'ulu mʉrʉhlʉrʉhlʉ kingikiu. hlitarikicangihlicu rumahlaʉ, puaili mahlukua ciaucʉiacona saikoia, miungucua caihlisa mairahlucu muriausumanʉ . muriusumanʉa kana'ana sali.uotʉsʉ, umupangʉhlamuna hlipaumamainia ahlaina aiuka. ku ucani maiatuhluhlu pihlingisa palʉhlʉvʉmana saikoiana, hla atʉatʉhlʉngaisa taiara kingikiuna. akuisa rumia, tumamahlʉmahlʉnga kana'ana tumimahla , maci maluliria cucutahlanaisa, tumangahlʉ ucani karisuhlatʉ celoci, ariakʉrʉtʉisa valihlacʉ kiu'u, picukahlangʉ makulai tarikipucuka hliarikʉrʉta cukahlanga mavalihlacʉ kiu'u. ku'aimauau nani?patuarʉmʉrʉmʉa kana'ana. matumuhlumana ariakʉrʉtasuhlatʉ, matumuhlucua valihlacʉkiu'u ma patʉkʉisa hlipapucua uka'acua ikakuana, kuucaani kuaruamacu, mʉmʉa ihlaisa takacicihli kuasʉra atʉhlʉngʉ. pavalʉa kana'ana usumanʉ sitahlamiamia. macuisa arakicacʉa hllamama cucutahlana miararumana sitakuamiaisa, akuisa rumia tumahlaʉka macacaisana cumacingahlaisana. muruakaricu mʉmʉa maramamanga'acu'ai sipamiaisa kana'ana, ahla saisisa'aika ahla'a apicakici 'ihlicu takuliacʉ, sipaakaka miararumana. kana'a aratutumahlaʉka cucuhliarauhlusu ooco. hlamuna tumasʉkʉra tarikicangihlika amilika, tumua parauhlusu kicumia uruamitana tahlanaceloci apukaku patapuahlana akʉnsʉcoo, hlauvura aparu cucumapuhli mauruamitana. akuisa hlamuna saikoiana ia, kupaimamacu hlapatʉrʉmʉrʉmʉ maci kisuaʉa pisasaruanana kikucu umarusiacalai ia, hla tamucu piliuhlu kana'ana nua cucutahlanaisa, ulavaisa maimacucuhlipumiaisa kani'ina. umarumiahla kana'a usua caihli pasamia arauhlusu patʉkʉ alapamacoona. kupaimamacu arauhlusu manganʉ mulavaʉ, ciaucʉiacoo tahlana ia sipuamiaisa cucutahlanaisan, saikoia arauhlusu ia ausicu miacakici cucu oocona maramiaʉlʉ mangusipi. kuihlaisa'ai puatasaua cucumapuhlina, maruvalihlacʉ kiu'una marikʉkʉrʉtʉ ihlaisa tasahlʉpʉ cucutakacicihli. umaruku patuhluhlu murumitacuka kari takuliacʉ picuaruma, muruapihlihlika vahliungu karitakuliacʉ. kani'i situlalilivahlʉna ulavaisa takukakuacu ahlainaisa kucutasʉkʉraka sali. muruahlʉa kana'ana hlahlusaisa maci maramanga'a, umarucarucakʉ umala hlahliarikʉkʉtʉisa saikoiana, cukahlangʉ mavalihlacʉ kiu'u matakua apuhlu. kumita hliarutumuhla caihli takulangʉlangʉ, takuliacʉa tʉkʉisa saikoia, ucani mamainisa ahlaina aiuka mapatʉkʉisa hlipulavʉisana. patuarʉmʉrʉmʉ kualuliri, umacʉmatata mutungusu tarʉmʉcʉka vahlʉna, mahlava mamainisa ahlaina, micikiri salia muhluhlumuka kakua tavulunga akʉnsʉ sakʉrahlʉna, paturarasʉ muasa akʉnsʉcoo, nua patapuahla celocitahlana miaʉlʉmangusipi. usuanganaiau, marucua ma punuisa saikoiana, hliaracahliaisa kingikiu! patingahlangahla hlitakumiaisa takualualu, sapacani tarʉana vahliungu hla pulalatʉka aucaucani kari celocina, hlatumamahlʉngʉ aucaucani cukahlangʉ vahliunguna. macua kani'i cukahlangʉna ia, hliuhlia 'aumusikungana , maruausumanʉ hlitakacicihli satumamahlʉngʉ pakipuhlu angahlahlanaisa. ulavaisa matarungahlʉ malʉhlʉ ʉnʉmʉa hlitamahlʉngʉisa kari cukahlangʉ vahliungu karicelocina. ma hlicalivana, tumurua kana'ana aiukana atʉhlʉa kani'i cukahlangʉ vahliunguna. tam makulaia, aiukana atʉhlʉngʉ tuahlʉcisa umiapʉa suhlatʉ karicelocina. maramucuisa muria ma valihlacʉ kiu'u ia maluliricu mʉmʉa. kani'i hlitakumia maramacumacucu. tam masasangarʉa saikoiana, mahlahlava aiukana mukakakua akʉnsʉcoo, hlatumua patapuahla celocitahlana paritara'ʉhlaisa marapatʉhlʉ tumamahlʉngʉ. kuacacahlia, tumimahla cucutahlanaisa nana, kunapautuamacuisana, piacapacapangʉa kana'ana amiami. sahlava cucutahlana muriamana marikua kapitanʉ miararuma ciaucʉ.ahliacuvunga lore, umuhlunua kapitanʉna hlamamahla alamuru vaasuna pakisumahlʉmahlʉngʉ pakisuahlai. maci pautʉtʉrʉ saikoiana takua 'ihlicu 'ʉlʉvʉ ia, pakacani sapapaci. marapihli apautua macuisa hlipatʉahlʉisa saikoiana, cucu'u mupapuahlʉ malialualu sumuhlatʉ. siamuangahlʉ ia, aparu mamainisa aiukana vahlita, apaiiapʉ cucu'u suhlatʉ karicelocina, mahlisuhlatʉisa valihlacʉ kiu'u rumahlaʉ, musa murumita, umuhlia mamainisa ahlaina. puaruma aiukana kumita hlisuhlatʉ amaisana, tam matalakiahlʉ umiapisana. tam pualangʉlangʉka cucu'u puakahlangʉ pakari tʉkʉhlʉ, muruahlʉmana pautʉtʉrʉ ihlaisa'ai, maci hliarupakaria muriamana tumahlisulu. ulavaisa kihlamuhlamua saikoiana, cucukumakikitana tiapili alamuru mara umiiapʉisa apatuturuisana upiaini vulahlʉ ia, mungahlangahla siamupapuahlʉisa malialualu. kani'i mungahlʉna, kisua saikoiana hlituruisa umaiiapʉna, tarusiahlai musiriparanaisa kuarupatimahla maluliri, kumʉmʉa arupakakita masarʉsangalʉ suhlatʉna arupakari. piailipiaili pingahlapingahlangahla rumahlaʉ, macuamaisana miasasasara kumakikitahla cucutahlanaisa ia, pautʉtʉricu sipasamiaisa hla kana'ana arupakari. angahlicuisana, pautuamacuisacu hlipatʉahlʉisa saikoiana, ku ihlaisa maramamanga'a takucapacapangʉ, ku mʉmʉa hliaparamanga'a 'ihlicu hla ʉlʉvʉ, angahlicuisana tahlana mʉmʉa musuru takuamina. hlitamahlʉngʉ saikoia cukahlangʉngʉtʉngʉtʉhlana vahliungu, tam picungucunguhlua ausi apuhluna mucuhlu muruviavia mʉmʉa tahlana celoci. tamakulai, rumiacua cucutahlana musuturu umiiapʉ sumuhlata, apatiapilia saikoianan patapuahla celocitahlana aparakapitanʉ apuamiakari. apuamiamakarikarina uvuraisana ucani cukahlangʉ hlimaramacu hlita'iara. pakikia kiahlahlamu kari samuʉ.uosʉtʉ tumamahlʉngʉ ucani siakʉrʉmʉ,maialalangʉ aruamia masituhluhlu kari-celoci seseu. sia ucani suhlatʉ sinvungu tahlana celoci,kipuhlucuka lalangʉ sinvungu celoci. mataingalicua cucutahlanaisa masiatuhluhlucu sinvungu cucuooco,aparacahlia miararuma varu'u siaracahlia. tumahlaʉ mʉmʉa kiariari,amihla ku'aimanai paramacua taiarana. auninia saikoia? siparʉmʉrʉmana kupangahlangahla vahlicisataʉcʉnga,pasamangana tʉkʉipakakakua siuamiaisatumuru suhlatʉ cukahlangʉ celocina,ruamiacu mʉmʉa atʉhlʉngʉ siaiapʉ umariacacanina,sitakua umumana sitakuaʉngʉcʉ siihu pasamangʉ marapihli sitakuamia tahlana cucuaari. hliulʉlʉlʉa hlicaliva sala'a nua arukasangihlia tahlana. angahli suhlatʉ sinvungu ocoona,pautukarahla hla kana'ana kani'i hliarauhlusuna kucu cucusaliaisa. umaru umaliavalʉ takuamia hla kana'ana,maisukasʉ saikoia nua patapuahlacelocina parauhlusu kicumia patapuahla aokʉlahʉmacoo. makitʉlʉrʉa saikoia, umaru sitakuamia nua cucusaliaisa hla matahlimiungu pihlingi celocitahlana kiʉlʉsʉ arauhlusu patapuahla. maru kutumahlaʉ cucutahlana mulavaʉ akʉnsʉcoo,tamahlimulava mataingalicu hlikicumia uruamitana tenasicoo pekalolainacoo nua ciaucʉiacoo. tam hliumarucarucakʉa hla kana'ana,kupakʉhlaʉ tiaraisa caihlimualualunai hlikisuaʉmana tarikicangihli,kuatʉhlʉngʉ hlipasamia marapihlisana kikucu cucumatavuhliuna hulicʉ siarauhlusuna miamʉtʉmʉtʉmana hla kana'ana nua upatʉ tahlana mariauhlusuisana aukʉlahʉmacoo. hlitumangahla hulicʉ kapitanʉ cucumapuhli sioto.losʉhu amihla, manikia kana'ana kupautuavacangʉ cucumatavuhliu ihlaisa hlimaci cucumatavuhlu, hlakuiacikiria ualu usia mahlʉna ,ku mʉmʉa pakisuahlai siamahlʉisa cucu'u, ta'iaraisaka cucuvuvulunga tahlamacu mataingalʉmana cucumatavuhluna pacʉcʉpʉngʉ. manikia tahlana celoci kuiangʉhlʉ makuvau, mauruamitana tavula ulima taisa tahlana apaisukasʉmana, apuatusu micalivi ucahliali ʉnʉmʉ hlimiungu tacʉpʉnga arauhlusu patapuahla sala'a. kuparikiatumuhlua ruamia salia.tikuru. aanʉ hla apara,maniki auninika langica ahlaliliunga apaihlipihla, maniki ahlicungua sipaisasavusavuanʉa miahlivihlivi'aini. aucaucani atʉcaihli, tahla ciaukʉto.tahla saiminuʉ. tahla kʉlikʉ. tahla cikʉso. celoci tahlana tarʉtatʉkʉhlʉ sala'a. kani'i sala'ana, maruka cikʉso ulima hlimiaili miungu ʉnʉmʉ hlimiaili tahlana, celoci maruka upatʉ hlimiaili cucu'u maci'i. tuahlʉmana mangusipia cucutahlana, kani'i hliarauhlusa patapuahla sala'ana, tamucu hlipapaci cucutahlana, kana'a ia macuisa lʉ'ʉ sala'a. tam kuatalakiahlʉ miungu ucani hlipamiana, uruamita celoci nua patapuahla tarucuvungu. alʉhlʉvʉ hlimualualu arauhlusuisana ucani pihlingi saikoia. maniki ia, ku isauka lʉ'ʉisa. uruamita patapuahla usua tahlana, aratarumia mucucukukaisa arukasangihli. marupapiaini cucutahla celoci, maru kani'i sitarikia cangihlina maci'i, alʉhlʉvʉ siaucani hlitumamahlʉngʉ suhlatʉ sinvungutahlana nua mamaini saikoiana. macarʉmʉa tʉkʉ saikoia, tarisilʉpʉngʉ tarikicangihli tumalʉlʉvʉ apusiri hlipatarucuvunga siihu, kuia ngʉtʉhlʉ makarikari, tumua umarua canikari cucutahlana celocina tuahlʉ pacani tʉkʉ. upiaini vulahlʉ rumahlaʉ, arupasiamacuka usua tahlana, umarumia saikoiana ngahla patapuahlaceloci kapitanʉ, tumangahla hlipatarucuvunga hulicʉ siihuna, apatialu varu'u cucuhliarauhlusu, apatuhluhlu hliarukacangihli kani'i nani hla hlimarahlivuhlivuna. manganʉa tʉkʉisa saikoiana, apulava sitakua langʉlangʉ ahlama celocina, ausi patusuuru hlivura siacalaia tahlanakikucu ausi sasaruana hla hlitakacicihli tumangurana, iniciki mavacangʉka sialukacalai tahlana. matavilau sasaruana ausicu piracaucau uvura kupi vahlitukuna aanʉ, macuuisa sitakuamiaisa cucucelocina ia, mataingalʉ marumakumarumia siaravacangʉa siacalaiana marakaka marahlupuhlupu. mairahluia kumʉmʉa cucutahlanaisa celocina rianʉ mariatara'ʉhla sitakuamia saikoiana. aunini kuaunanaka mairahlu pitʉkʉ saricacihli, palitatalalu cucutahlana apukakua 'ara'aratingia. cucuari, marʉrʉmanʉ hla vahlita aramuamuaricu arupaliavalʉ arupaisasukasʉ, kani'i kucu mairahlu caihliuka kakuaisa saikoia sʉmʉpʉtʉ. ualavalavaisa takuamia maisukasʉia. akuisa arahlamamacua caihlisa kana'ana rumahlaʉ, hlitumimahla saikoia maru amika ucani tahlaceloci kiariaricu, angahli ciacʉiacoo arauhlusu mahlukua mosikʉ, hlitumimahla mʉmʉa maruka ucani rahluacu marahlupu kari ahlama. hlatua kana'ana maitʉtʉhlʉ kani'i cucutahlanana, hlatuahlʉ’ai apurumita patasuru siasuhlatʉ cukahlangʉ,intianʉ tahlanana. kana'a ia, takualavalavacisa masiangusipisa kana'ana. kana'a, hlamamacua caihlisa saikoiana, kiʉlʉsʉa kana'ana alalamurua musala rumahlaʉ, kupaiatuhluhlu aparukasala'a. marapihli kuapiangʉtʉhla anʉisa, umuhlunua saikoiana alalamurua pakikirimi sala'a, matailisana taia'ai laihlausua ari anʉ, aparuisana 'aravangʉ upapalu. kuatʉatʉhlʉngaʉ, musaka alalamurua utulu taluavaʉlana inicipuaili, maniki hlimaitʉahlʉ maruaru mosikʉ cucutahlanaisa, hlapuaili 'aravangʉ rumumahlaʉ, kucu paitʉahlʉ saikoia. papiaini alalamurua muhluhlu sala'a mukakakua tavula ukikirimi, ulavaisa taratʉahlicu hlamamana, muamuamuamuarʉ kirakakua ahliacuvunga isa musala. usuanganaisaiau akuisa uka'acuka anʉisa micikiricu 'aravangʉ, mavacangʉkai tarucucuvungu sala'a cucu'u maruaruisana uvuvura anʉ, iniciki tuahlʉ musasala miungu kani'i. ulavaisa saikoiana miungu mosikʉ, maitʉahlicu cucutahlanaisa, maniki ia kupaitʉahlʉ kiahlahlahlamuaisa kari kiariarina, uka'a mʉmʉa tuahlʉ pisukasʉ maruaru mosikʉna mʉlʉvicuisana puaili maru'amilika. maruuamimiaisa puaili sala'a, malʉhlʉa caihlisa hlamama minisaicu maci'i, sacahlumani mosikʉ. hlitumamahlʉngʉa saikoiana, suhlatʉ cukahlangʉ celocina, tuahlʉ mʉmʉa cucutahlana umaru rahlʉngʉ-kiu'u rumia maluliri. cucutahlana takacici sumuhlatʉ hlicalivaisa likisi, musuaturu sipacʉcʉpʉngʉ cucuocoo, aparaiahlʉ siasuhlatʉ sipuami tahlana takacicihli tuahlʉ nua cucuisa tʉlʉsʉ arupakari. mangusipia kana'ana kipuhlu intianʉ celoci tahlana tam liuhlu sipuamia, kana'a ia ihlaisa pisiacalaia, aparaiiaiahlʉ, vaasu kuuruahlʉ apaihlipihla. maluliricua rahlʉngʉ tahlana celoci, hla tumahlusuhlusu patakuacahlia karia paraiaiiahlʉna, ku pariahlakʉvʉ ,ihlaisa sialukacalai, ku acalihli, ihlaisa mahlua ʉlʉsʉ, kuaru pahliakua alupaliavalʉ, ihlaisa arupapualangʉlangʉ, ihlisa kuarupapua takuliacʉ. masiatuhluhlu:maci ma suhlatʉ aumusikungana, rahlʉngʉ hla suhlatʉ cavirana maraiahlʉa sipiamiaisana, kuhlaisai, rahlʉngʉ macahlia marulirina, mahlisuhlata cavirana suhlatʉna.

aluaihlakua hlitapaʉ pakita hlamama pakisuahlai hla ka na ’ana uruahlʉai ulavaisa arataʉ pakisuaili ihlaku ngasa uruahlʉa sarapunguna rʉrʉmanʉisa sangalʉa hlitapaiku: maru ucaniaari, mausuana siaucanisapihlingi, kiataisa ku rarau taruacucuvunga musuarauvuna, kamicicu kuihlaisa sangihli pihlingiia, rianʉpakuakuaʉisa maritara’ʉhla, kani’i lomi’o hla tukucuisa, kuacacahlia paaritʉahlʉ, tapia ruma tumalʉlʉvʉ kani’i siusuaravuna. kani’i kisuahlahlamana hliangahli kapitanʉ siiatu,mahlikihlahlamua caihli 1854 sihu ’aumu sikunga tumua mahliakua tavulunga sasaruana paramaranarʉ sasaruana,umahlikua cucu maruaruisana puu’a sasaruanaisa “’ihlicuparumukuciupitʉ, tumahlʉpʉngicumʉmʉa umaru sitaruacuvunguna.” amihla culiiena. pakapici salia lituka rumahlaʉ kapitanʉ miararuma siiatu tahlana sukuamisʉ kihlamuhlamu muvavilihlisa kisuatʉtʉrʉ taratʉahlʉ a 'Ailisʉna ucani mavacangʉ salia, pihlahluahlusu“ kuacahli ngahlaisaiau maruaru nanina?” cucu’uisa kisuahlahlahlama inta’arʉ patasuru mangusipi masasarua kutuahlʉ apicikiri, tarutʉahlʉ a Tangʉmu Hakʉna ma sala’a ariatʉkʉrana pitatʉa litukana murumita sipangʉhlʉvana, pasakulai mahlukuaisana hla makari litukana, kunapataruakʉhla maluliria 'Ailisʉna, sapakacani a litukana umuhlua 'Ailisʉna patalʉlʉvʉ palatakihlahlavaʉ luvucu taikakua suhlatʉ, taiaraisaka makʉrʉkʉrʉ muasa taku'i'iarʉ, malivutu makari 'Ailisʉna. kupihlipivalʉa aunana kana'ana tararianʉ karisa litukana, puaruma salia. kani’i suhlatʉ hlipimia,kumairahlu hlipakipuhlua kari, kani’i ari maivʉvʉrʉnga, Tangʉmu hlimatasa’aimana taarʉ, tivalʉtivalʉ malaluvihli ka tihla’ahlʉ ku pi tʉkʉ umacʉka patʉrʉmʉrʉmʉ aunini a sitahlamiamia tuahlʉ ku uasa umiapʉ. puarumacu salia, taratʉahlʉ ucani 'avahlimili kamusia, pitahlu a umala ucani uumu, arataisacu a kana'ana, mahluvirisi salia litukana, rumahlaʉ atʉhlʉngʉa kana'ana, umau cacalaisa iniciki tuahlʉ malavalʉ aramaini, aunana kana'a pakipuhlu ramucuisa, miakakua hlahlatʉngʉa rumavii caipu hlilʉmʉka litukana, manganʉ a litukana kuparavisana, ulavaisa apalilʉhlʉvʉ a litukana aparirʉmʉrʉmʉ salia. ta’iaraisaka kuparaiaiahlʉa pakiaturua suhlatʉ,hlipamia mʉmʉa tarʉtatʉatʉkʉhlʉ minisuacu tumahlivakʉ tam macamacarʉmʉ ahlii, takuku tasʉkʉra macarʉmʉisa tapikakua tamAruuaisa, “tamAruuai tamAruuai kucuaku tasʉkʉra macarʉmʉ ahliiku,musa ariatʉkʉrana kihlahlamu taluavaʉlʉ.” umalivalʉ a tamAruuaisa “macarʉmʉ ia ahlii cucuvanana paravi maisasavusavuanʉna aravacangicu.” amihla 'Ailisʉnan litukana“ akuainita'ai tʉtʉrʉaku umau cacalaisa iniciki tuahlʉ malaili.” uumu rumahlaʉ, ulavaisa ararataicu aramaini angatʉ, ucanicu aunana tuahlʉ angahli tahluru sipangʉhlʉva taluvucuna kipuhlu mahlukua tatavahlihla. maniki aunani ,ta’iaraisaka mariakuanʉ cucu mʉmʉa pavaru kumita kani’i masasaruana patasuru mangusipina,uvura mavacangʉ siangusipia sasaruana pilʉpʉngʉ, Tangʉmu patʉrʉmʉrʉmʉ paravi ahlii ahli’aimau muasamana umiapʉ, kuavacangʉ, makacapavalʉ kihlamuhlamu tamAruuaisa, “kucuacarʉmʉ ahlii.” tamusamusa masʉrʉpʉ musa uumu kʉlʉpʉngʉ rumahlaʉ, musacu murumita vahlita. kumita litukana makʉrʉkʉrʉ hla maluliri“ pasakulai a pasaʉrʉkʉcicuaku kupataruakʉhla!” ausi vuvulana kucuacahlia hliukakuaisa. pumara ia sala’a paritʉahlʉ angahli ahliacuvungaisa muacʉkʉhlʉ Hakʉ, kana’ana mʉmʉa hlativilau mamaini pihlamapaci ama’a, kutarakakukuaisana mʉmʉa. kanipasamia marapihli 'Ailisʉna ka tumahlʉpʉngicu maini, alʉhlʉvʉ tapu'aina mataingalʉisana taisa, kutavarʉ’ʉ pariakʉhla, ausi kuli'i maini maru tatavahlihla tapilalualuihli, kupaitatʉahlʉ uamiaisa. acancancacihli hlamama miararuma kihlahlamu mamainisa takacicihli kukiia aramamasahlisana, tumamamanga mamaini maci tumimahla, mataingalʉ a mamaini marumuku pasaʉlʉsʉsana pasaulaula’ ʉ, ta’iaraisaka Hakʉna macahlia ta’iara takuavuvulunga, piahlalupu, pariamasukiu’u, parilituka… tamuucu puavahlisana. tammavacangʉa pakiaturuana nua usuataisapihlingina, hlatumua mʉmʉaparakuka takuliacʉisa siarupakariana, mairahlu kupisitahlamiamia kani’ita’iarana. siausua sitarisialʉmʉlʉmʉ tumamahlʉngʉ ucani hlitu kiu’ua kalavungu. “akuaini a hlipatihlaihlaiu hlimaci ngiauna?” amihla Tangʉmuna. “curuvana muacʉkʉhlʉ ihlau ukikirimi ihlaku, kiahlahlamucuaku’ai ihlau kani’i ia hlilʉvʉnga.” umalivalʉ a Hakʉna. manikia 特洛伊manganʉ miasarahlipara’ahliva, miaili hitai希臘,tumahlaʉ mʉmʉa marahlivu maci’i. pilʉpʉngʉ a sasuana rumahlaʉ, atakatakacicihlicu ukakakuaisa musala. mairahlua 希臘na kutasakura kani’i sitarikiacangihlina, kuanganʉa sitarikiacangihlisa. marukani'i marucacihli macahliataiarana, kihlahlamu hitai tumuaita miasaumana sitarikiacangihlia特洛伊na, pacʉcʉ pʉngʉkia sitasʉkʉra. minisua 奧德修斯 kapitanʉ pakipuhlu sipamia, tumamahlʉngʉ ucani taisa hlitukiu'ua kalavungu. siia ucani, tumua tumatamahlʉngʉ taisacivuka hlitu kiu'uakalavungu tuahlʉkaraiuru pahlivinga hlahitai. macuisaa uka’ahliarinaisa, miaturu hlakana’ana pitʉtʉ macumu muritukucumana lomi’onaia, pakalʉhlʉvʉaku ihlamu. aunanacua muritapihlina marusala miararuma marisasangihli. siia usua, ucani tarʉana, mua’avangʉ tapiaili mahlukua sasaruana特妮絲多島, kumita pasamia puaili tarikicangihli, macimusaia pusutai’ahlʉ cumuhlua tahluavʉ, apuluvuvula pakita 特洛伊 kutasʉkʉra musacumicuhlu, kuapautuahlangi pasasʉkʉcatʉkʉisa. siia utulu, umuhlunu cacihli cucutamiamiacuhlu, kiahla hlamu cucu特洛伊, kana’ana ia cucu希臘marapihli siu avacanga maialalangʉ, papaci siasavungu ’ihlicu. tʉloi patuhluhlu ruavicimalikiaili miararuma, hlatumua pisitahlamiamia mariakuanʉcucu tʉloi mariruma miara ruma hlitukiu'ua kalavunguna, kani’i tuahlʉcitaputukucu tʉloina. pilʉpʉngʉa otʉsiusʉ sitakuamia, hitaimʉmʉa tampautua macu sitakuamiaisa, umuhlunuisana rumiatumamahlʉngʉ, hlitukiu'ua kalavungu. tarʉana hitai rumia mahlukua vuvulunga ʉngʉtʉhlʉ kiu’u puaili tumamahlʉngʉ, aariaari vʉrʉnganʉ pasakulai taku ’i’iarʉ, rianicukupipasamia, maru manitʉkʉ pasamiana matilʉpʉngʉ. angahli hlitukiu’uakalavungu, musirihlacalinga pimalipili pivulaihli,pimutuangʉrʉngrʉ’ukuhlucu mahlalapacivuka, kalavungu pimacuisakavahlʉ,hlasipailalʉngʉsa, tamuucu hlipativacavacanga,apuhlamahlama cucu'utuma hlaʉhitai. macahliatʉkʉisa culiiena mairahlucu usumanʉisa lomi’o kutuahlʉmaimacu pasamia amaisa, aunana umarumatu muhlu sitahlamiamia miacikiri, kutarakakukua amaisana pakiturusitakuamiaisa. pakiturucua pakiaturuana sitakuamiaisa umuhlunucucu’u musapatakuacahlia lomi’o... miungucuvanghlarʉ, macuuisa maratakuliacʉ, ahliacuvu nga pakiaturua ihlaisa lomi’o nua palisʉ sasuamatahlʉkʉ tʉkicu hlimaci, aunana kapitanʉna umarucarucakʉ kani’iusuapihlingina, hlitumalʉlʉvicua mamainimu ahlainana umahlʉahlʉ patasuru takuliacʉ, iasauanicua takuliacʉvahlici sangihli muna.

amihla hlamama kukia atapaʉ kupihlitapusahlana,mava cangʉkia musuturu tuma’aumusikunga,siriacani hlasasa ruana, pihlitapusahlana kuhlaisai kucuaku paratumatapa ʉ musala musuturu muasalia miapihlihli maracucumia pihlihlina. kurararacurumahlaʉ, marukacacihli masalangʉsangʉ ala muruahlaina micalivia’ilipi sipuamiaisa, makacania kana ’ana pariakuanʉ, rahluuakupasʉkʉra. kana’a ahlainanaia ihlaisa sangihli saliaisa culiie. “matialukia ihlauhlitamahlʉnga ’ihlicuparumuku ciupitʉ, kuaunanaia pahluailiakana’ana. pahlupucuakumʉmʉa.” amihla lomi’o. kapitanʉ huasʉtʉ,tumahlaʉ cucu kuapaupangiu,ausi hlitumaʉvʉ maranarʉ sasaruana,ausi cucu tahlanaku hlacʉpʉlʉa varatʉ kiu’u muruvi’avi’a amimu pukakucumua sasaruanahlamu puu’a hla hlipitʉtʉrimu paravacangʉ siangusipihlamu , tatavahlihla malavalʉmalavalʉ kani’i timahlaia ausi aparaiaiahlʉ hla mavacangʉ maci umahlikua cucu tahlanahlamuia,makani’i sasaruanana rianʉ aanaʉa pualangʉlangʉa maru tatavahlihlana, taratʉahlʉ a 'Ailisʉna ucani tapu'ai miapipihlihli musurauvu, ausi hlipumaraiahla marapici pangʉna. kuhlaisai hlipimiau,umahlikua ihlahlamuia tam kuatalakiahlʉ patuarʉmʉrʉmʉa pakiaturuana “ maciarumiakani’i lomi’o nua culiie siarukarumukana, acahli’aiparakuka murisangi hlina mavacangicu’ai.” aunanacu kihlamuhlamu lomi’o “ maimamacuaku ihlau, marahlakamaluliri macumu alu kala.” rumahlaʉ tumimahla macahlia maluliri tarʉtatʉatʉkʉhlʉ tavahlihla, hliʉmʉmʉcʉ tavahlihla mariaitititina, tavacihli marahlimʉngʉngʉcʉ tungatunga, kurukuru ia takahlaimaini nua takahlaitaisa, marumana hlipatavʉvʉhlʉrʉ tarʉana tangʉngʉ pahluahlʉmʉhlʉmʉ a hlakana'ana pahlulʉsʉ pahlusahli. ma calʉ vangʉhlarʉ hliarupakari a sasuana ruvana kani’i kiʉlʉsʉ mukakakua ilikusu calʉ vangʉhlarʉ, pihlahluahlusu… “hlita’iarau mana hlimatihlaihlai hlimaci ngiauna’” amihla Tangʉmu. kituturucu mʉmʉa 'Ailisʉna pahlulʉsʉ pahlusahli, masangasangarʉ, kucuatʉatʉhlʉngʉ musa micʉcʉngʉhlʉ litukana. kurahlua marua 'Ailisʉna tatavuhlunga taratʉahlʉ cacihli tacingau mariatatamaku, kanai'i tacingau mariatatamakuna, tuahlʉ a hlialivuvulaisana paripuhlu tarʉtatʉatʉkʉhlʉ tapaʉ, apuhlamahlama 'Ailisʉna, ahli'imau hlialivuvula tacingauna purikakuaisa tihla'ahlʉisa, tamuucu a kana'ana kutasʉkʉra pahluvuvula hla tumuaisana micuhlu. “amihla amakuna ihlaku matalakiahlʉ a vangʉhlarʉna murumitaisana ’ihlicu, maci murumita ’ihlicu ia, patakaku ’ihlicu a hlimaci ngiauna hla, rumia maluliri hlalangʉkiia, kicunguhlu tihla’ahlʉ cucu’u maci umararukupu ia, arumuamuarʉ a hlimararukupuna arakuka.” umalivalʉ a Hakʉna. amihla tacingauna“ maru a langʉlangʉ taiara kiahlahlamuaku ihlau!” kani'i 'Ailisʉna tumahlamahlama, tararianʉ puaili. “umararukupu a tihla’ahliuna, cucuvanana tahlamaku mu’alivatʉ pakituru kariu.” Tangʉmu kumita tihla’ahlʉisa Hakʉna amihla. kani'i tacingauna maruhli takacicihli hlipuri vuvulana mara ucani tapu'ai umahlikua 'Ailisʉna amihla“ ucani tuahlʉ aparalangica ihlau, usua tuahlʉ aparikasʉkasʉ.”pilʉpʉngʉ mipihlihlicu. ucani ka kupatarʉakʉhla 'Ailisʉna tumakahlangʉ hlikihlahlamuisa. paritʉahlʉa lomi’o micalivi, apalilalʉvʉmʉmʉa, araratai cua tipotʉna mivauvauisana, hlipasakamusua kana’ana kuparataisa siparisasangihli, marapihli palʉhlʉvʉ culiie, mataingalʉ mavacangʉmaci kucutakuapuhla takuliacʉ usuapihlingina. kisasua miungucu vangʉhlarʉ, kicunguhlu mitalʉvʉngʉ kalahlapa kiu’u taisa mapatʉkʉ vangʉhlarʉ, pitamuamuarʉ pasamia kani’ina, miacacalivi a tapusanana, mʉlʉmʉlʉmʉ ausi maru a hlitimahla vahliungu, macuisa i mʉcʉkʉhlicu a ’ihlicu? mutʉngʉtʉngʉ a sasuana arukariva kupakipuhlu vahliungu. kani'i pasamiana 'Ailisʉna umala aucaucani tavuhlunga ma vaciki ahlanʉ, makungahlʉ malavalʉ ka tihla'ahlʉisa matangangaticu ihlaisa mairahlu, mu'alivatʉ angahli vuvulunga tapipuhlu mamahlahlʉa, arakicacʉ ihlaisa takacicihli, pasakulai a kana'ana makungahlʉ ma ahlanʉisa, aramainicu ausi kuli'i mamaini, puaili sasarua. aramamasahli a vahliungu, kumita hlakana’ana ma masaihla tatulu cucu’u… maisasavusavuanʉ Roposin hlimatihlaihlai ’uraikima’a, intia Cio hla cacihli cucu’u hliʉmʉmʉcʉ siakakauru. patʉrʉmʉrʉmʉ a 'Ailisʉna“ maci sisilatarisiahla ia maramucunai ia mairahlucu'ai tarʉsiatʉa malaili mairahlu ihlakiia. puariarianʉ a hlakana’ana patʉatʉahlʉ ngasa ta’iaraisa tatuluna, makacani taratʉahlʉ sasua umala siakakauru rumia kumali vangʉhlarʉ. macuisa, ulavaisa malailicu sapisa. “arʉʉ! mualikapʉ a hlakana’ana vangʉhlarʉna.” pikʉrʉkʉrʉ a Tangʉmu nua Hakʉna pisakasakavʉ. hla mairahlu hla pasakulai micuhlu tapiaili miararuma kihlamuhlamu hlahlahlamamaisa hlikita hlicalivaisa muruahlʉ apausu’ulu hla tatuluna, maci’ai pausu’ulu ia marakakaita’ai, aunanacu tukiki maruisana pururungu muruahlʉ, kutipatipa hla ku uruakari. kurahlua, kuacahli tiaraisaiau tumimahla tatuluna marisasangihli, taratʉahlʉ intia Cio umala uatapihli umahlikua Roposin maisasavusavuanʉna hlumivuru. siautulu ruamia sitakuatarʉtararia. matilʉpʉngicu hlitukiu'ua kalavungu, pakituru mʉmʉa sitakuamia mususua ta’i’iarʉ, sitakuacania puaruma civuka, ucania mua’avangʉ puaili tʉnisʉto sasaruana, tumua maruacacihli maimamacu tahlimihlimicuhlu. aunana hlikitana Tangʉmu nua Hakʉna arakicacʉ mʉrʉhlʉ tapilalaucu, kucu atʉhlʉngʉ hliʉrʉhlʉaisa apuakahlangʉ’aimi. macua usumanʉ ia, tumua maruacacihli maimamacu tamiamiacuhlu.kani’i ngahlaisa maimamacumara, mahlukua ahliacuvungana, malialualuamia 奧德修斯na. pasakulai a sasuana tapikakua salia Peici… “hlita’iaramu sasua murutumuhlu mururahlʉnga, pʉngʉtʉhlʉ muruniania?” amihla Peicina. “uakikirimiaku amau kiahlahlamuaku Caiciʉ ’aumu pakatʉrana ucani uruahlʉ a ta’iara.” Tangʉmu maliamʉmʉlʉngʉsʉmana muruaniaisa maluliri. mamʉmʉmʉacucu’una, cacihli pia 西農na, murumita maluliri:“ marapihli tuahlʉ puaruma tarikicangihli ia, maniki siapacia kuakuuruahlʉ, ihlaku’ai maramasu.” rumahlaʉ, intia Cio apaukarahla hlimitalʉvʉngʉ vuvulunga pitahluru, sakikucu a cucu’u mʉmʉa rupuhlun tahluru, patisangala maliaili lumikucu. pilʉpʉngʉ, makuvauka cucu’u, hlakasipuvahlisana, umahlikuaisa, musurauvu mʉmʉa puvahlisana. umacʉkamatata sarikua talikuca makarikari, Caiciʉ ’aumu makihluhlu Tangʉmu pakihlahlamu hlicalivaisa ,kihlamuhlamucu a Tangʉmuna ruvanaisa kana’a akuisa papaci cucu’u, kisucacani patimahla cucu’u mʉmʉa, apatumacu intia Ciona macuisa hlipapaci cucu’u. kicunguhlu, mahlivingi mʉmʉa tarikicangihli, arupakuvavilihli, mucucucivuka hlitukalavungua, muvavilihli a 奧德修斯 malialualu puaruma, hla, maliaili sipailalʉngʉsana, marirʉmʉrʉmʉ civuka kalavungu. piʉlʉpʉngʉ, tam hliarakicacʉ mʉmʉa ka cucu’u, tam vasua Tangʉmuna marakisuamahlʉngʉ cucu’u. kani’i pasamia, kamicicu kuaringiringi maru rʉrʉmanʉ civuka kupakiapuhlu vahliungu, kuakita mavahlita patakuliacʉ mʉmʉa tʉkʉ. kani’i arina rumahlaʉ, Tangʉmu makacanicu maravasu apuamimia hla apuvahli cucu’u, mataingalicu a tamAruuaisana masasangarʉ. tarʉana usumanʉ rumiacu cumuhlu salia hla pahlivinga, mailʉngʉsʉ ’avangʉ maialangʉ tapiaili 特尼多 sasaruana, upapalu hliarupakaria cukahlangʉ. takuliacʉatʉkʉisa culiiena tumangitangi musatapikakua pakiaturua kihlamuhlamu: “pakiaturua kuakuuriausumanʉ isana, malitʉnʉlʉihlau taliliviuaku.” karitakuliacʉ tama talikialua karimavacangʉ, cucuhliu hlunu pakiaturua kunaiaungu, macahliacua lomi’o kari maci’icua culiie, pasakulaiukirimi mahlucanikavahlʉ makacanipuaili miararuma uelonacʉng. kunapatarʉkʉhla pakiaturuna angahli hliarakicacana ta kumahlʉmahlʉngʉ, angahlicua culiiena hlitakulingpasʉ anatakumahlʉmahlʉngʉ, taratʉahlʉa kana’ana pakiatu rua kukita lomi’o kialomi’o… amihlakana’ana. mahlicaliva hliparahlia sangihlina rumahlaʉ, ulavaisa usuapihlingina maimacucu misau sangihlisa kiariari, arukaʉmʉcicua ramucuisa arupapiavacangʉ.

mamualualu ʉnʉmʉcaihli maruaku sahalasamo marahli ahli marakakacuka saliamiapihlihli takacicihlia ihlaku matingahlangahla. ruvana mutaruakulalavukua kuatʉatʉhlʉngaʉ siausuai sa aari maivʉvʉrʉnga marukacucu'u makuvau patakʉm ʉ’aʉ ihlaku maruka mamaini amihlaihlaku taliliviua ku tumapaʉ ucani’ukui. hlakana’asasuana kutarakakua sangihlisapihlingisa, auna nacu arukarumuku… “puarumacikia.” culiie apakuvau inaisahlaacu. “ihlakuia lomi’o, atʉhlʉngʉkia ngahlaku.” pasakulaia lomi’ona umalivalʉ pilavalavaʉ ucanikari. marua ucani ngʉtʉhlana hlicaliva pasamia,cucu tahlanaku tuahlʉ tumaʉvʉ sasaruanana mʉmʉa ,ausi hlipariʉsʉpa varatʉ hla hlingua’ʉ tumaʉvʉ patasuru lalavukuana, aunanacua sasuana marun ahliacuvunga hlipatarʉhla pakiaturuana pasalʉpʉngʉ alukala. makana’a ngʉtʉhlana pasamiana micalivicu,kani’i rianicu asapu sialʉngʉnga miararuma, miungu arinani ,kuaku parapihli hlipimiauna mi’arahlasʉ,ta’iaraisaka ’ihlicu langicamu ariari paratataisa tahlanamu,makulai apili sasarua mʉmʉa hla cucu tahlanaku,mamainiku hlamalava kumita kutasʉkʉra miararuma,takuliacʉ sitarikicangihlina, taia aparahlupu ihlahlamu mʉmʉa, uka’a siamavacangʉaisa, macuamu pakituru hlipimiau musa taku’i’iarʉia, tuahlicuamu apaiatuhluhlu manikiia pasakamusua lomi’ona rucakʉisa, marutukucu isa pakitamalamʉkʉisa. marukacu sala'a vuvulunga aunana kana'ana rumia pu'ara'arau musasasala....ma mausia kiu'u matumuhlu a hlipauungua siataturua ukakakua sala'a, kani'i mairahlucu kualingipasʉa vunguisa 'Ailisʉna, kuacahlia aunini a ukakakua mavacangʉ. mʉlʉmʉlʉmʉ tarutuahlʉ cacihli ngiau, sapakisuahlai a 'Ailisʉna, siaucanisa mavacangʉ uamia sala'a, ulavaisa ngiauna pauturu ucani sala'a mukakakua miararuma maramamanga'a, pilʉpʉngʉ makacani arakuka. 'Ailisʉ macuisa puarumacu miararuma, rʉrʉmanʉ miararuma cucu'u mʉmʉa maci maluliri, hla, sikuatitipa rianʉ piasiusu, kupisitahlamiamia tuvarʉ’ʉ a 'Ailisʉna masivacavacangʉ hlakana'ana maluliri, kani'i pasamia, paritʉahlʉahlʉ a litukana micalivi nani, pakita 'Ailisʉna aunana saicʉcʉngʉhla ulavaisa mairahlu kuparikʉhla. muasasasala, muraruma vuvulunga, kulivuvulungaisa rianʉ tʉkʉhlʉ ka hliahlumiaisa, marua mʉlʉngʉsʉ a ngusuisa ausi tangʉngʉna mahlipihlipi, maru mʉmʉa ausi takahlaia sapisa tamuciakʉ. hla pautukarahla ucani sala'a maini, ihlaisa tuahlʉ mukakakua salia, rumahlaʉ taramasaihla maru ucani hlimahlu vʉtʉraʉ a ngusu, mumuamuarʉ mukakakua nani maivavʉvʉtʉraʉ, uka'acu a sala'ana. kani'i 'Ailisʉna kuacahlia aunini ka mavacangʉ, pautukarahla takacicihli apulalavaicu maru vuvlungana, aunanacu maruisana tupuru tumangi. hliaripucua puahlamahlama aramulalacuatʉkʉ tuloina kumita hlitakumia sinongona. “tumuaini muasa mahlukua hlitalʉvʉnga intia Cionai, kumitaku maru’ai ka hlilʉvʉngʉisa kuparacahliaʉisa cucu’u langʉlangʉ pahlivinga.”piʉlʉsʉ a sasuana. rumahlaʉ umalapakiaturuana ucanitalangahlʉsavuanʉ, kihlahlamuisana: “musapuailiia mualʉvʉkia karipasamia amau, hla macialukala mualualuruvanaisaia imuu’aikani ’i ucanitalangahlʉsavuanʉna. kani’inaia patakualingpasʉ sangaalʉ, micalivi maupatʉhlʉusua pakiaturuaia takua mahlʉmahlʉngicu. matakumahlʉmahlʉngʉmualualuna muacʉkʉhlʉa lomi’o maricʉkaihlau, inicikicumu tuahlʉ micuhlumicikiri miararuma uelonacʉng.” macuisacucu特洛伊 na pumasaihla maitʉtʉrʉ ahla’a, mulualalangucua apuhlu rianicuvuvulakalangica maimahlʉngʉkumita, pausu’ulu hlitai sila pahluailicu micikiricutʉnʉmʉ. aunanacu a sasuana kiʉlʉsʉ musa mukakakua ’aravangʉ tahluru. ’aravangʉna tam ’aratingi maini, muatʉatʉahlʉ pumaraiahlʉ cucu’u a langicaisa sangalʉ, aunana hlakana’ana maiatuhluhlu maratatasau, mukakakua rʉrʉmanʉ ara’a’araticu, mʉlʉmʉlʉmʉ a ’aravangʉna, murusihlangʉ takualipilipi, mataingalicu puhlamahlamaisana maratatasau mukakakuaisana… masʉkʉcacu marupangʉhlʉvʉ sipangʉhlʉva murumita, pausu'ulu vahlita, hliapusiri ucani pahlivinga hlitukiu’ua kalavungu taisa hla langica. rumiacua cucu’u asimuruakarisana, marua cacihli cucu’u angahlicivuka kalavunguna murumita. pausu’ulu a hlakana’ana ucani malipilipi luvucu, palatipi usua ’ulusu vatu’uisa, tavahliasaivarara Tangʉmu kicani ramucu a malipilipi luvucuna, pasamanganʉ rʉkʉcʉ rupuhlu, pacʉcʉcʉpʉngʉ a sasuana vahlituku ti’arʉ’aimanai marucacavuisana rumahlaʉ. 西農na pakituru sitakuamia, takualalangʉ takuvacangʉ, kani’i ta’iarana. macuisa, ihlisa ucani takualipilipi ti’arʉ vahlituku sumahli ihlarʉ vulaihlisa hlakana’ana, hla mairahlu ia sʉsʉma ’aravangʉna kuakiti a pingiramucuna, makacani arasihlangʉ ka malipilipisa, kuhlipacʉcʉpʉngʉ ma ahliacuvungaisa hlicaliva hlikitanana, “uua! tam matumuhlu a malipilipi ti’arʉ vahlitukuna, angahli arinani marapi vahlitukucita.” masangasangarʉ makuvau mutuvivilau. tumahlaʉahitai kumakita 西農 uka’a hliʉmʉcaisa pahli vinga, ausiasapisa hliarakicacʉ, tumangi mʉtʉtʉtʉ paki puhlu sapihlimʉrʉhlʉna, angahli civuka kalavungu mucapi. rahluua, pahluailia Tangʉmuna hlitalʉvʉnga intia Cio ’aravangʉna amihlan Hakʉna, “ihlaisa’aimau kana’a hlialiʉlʉsʉisa intia Cio marirʉmʉrʉmʉ anaʉ pahlivingana?” mulavaʉmana Hakʉna masasangarʉ, kuatimatimahla karisa Tangʉmuna… sapakisuahlaia ngahlaisau? tiarau cacihlii ?umalivalʉa 西農na:“ ihlaku ia hitai 希臘 hlimicuhlu, marapihli sia ngusipi,tumamahlʉngʉmana hlitukiukiu’ua kalavunguna, pirasavunga ’ihlicutʉnʉmʉ hla papapacimana ihlaku siasavungu. “Tangʉmu, pi vahlitukucu ngahlaisa hla ta’iarau?” amihla Hakʉna. “hlatumuaku muria usumanʉ Peicina.” “mamainiu mana aunana ia tumahlʉpingicu mulialangʉ!” “auniniu? Hakʉ.” “kucuaku takuaiiaili matiavalʉaku ahlangʉanga sapina, maracani mahlicungu pisiarina.” cucu’umaci ma mamʉmʉkʉpahlupuanaia, matalakiahlʉ pamangamanga’a, takuliacʉatʉkʉisalomi’ona mitatarʉ, marunsalasiuasasalana pu’aucanitalangahlʉ savuanʉsia paci, pacʉcʉpʉngʉ iamaisamutusasu arumukaisa usuma nʉisa makahlʉlʉsʉ pulaʉisana. mavacakai micuhluakumana, mitalʉvʉngʉ sʉsʉsʉngʉa kuapautukarahla, mulavaʉ akuisa musalacu, inicuaku kipuhlu mitalʉvʉngʉ hlitukalavunguana. aunanacu a sasuana pitahliahlʉ, “aunana mualualuaita tumavacavacangʉ lʉmʉvʉngʉ.” amihla cucuhitaina, tiakupautuamacu ihlau, umalivalʉa 西農na:“ akukuapatisangalʉ ia, kumitaku hitai 希臘 macuisacu tarisipulaticu, uka’acua aruamiaisa pahlivinga hla anʉisa, kucutarikiacangihli. kisua tumavacavacangʉ lʉmʉvʉngʉisana rumahlaʉ hla masasangaricu kiʉlʉsʉ musa puaili. cucu特洛伊, uka’acu a i’arahlasamu, macumu kupautuamacu ihlaku ia, papaciuaku.” “Tangʉmu, tumuamana i muasa puhlamahlama?” amihla Hakʉna. “hlaa!marumanai mataingalʉ i sipuahlamahlamana mavacangʉ?” “aa’ ʉ, pacʉcʉpʉngʉita mana muasa ninau mungahlangahla puahlamahlama…” karisa 西農na, pariakuanʉ apululamʉkʉtʉkʉ cucu特洛伊 arasʉkʉcacu mahlialialualua kapitanʉna, apuarumacu miararumaisa. hla maarua ucani karisa kapitanʉna, tumupakiahlahlamu sinunguna pahlumiamia hlitukalavunguana. kisucunguhlua 西農na:“ pahliailiacucu希臘, pahlumiamia ia matiangahlangahla mativarua aruamiaisa hla papuhla anʉʉsa,hlakana’ana marunani tumamahlʉngʉ hlitukiu’ua kalavungu, marapihli apaiatuhluhlu’ihlicu ahlaina雅典娜 puaili matingahlangahla mativaru sasaruana. ucanika macumu mariarumaisana miararuma ia, ausi ihlamua mualiuhlu hitai 希臘, atʉahlʉ sipaiatuhluhlu ‘ihlicu ahlaina 雅典娜, hla tumua 希臘 hitaina miungu ariari. kani’i umuhlunu sasuacucu’u rʉkʉcʉhlitukiu’ua kalavu nguna, mariaruma miararuma, kupangahla sipuakara hlaisana. matalakiahlʉ pautumacu kari 西農na pasakulai paririusu mariaruma miararuma hlitukiu’ua kalavunguna, tuahlicu apaiatuhluhlu ‘ihlicu ahlainana. tuahlaʉa cucu’u kupautuamacu, kani’i siasavunguna tuahlʉmaiatuhluhlu 特洛伊 na, sipuamianaia manga’a, kani’i ia hlitahlisulua ahla’a, kani’i tumua makacani cumuhlua hlitukalavunguana, mʉmʉa 西農na. hlapakisuatʉtʉrʉaku pakiaturuana, kumitacua kana’ana arumukatʉkʉ usumanʉisa matasa’aipatʉkʉisa kucupihlu ruania, hla hliʉmʉmʉcʉa ramucuisa ucanitalangahlʉ sia pacisavuanʉ, mahliʉtʉatʉahlaisa taiarakuparamacumacu aunanacu kucutarakakua usumanʉ pasamalami ruvurucu mapatʉkʉ uatapihli makiaiaili hlumivuru, mangalivicu marupatʉkʉ lomi’o. hlamunapilʉpʉngʉa usumanʉ maisasukasʉna, angahlia hliacuvungaisa usua taisa vuhli’i lʉmʉkʉlʉkʉ cucu’u makupaci’i, mʉrʉhlʉmʉmʉaka cucu’u micuhlu. puakarakarahla, kupautuamacukari minisuacu apakatʉra ‘ihlicu ahlaina iatena, pasakulaicu rumiriusu hlitukiu’u kalavunguna, mariaruma miararuma. rumahlaʉ, masangasangaricu mʉmʉa musurauvu pahlusahli maritara’ʉhla hlitukalavunguana. marapihli sala’aka kuasalisi langica, pahlivinga hitai希臘 marʉrʉmanʉ civuka hlitukalavunguana, aruputuatupu, pivahliungu. cucu特洛伊na kupitakahlanga kuiangʉtʉ ngʉtʉhlʉ, masangasangarʉ. marucua cucu’u pautuhlangi apaihlipihla, makuvau pata luvaʉlʉ, kuariraruma hlitukalakalavunguana miararuma, tumavasu nangananga sipasaulaula’ʉ.

kunaku hlitumapaʉ’ukui, tumapaicuaku ucani tapaʉ, ula vaisa amihla kana’ana:tʉkʉhlʉ malivutuaku pimʉlʉngʉs ʉngunguru taisacivuka hlavuhli’i tumuaku ucani ’ukui. tumapapiahlicuaku tumapaʉ,kuasasangarʉa kana’ana. matiangahlangahlaku saliamiapihlihli,kuhlaisai tumaca pacapangicuaku tanguapanʉ uvuraisana, amiakuisana marʉrʉmanʉa’ukui,talʉmʉlʉmʉhlau masasangaricua kana’na. rumahlaʉ puailia culiiena tataraisa, masarʉmarucingarʉ isa pisaʉlahlʉmaluliri, “masalangʉsangʉ lomi’o. iniupaninau tam marumukuakuihlau.” kani’i kuacahlia kana’ana mitalʉvʉngʉa lomi’ona lika’acingarʉ ku icikiri. kuhlaisai,amiaku kani’i,macu mahlukua ihlahlamuia tihlaravai ahlamahlamuia tam palangʉlangʉ,langʉlangʉ paranaisa. kuka’a hliasapuaisa hliparanaisa sasarua, aunanatukucuisa pacanitʉkʉ kucutarakakua lomi’ona, maringahlangahla nua tipotʉ mairarahlu tumahlirucakʉ, manpatakuavalisina, marucacihli tukucu pautakuliacʉ ’aimanai tʉraapakapaci’i. tam manaʉ vuvulunga.sakʉrahlʉ.cacalʉa.taihlicua.tʉnʉmʉ. karʉkʉhlʉ puaili angahli ta’ahlupua tumamahlisasangarʉ ihlahlamu atʉhlʉngʉaku hlipimiau kaari. takuamʉ'aʉ mualualu ulavapasamia kurahlua kana'a taisa ngiauna kingahlangahla kipuhlu amihla“ miacʉcʉngi hliumanai kana'a litukana?” amihla 'Ailisʉna“ kucu iacʉcʉngʉhlʉ, ucani atʉhlʉngaku puaili salia, ucani ka kuaku paitatʉahlʉ sala'a puili salia.” aunanacu a taisa ngiuna uvara 'Ailisʉna ucani uatʉatʉahla sala'a, macuisa ihlaisa mapikulu hla mʉlʉngʉsʉ paraukaukana. maru rʉrʉmanʉ tarutʉahlʉ kicivangʉ kapitanʉ, tumua kapitanʉna kiiasuaisana pasaulaula'ʉ tarisia mariatʉkʉ taʉhlʉkaina, cucukutasʉkʉra ia paruavungu, mahlicaliva sipasaulaula'ʉna, 'Ailisʉna pasasasapu, tamuucu a kapitanʉna kuasasangarʉ, umarucarucakʉ umuhlunu papapacisana. mutatʉngʉtʉngʉ a 'Ailisʉna miatapihli ramucuisana luvucu, matitʉahlʉmana hlikʉtʉngaisa tavuhlunga, aunana pasakulai matangusu malʉmʉ mʉlʉmʉlʉmicu, arataisa ka tihla'ahlʉisa, ta'iaraisaka arataisacu kucu uruahlʉ kapitanʉna pakatʉraisana, rumiacu umalivalʉ kapitanʉna. tamucu kuhlipatʉahlaʉ hla hlamuna hla umaliavalʉ kapitanʉna rumahlaʉ, mʉlʉmʉlʉmʉ aramainia 'Ailisʉna, usuanganaiau kicuvanana sakʉlʉsa matarʉsiahlai maluvucu tavuhlungana malʉmʉ, minisuacu malaili aramaini. ruvanaisakana’a pakiturua culiiena hlipimia pakiaturua miimasavuanʉ matalangahlʉ… 'Ailisʉ rumiacu pasamamanganʉ micuhlu, kapitanʉ nua maiatuhluhluisanana pasamamanganʉ micʉcʉngʉhlʉisana. kurahlua, 'Ailisʉ pungahlangahla kumita hlipualualuaisa macahlia maluliri ngunguru sipangʉhlʉvana, pasamama nganʉ hla maruapangʉhlʉvʉisana, siaiacuhluaisa nani, sipatiamiana arataisa tahluru tʉkʉrʉna amihla“ mairahlucuu micuhlucu!” 'Ailisʉ talalaluihli tahluru, ulavaisa taratʉahlicu mavahlita ihlaisa takacicihli maisana malusapʉ, aunanacu makutaisa makuvau ngahlaisa takacici, tumuapatakua mʉ'aʉihlaisa takacicihli. hlimakahlungalʉvʉ kalahlapa kiu'u 'Ailisʉna, mʉlʉmʉlʉ mʉ takumahlʉmahlʉngicu, takumahlʉmahlʉngʉ rumahlaʉ piamʉ'amʉ'amana, ausi pausasasalirimana. takʉmʉ'aicua 'Ailisʉna. miungua lomi’onavanghlarʉ, pasamaanganʉ miiakarʉ vanghlarʉ, tumuakumakita arumukaisa usumanʉisa. raahluuua, pataratʉahlʉa pakiaturuanan cucumiasasasara na sapatisangala, makulaikakari takuacahliacuka ikatuma hlana miararuma… miararuma tʉloi aputukucu maratahluru miararuma takumamamahlʉngamana, tʉloina masasasangarʉ mima ma mapaci, kutaluavavaulʉ, mulavaʉ vʉrʉnganʉ, iniciki aramuamuaricu kupinangananga. kani’i, 西農na angahli tumahlana murumita vahlita miararuma, pikʉcʉhlicuhlua apuhlu cukahlangʉ, pasamanganʉ marititi. cucu’u marʉrʉmanʉ civuka hlitukalavungua 奧德修斯 aracahliacu cukahlangʉ rumahlaʉ, pasakulai apucapi sipailalʉngʉsa, patasuru cucumarʉrʉmanʉna, pasakulai murupuhlupuhlu. taisa tarʉana hitai rumia matihlihlitakʉ, musa papaci tumavitavihlʉ hlimakahlu mangamanga cucu特洛伊na, matapupunu hlicuhlua apuhlu, uhlamarʉ pusukucu salia. hliangahli 特尼多 sasaruana hitai kisapaticu mʉmʉa, matarihlingicu, rumiacu arukapapaci. miararuma 特洛伊 rianicu tapaʉ cara’ʉ, ausicu sakʉra hlʉka cara’ʉ, mahlicaliva arukapapacina kucupautua hlangika sapisasaruana. putuahlaluhlalusumana papapaci, utulu aari utulu vʉrʉ nganʉ ku usuaʉsʉsʉpʉka apuhlu, sʉsʉmacuka langican vuvulula, kucuakitika sihlangʉ,pakipuhlucu kari mi’ʉvʉ ngicua 特洛伊na.

kani’i mamainina tampakaritʉkʉhlʉcucu’u,araarahlua pingahlacuakuisana mamaini kapitanʉ hlahlusa. “pitumuhluamau pingahlangahla! culiie. kumitalomi’ona kucupasakamusutʉkʉisa, mataingalicu nua tipotʉna arupukakua sapakacarʉma pakapaci’i. atʉhlʉngʉaku hlipimiau kaari,hla tʉtʉrʉ sipualiuhla kaari,kumu tuahlʉ malusangalʉ sitakuamiahlamu umahlikua tihlaravai ahlama. aturu mʉmʉa muvavilihlimu,sasaruanaia ama’a ina’ahlamu,sasaruana kukia takacicihli,aunanaia macahlia mamaini manaʉ sasaruana. patasuuru aucaucani sasarua rianʉa palangʉlangʉ,aucaucani cacalʉa.vuvulunga.mapuhlaʉ.kiukiu’ua,kani’i hlacaliva hlipahluailia mavacangʉ hlipahluailia miararuma. hliriakuamu vatu’una.kavuluhlu rianʉ kuaruriri, ta’iaraisaka alʉhlʉvʉ tihlaravai ahlamahlamuna,macuamu kirapaipai tumacacurunuamu hlipaivuasa,hla siacalaiia ahlama. mʉlʉmʉlʉmʉ marukacacihli ari’ahlaʉ, umarucarucakʉ tangumia mii, “kuaupisiarina pasapuhlipakatʉra, macipua ruma miararuma apapapaci, muvʉrʉvʉrʉnganiu mahluku anaani ngasahlata’iarau.” paritʉahlʉa palisʉ mʉcʉkʉhlʉ mʉmʉa mahlukuavanghlarʉ. siangusipia hlitasʉkʉra hitai siila. hlimulalavaʉ ma特洛伊 ucanicu hlimarahlivuhlivu hlahlahlamama, umaru miatatarʉtʉkʉ rumiririusu hlimamacicu cuncuna cumahlumu. hitai希臘 tumasʉkʉra 特洛伊 rumahlaʉ, mahliumia puailina mahlava matumuhlu vahlituku, matisangalʉ tumahlaʉ cucuisa 特洛伊, kani’i hlipatisangalana, tarianʉ mamaini hla ahlaina. hliapatisangalʉ ahlahlainana, takuliacʉtʉkʉ manaʉ talaili hliparanaisa, tahlurucu miararuma. marʉrʉmanʉ mʉmʉa cacihli, hlahlikumita apaihlipihlana ahlaina hla hlimakuvau kuapuaruma hlitukiu’ua ,kalavu nguna ku ulʉlʉlʉ tʉra atʉatʉhlʉngʉ hlipulavaisa akuisa marahli. hitai希臘 uka’a hliasasangaraisa tumasʉkʉrana, ta’iarai saka, akuisa tumamahlʉngʉ hlitukalavunguana ia, kupisiarina umahlikua ’ihlicu ahlaina mahlatʉra 雅典娜na, tumahlirucakʉ ahlaina 雅典娜na, minisuacu matacapi taisa usahlʉ, makulai ka’avangʉ kuariakʉhla usahlʉ, malisʉhlʉ mitʉkʉ, apivavangarʉcacalʉa apukua tʉnʉmʉ, apara taisa hlingua’ʉ, kucu tuahlʉka’avangʉ muvacavacangʉ musala minisuacu mitʉkʉ. paritaitaisa parivaratʉ, pahliriuru ‘avangʉ apitʉkʉ tʉnʉmʉ. aunanacu, maniki tumahlaʉka’avangʉ, rianicumitʉkʉ, ucanika hlingua’ʉ kaiasau. ku ucanika 特洛伊 sasaruana ka marakaka mara’avu’u, hitai希臘 hla hlimuvacavacangʉ ‘avangʉ mʉmʉa, arakukacu mʉmʉa.

rahluua inicikiaku macahlia, mamaini kapitanʉ hlahlusa hliangahli masaihla sasaruana’acangʉrahlʉ mʉcʉkʉhlʉ, kana’a ’acangʉrahlʉ matataisa mainisana. hlamacuaku aunani kihlahlamu hlamamanaia, uka’acucu ’u tararianʉkariku.kuhlaisai patakuarianicuaku kihlamu hlamu cucu usumanʉ, mamaini kapitanʉnaia hliangahli 612maini’acangʉrahlʉ, kani’i maini’acangʉrahlʉna ma1909caihli pataratʉahlʉ. hlahlahlamamana tuahlʉsangalʉ angahli siaiapʉcaihli sasaruanana aracahlia pahlumiamiaisa. hlatumuakumʉmʉ tumatimahlaihlau kisuamiasiarumuka u ihlaku.” masasangarʉa tʉkʉlomi’o upapaluisana tuahlʉ pitumuhlu karimamisana. hlimarahlicurumahlaʉ, tammakulai takuacahliacumʉmʉ aka ikatumahlana miararuma, pasakulai maricuvucuvu ngu usuapihlingi, hla takuacahliacua kapitanʉ maramasu taku’i’iarʉsipakatʉrana. varatʉna maci umahlikua cucu’u tahlanahlamuia tam manaʉ,ta’iaraisaka patasuuru siliamucucua varatʉna rianʉ maraiahlʉ,kulikulikuli’i,kiukiu’ua,cucu’u,rianʉ maraiahlʉ. maci i’a’ana sasaruanana ihlamuia,tumuakia atʉhlʉngʉ varatʉna umaupangʉ patasuuru hlitakacicihli tumangurana,rianʉa arupaiatuhluhlu, ausi hliavalimu hliparikakua ihlamu pahlu samahlʉmahlʉnga tavahlihla. kani’i lomi’o pihlipahlupuarucakʉ umahlikuaisana mii: “macuukuiacikiriia, tumuau ausihliparahliaisa ahlaluaisa na,” ulavaisa palisʉ maruisana marisangihli arupukakua apakapaci’i lomi’ona.

tammaiatuhluhlua mamaini kapitanʉna masitakuamiaisa sʉsʉngʉhlakiu’una.hlimungahlʉ usumanʉ sasaruana’a cangʉrahlʉ marukacucumasavaʉ asapu maipuhlipuhli tutusuli kiu’u marauruahlʉaka ulavaisa: macahliacua kapitanʉna pahlumiamia hliangahlahlana rumahlaʉ, maluliricusipakatʉra “apuasalanʉisa lomi’ona miararuma uelunacʉg.” muahluahlusu sahlumu sakʉrahlʉ,tuahlʉ kuparamisu’u ihlahlamu,tuahlʉ kuparamisu’u kuli’i nua ’ahlamʉ, kana’anaia ihlaisa cara’ʉ ahlama,vahliungu sahlumu sakʉrahlʉna hlakasipiamiaisa ahlama hla siatuturuaisa, patasuuru hlicalivaisa sasaruana, hlicalivaisa vuvulunga rianʉ malalangihlu, maramuriturua sasaruana. maci i’a’ana sasaruanana ihlamuia, tumuakia ihlamu puavacangʉ kani’i aucaucani sakʉrahlʉna,ausi sipuamia turuakia takacicihli. macumu maimamacu sitakuamia kani’iia,masʉkʉcaku matialu hlipimiamu kari. rumahlaʉ pasakulaicu marutaʉvʉvanghlarʉ, “arumukaku kitasapiuna mulavaʉmasalangʉsangʉ, uka’ahlipalavalʉa. kuacacahliaʉ marunani pungahlangahla ihlau, macuisa manani, macahliaui miangulangulahlʉaku angatʉihlau” tumuhlahluahlusua lomi’ona umahlikua usumanʉisa ma luliri.

tumalʉlʉvʉakuisa tumapaʉ’ukui,tuahlʉ kukucu suli kiu’u, tam masasangarʉ akana’ana,hla takuliacʉatʉkʉ isa, umau’ainia ’ukuina tavahlihlana. pakisuahlai ihlaku,tuahlʉ’ainia tasʉmʉ tavahlihlana maiatuhluhlu kuapau’ukuina,uka’apasamiakuka matia ngahlangahla saliamiapihlihli, amiakuisana: tasʉmʉta vahlihlana kupihlitapusahla, pita’iaraku,kukia alakuava cangʉ ta’iara api'arahlasʉ ihlaku. makulaiakarina miungucucalinga culiiena, tumangicu “kucuaku kupihlahlusa ahlaina.” maci i’a’ana sasaruanana ihlamu,tumuakia ihlamu puavacangʉ kuli’i, ausi sipuamia turuakia takacicihli, maci uka’a kuli’i pualaʉvʉ cucu’uia ausi uka’a tihlaravai,ausicikia mialala maci’i. macikia marapihli takacicihli arumukana apapapaci kuli’i, ngasamanaka hlitapusahla cucu’u? maci aunanaia makacania siapaci kuli’ina mahlukua cucu’u, ta’iaraisaka patasuuru mangusipi masasaruana rianʉ arupangusipi. pilʉpʉngʉa kana’ana picakicingusuisan lupihli culiiena hlakasipiamaruahlʉisa, pasamalami umalahlipu’aisa savu anʉ matangusu maalʉmʉ, makahlulalʉvʉpatʉkʉ usumanʉ.

takuliacʉatʉkʉisamii: macimaruacucu’u mahlimiaili ’acangʉrahlana, marumuku canicani tavahlihlana, kamici cua kana’ana kumita ’acangʉrahlʉnaia uka'ata isana mavacangʉ. hla macimusa’ukuina umutavahlihla naia, ausicu mususʉpicumʉmʉa ’acangʉrahlʉna, mauui ku takualangʉlangʉa kani’ina: takuliacʉa tikiku musamahlukua mamaini kapitanʉna tu mahlivacavacangʉisana, tumalʉlʉvʉisana tumapaʉ cavu ngusu’ukuisa. tumimahla lomi’o karisipakatʉra tamtakuliacʉatʉkʉisa umahlikua pakiaturuaisa kihlahlamu: “maciuka’a culiieia kucuakuangusipi.” hla ihlatata cucu’ua mualavalavaʉ maru sasaruana maci’i, vuvulunga.sakʉrahlʉ aparivacu tihla’ahlʉhlamu, 'ahlamʉ miapihlihlina hla kuli’i marapihlicu ihlahlamu tumangitangi maiatuhluhlu tihlaravaihlamu, ta’iaraisaka macalaiamu kani’i sasaruanana,pasaʉlʉsʉ arukacalai kani’i tumangura sasaruanana. maci i’a’ana sasaruanana ihlamu, ausikia ihlahlamu macalai kani’i kalahlapa sasaruana vuvulunga.sakʉrahlʉ.vatu’u.'ahlamʉ.kuli’i, aturu mʉmʉa muvavilihlimu, macalai miungu aariari sapiisa sasaruana.

sasaruana ’acangʉrahlʉ mamaini kapitanʉna, maruisana ka ucanitavahlihla. aariaaria kana’ana tumalʉlʉvʉ sasa ruana’acangʉrahlʉna maivʉtʉraʉ,rumavi tutusulikiu’u, maipuhlipuhli caalʉ uruapuhlua. tam mainia caalʉ uruapuhluaisa, acahli’umatihli’asarʉ. miungucu ruvana acahlisa umarucavu ’ahlinguna maicavu maiatuhluhlu tavahlihlana. “kuakapitanʉ tʉtʉrʉpapapaci ihlau, paliatalalu ihlausanga lʉ, mavacangicu angatʉasiacalaia. pasakulaimusamahlu kua culiie kisuvacavacangʉmaruahlʉ macahliaku sitahla miamiakari kisutuhluhlucucu’u, hla malitʉnʉlʉ kapitanʉ marimainitakuliacʉ,” aunaniakari pakiiaturuana.

micikiri sasaruana’acangʉrahlʉnaia, tumalʉlʉvʉa kana ’ana pukuatavahlihlana sahlumu, cavua cavu’ahlinguna, amihlaisana: mavahlaʉva arupakakitamana. amihlaisana tavahlihlana: arupakakitamana. papatʉkaca vuna, kucuaku arumuku marumiaisana.macuaku pautu hlangi tapu’ai, pasakamusu apivararʉ tihla’ahlʉ tacinga una.kuaku mʉmʉa uruahlʉ kuli’i. marua’ahlukuku. tumuakana’ana apiacikiri mamaini kapitanʉ hlahlusana, mairahlu malivutu kumita sapiisa mululʉlʉ. aunanacua lomi’o matialu hlialulira pakiaturuana, musa pakiturukari pakiaturua taku’i’iarʉ.

pautuamacuaku mamaini kapitanʉnaia umarua ucani ta rʉana ahlamʉ arauhlusuna tapipuhlu. matumuhlua iacali vaisa sasaruana ’acangʉrahlʉ tarutʉahlʉ tarʉtatʉatʉkʉ hlʉ tuaʉcucu’u.

siaucani sasaruana’acangʉrahlʉ maruaruisana kapitanʉ tahlana. miungucuisana mamaini kapitanʉna rumahlaʉ, umuhlunua kapitanʉna hlimulavaʉsasaruana kutarakaku aisana mamaini kapitanʉna, miacikirinana,umuhlunucu a kapitanʉna apicikirisana.

siausua sasaruana’acangʉrahlʉ maruaruisanaka cacihli pausakisakiri hla apuavavahlicucu’u.apumia kana’ana mamaini kapitanʉna umaru vaciki ramucu pititupu ahla nʉ ramucu. pakiturua mamaini kapitanʉ rumahlaʉ, amihlakana’ana: ’ʉ’ʉraisa vahliungu ramucu, tamucuu puavahli ihlaku.

siautulu sasaruana ’acangʉrahlʉ maruaruisanaka cacihli hlamapaci,ucaniaari mimama. hliparapihlaisa mimaia. hla asapu marinuisa, ta’iaraisaka marinuka ucani aari mimaama.

siaupatʉ sasaruana’acangʉrahlʉ maruaruisanaka cacihli cucumi’a’a. ucaniaaria kana’ana umaricacani hla umiai iapʉ. kuiasau umiapʉ malangica ’acangʉrahlʉna,amihla kana’ana kana’a ’acangʉrahlʉna rianʉami isikanaisa.

siaulima sasaruana’acangʉrahlʉ maruaruisanaka cacihli cucupatuakikima.aariaari ruvaruvaruvana kana’ana patu kima kimasala’a, paiaʉsʉpʉisa maivʉvʉrʉnga, sasarua na ’acangʉrahlʉna, makulai takʉsʉlʉ, kuhlaisai ucani arisanana ucani utuatapusana takuamiaisa kuiangʉtʉ hlʉa cucu’u patukima maʉsʉpʉ.

siaʉnʉmʉ sasaruana’acangʉrahlʉ maruaruisana cacihli takuasasaruanana.suhlatʉisa matumuhlua hlisuhlata nga hla sasaruana, alʉhlʉvʉ vuvulunga hla ngahlasakʉrahlʉ amihlakana’ana: takuasasaruana kuasuhlatʉ mua’aliva tʉ ta’iara, ucanii asuhlata kupalavalʉ vuvulunga hla tʉ nʉmʉna.tumimahla mamaini kapitanʉna karisa, tavahli hlaia kia’alivatʉkipuhlu, tampatakuliacʉtʉkʉ.

miungua mamaini kapitanʉna siaupitu sasaruana ’acang ʉrahlʉ. kana’aia taiisa sasaruana, makana’a marua ruisa naka hlimiungu laihlaka kapitanʉtahlana, upituhlimiaili ka takuasasatuana, masiahlʉ hlimiunguka cucu mi ’a’a, upituhlimiunguka hlamapaci,matuluhlu hlimiaili hlimi ailika cucuapuavavahli, matarungahlʉ mapuahlʉ hlimi aili hlimiailika cucuhlamama. macucu’u mualualu patʉahlʉ hluvu’uia, sasaruanana tu mua maupatʉhlʉ ʉnʉmʉ hlimiungu kima’a cucu’u inici ki tuahlʉ ruvaruvaruvana patukima.

hlamuna mamaini kapitanʉna mahlukua sasaruanana ru mahlaʉ, marunlalavukua tarutʉahlʉ ucanivuhli’i kana’a vuhli’ina amihlaisana: macimaru ucaniaari macumalʉng ʉngʉ sasaruana ’acangʉrahlauia, macahliku tumalʉlʉvʉ ihlau.

micalivia kana’ana rianʉlalavukua, inicikicu miungu sasaruana picucu’u. taratʉahlʉa mamaini kapitanʉna ucani tatavahlihla, ara kicacʉ kualuliri. nanamaru ulimahlimiaili tavahlihla, rianʉmʉmʉa mahlumaraiahlʉ. atʉhlʉngʉa mamaini kapitanʉna: tʉrakukai ucani ihla kua pitavahlihla ukausumanʉ, kuatʉatʉhlʉngʉ kaupau pangʉiauka kana’a, ucani ihlakua pitavahlihla,hla utulu a caalʉuruapuhlua, hla kani’iia kuakuiau parahliulava lava kapitanʉhlahlusa. atʉatʉhlʉngʉ, marucua kana’ana sʉsʉsʉngʉa mupalakʉ tumangiicu.

kani’i murumitacuka takuhlu amihla mamaini kapitanʉna : muara pulaiviuaku pasaula ula’ʉ, takuliacʉa tikikukani’i. amihlatakuhlu: kuakutuahlʉ nua ihlau pasaulaulaʉ, kuna ku ualʉvʉtaraianʉ,macuakumiia, kaupaupangiu mamai ni, macumii, ihlakuia kaupaupangʉaku mʉmʉa takuhlu macumʉlʉvʉ tararianʉ ihlaku, tuahlʉcita arupatumua. macuakumi, maracanicanicuu uka’a usumaanʉ, macu mi, maracanicanicuaku mʉmʉa uka’a usumanʉ.

amihla mamaini kapitanʉna: kuiatʉhlʉnga pasamiaku , hlatumuaku muasala pautuhlangi tumahlaʉ tukucu. amihlatakuhlu:cucu’ukani’i uka’acua pasamiaisamusala aracahlia ta’iarausumanʉ. muasacua hlakana’ana pu’a hlipialangacacalaisana. masasaruanana uka’a mi’a’a’a tukucuna, kuhlaisai kucupitakucua cucu’u. mamaini kapitanʉna aariaari pakiturupasamiaisa musala kumita takuhluna, aunanacu, mʉlʉvʉ tararianʉ takuhlu.

miungucuka maruahlʉ, takuhluna apahlukuamanaisana tatavacihlia apungahlʉpakita tavahlihla. tarangahlangahla mamaini kapitanuna tavahlihla ruma hlaʉ, maratʉkʉhlicu tʉkʉtʉkʉaisa. amihlaisana: kumuausi tavahlihlaku, uka’acucu’u hlita rarianʉihlamu, uka’acucu’u marapihli ihlamu. manikia ucania tavahliaku, mataingalʉ ihlamulangʉlangʉ. pukakukukusahlumu, vʉrʉka sipaicacavu talangahlʉ, taku kuli’ia tihla’ahlʉisa, mauhlauhlangʉ tumimahlaisa na maluliri, kana’anaia tavahlihlaku.

maruahlʉa mamaini kapitanʉna nua takuhluna, amihla isana takuhluna: arupakakitamana, macua macuisa lang ʉlangʉ pahlivinga, kuakiti umaruvulaihli, ucania marua tʉkʉkamacahlia. ta’iaraisaka cuuikua tavahlihlanatikiu, kuhlaisai maralangʉlangicua kana’ana.

akukutumalʉpʉngʉ tumimahla hlicalivaisa mamaini ka pitanʉnaia, ihlaisa hliparahliaku siaualuisa aari, kana’a malavalavauaku makucu acanicu tusuanasahlumu. mamaini kapitanʉ hla ihlaku kiʉlʉsʉ umialalavukua, muasalamu ukikirimi ucani hlitulakua. muasasasala, arasʉsʉsʉmacua langica, murumitacua ’acangʉrahlʉ.

talalʉngʉsʉa mamaini kapitanʉna langica, rumahlaʉ amihlan ihlaku: ’acangʉrahlanaia tam mavacangʉ, ta’iaraisaka langica maru ucani tavahlihla kuakitiita. malitʉnʉlʉakana’ana kumita hlisahlikua sihlangʉ lavu kuna, mii: lavukunaia tam mavacangʉ, ta’iaraisaka auca ucanipatʉkʉaratingi, pihlilʉvʉnga ucanilakua. muhlaluhlalusuamu musala, arasihlangicu rumahlaʉ maitʉahlicuamu lakua sahlumu.

ruvanaisakana’aia, hliunguanaisa mamaini kapitanʉna ucanicaihla sasaruanana. maialangʉa kana’ana marumia pakaritʉkʉhlʉ pasamia musapuaili,kumitaku kana’ana nua vuhlimahlisarʉ maluliliri. miaungucua vʉrʉnganʉ, macahliaku muasalacua mamai ni kapitanʉna

micalivicu ʉnʉmʉcaihli, kucuaku hlipungahlangahla mamaini kapitanʉ hlahlusana. atʉhlʉngʉakuisana aunania hlipilavalavaʉisa ihlaku: vʉrʉnganʉ, macutarakakua langicaia, ta’iaraisaka maruaku tumahlaʉ aisa’acangʉrahlʉna, ta’iaraisaka maku kana’ana ’acangʉrahlʉna macacaca, aunana umahlikua ihlau maluliri, ausia’acangʉrahlʉna macaca camʉmʉa, macua arumukau’acangʉrahlʉ, ihlaisacua ’acangʉrahlʉna macacaca.

tarangahlangahla tukucukunaihlaku, rianʉamiihlaku tua hlʉpuailiia mavacangicu, manikiia takuliacʉatikiku. hlitumalʉlʉvʉaku mamaini kapitanʉna tumapaʉ cavu ngusu, hla kucuaku atʉhlʉngʉ tumalʉlʉvʉisana tumapaʉ ’arisapʉta. auninia kana’ana tumalʉlʉvʉ cumavu ngusu ’ukuina. karʉkʉhlʉaku patuarʉmʉrʉmʉ, kana’a’ukuina umau’ai ni tavahlihlana. apahlapaku atʉhlʉngʉ, mamaini kapitanʉna ruvaruva ruvana umarucavu talangahlʉna maiatuhluhlu tavahli hlana, mʉmʉa ’ukuina paivacavacangʉ .isamanai auna na atʉhlʉngʉ. patasuuru acangʉrahlʉ umahliakuacu ihlau macacaca. marumaruakumaciatʉhlʉngʉ, talʉmʉlʉmʉa kana’ana pamangamangacu, asapucu ʉvʉrʉkaʉ cavutalangahlʉ, marakakacu’ai. atʉhlʉngʉkani’i, maicuui ’acangʉrahlʉ malangicana maralʉ’icuu mʉmʉa.

ausi ihlamukani’i maraiahlʉ marumuku mamaini kapita nʉna, masaihla sasaruana ’acangʉrahlʉna,maru ucani ’ukui kuamupautuahlangisana, sanuacu’aia tavahlihla na, ahlauka’a, sasaruanana aunanacu malavalʉ kupa raiahlʉ. talalʉngʉsa mʉmʉa kumitalangicana, patʉrʉmʉrʉmʉ aunini’aiau’ukui umu’aini tavahlihla, kani’ipasamia pautuahlangicumu, malavalicumʉmʉa kucuparaiahlʉ.