unem tasaw ku, muwaza ti kenasianeman ku tu zana naung seRai siqay. zau zana qenabinnus ku saqayaw ay nitulisan: sikawma na pasangian tu sudad paRin ay qebayu mezuquR tu lineng na iRaR na qaizuanan “kungku na meteded na sila” nisudad na tu qaqaytiasan qenatazy ni tangmu qaRepanga ni Ailis nitunuRan na pusia na siyatu zau sa ussiq kungku na yencumin, ussiq yencumincu ay kungku qaya. ta weylunacengan yau uzusa pinileppawan, zau pinileppawan mau qenian ezan ti simqenabid, simqatazay ti matutuqed ti, Raqana pataz qemabesi tu qenanengi qenasimunang na qaizuanan tayan. quwanay, ta aiycinghayan yau ussiq lawlaw, yau kinnawsa Runanay ay sunis na ni zhouse’ situngus meRibun, paRsuppaR tu tiana lazat yau senaququni ay qenasianem na tazungan sunis zau ni Ailis .ta anemna meniz mai tu nianu ay lanas. azu temanuz tu siqudus ay peRawiR nazau. temanuz nani timangu temibun ta buRangan na paRin. siangatu ti Ailis qaRapanga semaqsaqay, tasu qasimunang na qenabinnusan nani satawaq ay taRaw, paqanas qumRut qeman tu qizuanan melanay, sabidang na linRuqu, yau kintulu iq kinpitu lalazan banan ta banangan ta, azu Rasibu Runan yau unem lazat zana lazat ta, musinapun ta upitubetin yau uzusa kuka, yau ulima lalazan qamuwaza lamangan lazat. ti tangmu, melizaq pamayman mawRat ay Runanay, pitemawaR mai ngid taqsi mai melizaq matiw sa taqsian, suppaR pibud tu tina. paqenanem nani Raya anem na, wanma aizipna sinangan nengi waway na ay zin na, mai kasianem tu qasukaw tu taiyan ay lazat, tuRuz na ’tungan na ti ni zhouse’, mai mepatay ay paqenanem nauay patay ti nansuani na, qumnt taqa ti situngus sinangan meRibun, meRaRiw ti pasa zuma lawlaw. akaw qatawan Raya unung ay kapet na ineb pisapat RaytaRun tu melanay qemapsi tu maw paRpaRin ay naungn, ta naungan ay paRpaRin ussa ti qasimunanan na mai tu temuRes ay qizuanan na pasan, sumRuz ay, yencumin niz maqzi ta senanu, satezay, tumnun, pematiq uu temulis simbula tu qenasupaR, tu nisudad likisi. mai tu sudad tu sasudadan na qenimasangan. ti Raqee, masesebit qudus na, Radasi pasasani semaqay mai tu saqunian ay Runanay. kuowang na taziyan ay lawlaw bulan na tu melanay, pakadabuan na timaizipana ya paqenanem sunis na tazungan qaya, tuRuz na nani baqbaqi na ti situngus meRibun, lawlaw zau pasinangan tu telute’, yau ussiq Raya ay qaizuanan qaya, nani sinangan tu telui. Ailis paqanas tebimuq ta pediyasan ta azu Raya ay unung ineb, titana ya peRasqu puniR ya zanum alana ti menanum,timangu pangmen ti kitu ti izip na, qanan na ti ya kukuy meRaya ti izip na, si Raya na tu izip na mangu sepaR siqawma ya Raya ay unung inef, sepaR pazuzuqat tu naququniay waway, senayau ngid paqeRayan tu keci meRaytaRun ti tu sapaqeRayan, miRaw ti qizuanan kitut ti melanay na lazat, pasan, sumRuz ay, yencumin zau qemizuan ta Raya ay lawlaw amilika, ngayaw na situzus tu tangi uzusa Rasibu tasawan. ti tina, mepatay ti tina ni tangmu nani quduan na ti ti tangmu seRay suani na. temuzus tu baqi na ti lawuyeite’ kuowang ti meRibun nani, umanan na iRaR na lineng na mai pa qaqaytisan ya telui zin na, tuluzan ni zhouse’ kinnawsa meteded ti apolu seRay ti posayte manmu tu telui. Ailis taRaw ti anem na muRin ti, sapispis ti Rusi na azu ti iRu, nanuman na ya malinamau ay zanunm ta peRasquan, patewalin kitud ti, putung zina suni, mesusuR ti tapeRasquan, masulun ti tu iRu melinamau. damu na pakuwayan niz ti ninebi ta aneman, simqenna ay qizuanan mai ti maqayta. naqunian ta pa patapun ya banang seRay qenabinnusan? wanay zana uRat, muman tu likisi, satuRin "mai tu sudad seRay sasudadan qenimasangan ya yencumincu" ay sasanuan, pasetaR miRi maded ya lazat na tu yulup matalin ay lazat. ti peyci, tazungan ay kaput ni tangmu temaqsi. mulpun ti, mai bulan na kuowang tu zannu nisimsanuan na tu niqakelawkawayan na kelisiw, buRawan na qaniyau qaya, qumnut ti kinnawsa meteded semanu ti qawman tanan qapsi tu telui qaizuana zau. melinamau ti nani, sintazay ti tu peRawiR yau, Ailis meRaRiw ti temanuz tu peRawiR yau sintanaq ti tu peRasqu ennay, wanay tabalan na ti ya melizaq mawRawRatay sunsunnis. azure maliapiay sunis qaniyau, wawayna siqawmana sasetaR .naquniyana ni Ailis semanu tu kiliman tu peRawiR zau mai qaipilna. stangi, saibabaw ay tebaRi ay bangun ta amilikan seRay 1890 tasaw penaqiRian tu paRin kunging na kuka saqasinanganan na. mulepun ti sasalekiaw, sikadumut ti lomio matiw sa ngayaw ni culiye’, qepeRan na lima na semanu, “ qasikazan ziyanan na simqenangid ti ciwpite’ simpakawit tu lima su lima ku, qanengi iku kemisu qakikiya ni.” ti cayci’l Raya ay huakuwan , qaRebuan ay huwa kuwan, tama ni peyci. ta mazemunan ay meteded yau paqenanem ti -elise’, dadadas ay ya tazungn meteded aizipna, mai qalizaqan na mazemun ay meteded, Raqana sapazeng ti meRusiR tu sapatuqedan, melaliyaz ti, yau ta ussiq qalisimpuan, pazukat aizipna tu ussiq belawan ay linggu, ta lubungan na linggu tikalan na tu “sabulan tu meRubatang ay tazungan”. nani meRaisngaw ti Ailis smanu 「 nengi ku temeqez temita tu salekiaw numi, wanay sanuiku pasani meRaRiw ya peRawiR yau, 」sunsunis yau peqangi ti siy angatu salekiaw, melilizaq ti salekiaw nani paqaqanas Ailis qayRuziq meRaRiw。 sepawan na tu dadusa ay teniqtiqan na izip na ta qizuanan na sudad na kuka. ti intianciaw, ta qizuanan qaytisan na mazemun metutung tu lazat ay. yau kintulu meteded tazungan zinu aizipna ya meRubatang ay zin na anem na simiRaw mengid tu belawan ay linggu, zunguan na, baqi na ni telui ti palise’ meRapaqRitan tu qabulan ti tiana, ta 1980 tasaw, pazukat ya amilika qatapunan na yubin tu ussiq Rabetin yau usiwa Runan zana asa na yubin paya, yau penaninguan na ta teReq. ti lupusiyn ising, ta qizuanan temiyan tu paisingan, wanma aizipna meRaising ay qaya. tuRuz na bulan na ti ahuoluoti tazungan meteded tu belawan ay linggu, nayau sazemaken tazungan na meteded meRubatang ay tazungan sanapawanan na, timangu yau kinnawsa tazungan meteded ti sila seRay ti yatiyenna tazungan meteded qumnut ti, menangis tu qapsian tu telui. vai ay sasudadan na kenisasa zana mande lamangan lazat ta zaya na abilika liberia maqazas na qaya. padames ya sikawma na kinkinilan ay cree lamangan lazat ni? kuowan ti puliyamuse tuluzan na ti palise’, mazas tu qabawa’ hitay pasa lawlaw na qenabid sila paseta, yau sabulan na tu kuowangan ti meynilawse’ tazungan ay qaqa na azasan na pa patanan, qaRutiana aizipna? tamangu mai ta leppawan kuowan, yau paqenanem meRubatang ay tazungan ti Raylun semuna, aizipna nani unnay ta tenuban na banang meRubatang ay tazungan. 1765-1770 tasaw, meRuwin ti ta tennesseean. 1790 tasaw, masulun tu tina matalin ta georgian, sinanam tu semangi tu gin ay Ribang. 1800 tasaw, mai ti tina na. 1809 tasaw, siangatu mekinkiw. 1812-1814 tasaw, pahitay melabu masawa. 1815 tasaw, sinappawan seRay sasunis. 1819 tasaw, matalin sa zaya ta alabaman. 1821 tasaw, mulepun ti kinkiw na. 1822 tasaw, mazas tu sunis na pasa arkansas. 1824 tasaw, mala ti tu nisazemaken tu kinkiw ay paya. 1828 tasaw, saqaussiq sibun na mincu mezukat ti. 1829 tasaw, matalin sa zaya ta oklahoman. 1830 tasaw, amilika cungtung simpasudad "matalin ay seniqetan na intian lazat". 1838-1839 tasaw, lazan na Rusi seRay mabubud ti lazat na. 1840 tasaw, manmu paqiRi tu qatapun ay siRu. 1842 tasaw, matiw sa musiku kemilim tu matanaq ay lazat na seRay senubulin sikawman. 1843 tasaw, mepatay ta musikuan ,uwalubetin tasaw qenabinnus na. tayta ni palise meRetut, meRubatang ma ti ahuoluoti tu tazungan ay meteded, kasianem nani tazungan zau nibula na tazungan ay meteded timizipana zin nz anem na, unnay kalingunan na ti nituluz na kuowang lanas. ti sequoyah nangan na, intian waRi ay cherokee lamangan lazat, qatuRiyas kita temayta si! miRi ti Raylun ta ngayaw na melabuli ay Runanay Risengaw ti qaya, kalingunan na ti tu sinapawan ti aizipna, tuRuz na sanuan ni apase ti Raylun tu qasulunan matanaq. musupaR sikawma ay biRi ipilan na ni meynilawse’ kuowang tu meRaRiw ti kinnawsa, qumnut ti, semanu ti tu meniz wangce’ na sila’ tu qalabuan pasawan tu lazat na telui. yau muwaza lamangan lazat qemizuan ta Raya ay lawlaw amilika. yau pama melilizaq ti lomio ta ni simqatazayan na kinawsa nisikawman na tu simqangidan, saqemadanan mai maynep semaqay matiw sa kiwkay kemilim tu simpu ti lawlunsean, “simpu, ngidan ku ti culiye’, matazay imi qatuRiyas imi simqangid, ngidan ku ala tu sanapawanan ku aizipna, ngid iku tingaR tu simpu sinangan semanu tu sinapawanan niaq.” zin na semanu ni lomio, Rusiangatu Raynguan na simpu tu niana lanas ay meRetut. meqasiR, siangatu ti masawa’ ya telui seRay sila …. azi 1770 tasaw, tangi ay intian lamangan lazat ta waRi na amilika menanam tu matalin busaR ay lazat meqalazing qabawa’ sa amilika maqyulup situzus tu tangi Rasibu tasawan. astaR labang ta leppawan ya matalin ay lazat nitita na chickasaw, cherokee, choctaw, cree seRay seminole ulima Raya ay lamangan lazat ta waRi seRay ta zaya. intian lamangan lazat yau pama simsubat seRay simkaput ay qenimasangan, simsubat seRay simbula tu tiatiana. zuma ay intian lamangan lazat, british, france uu spanish simsubat seRay simbula tu qaniyau qaya. melanay sa, nibulan na meteded, wama melingi ay ya lazat, yau ussiq deddan, ti lomio seRay kaput na kinawsa qalalazan semaqay temaytayta, matazay tu lazat na qenabid na ti tipote, qenasuani na ni culiye’ Runanay ay qaqa, meRasukaw waway na. sangsangian na meniz lamangan lazat binnus, mengid qaniyau sinapun tu melanay. senayau, ulima Raya ay lamangan lazat seRay yulup matalin ay lazat matapun qemizuan ta Raya ay lawlaw amilikan. matalin qaniyau pasa intian ay qenaizuanan, temayta tu yulup matalin ay lazat ay siyakay, zinzi, sinzi, sinyang, simqatapun tu paqiRian ni limtusi qenatudan na taqsian. lazat na semanu tu sikawman na, qinunung tu masang ay qenabinnus na, Raybaut, semalaw. tisin sinanam tu sikawman na inkelisi seRay sedes uu pananapaw tu yulup matalin ay lazat. matapun si, simqangi qaniyau. anu mai matapun, mabubud ti. senaquni ya lanas qawman temayta tu senaquni qenamauman muwaza ya siniwaway na. zau sa qenabinnus ni sequoyah ay tasawan. sabasay ya lamangan lazat na ni cherokee, mississippi iRuR ya palimzusa, sinapun tu waRi cherokee seRay zaya cherokee. wanay metennes sinapun, sasetaR sayzi sikawman na qaniyau, ta tatungtungus pazazasan seRay qenabinnus na lanas. sabidang na ingku ay lazat, waRi cherokee ay lazat azu yau ussiq banan yau kinanem lalazan lazat na. pinileppaw na seRay qenasupaRan na saqayau na. sequoyah qenabinnus ta waRi cherokee damuan yau ta stangi ay amilika tennesseean. nangan na tu inkelisi ti george guess, ti sequoyah ya cherokee nangan na. cherokee seRay yulup matalin ay lazat maRaRames Raynang tama na, nangan na ti daniel guess. tina na sa ,cherokee lazat nangan na ti wu-te-he. tama ni sequoyah qalamaz matanaq ti tu leppaw. menizu tina na wu-te-he ya qemudu ta qaniyau. meRaRiw tu wilunaceng ti lomio mai qenideddanan, kemilim ti tama ni culiye’ tu sanapawanan na, melabulil meRangazi nengi tu lazat sinangan ay ti palise. wanay sakalawkaway Ribang seRay sapabudan semapang sasimliwayan tu lubung na pasan, patumaliw meRasa tu lubung na pasan, bula tu yulup matalin ay lazat. saquni niz simmiRawan ay Ribang, mai mesukaw tiyam na qaya. kiya pama ti sequoyah tenayta na lazat na, mai tu qangian mannamanna semani, matuqed kasianem tu nianiana. saquni qalussiq semalaw silanas, meluzit zapan na ussiq, punul ti tusuz na, mai medapes tusuz na. piRes ti semaqay qalaqet ay ti Rayngu ti matapun tu zuma kaput masulun mawRat. senayau, anu yau ta leppaw tina na, aizipna sikaput tu tiyam. anu melusit tina na, yau aizipna manmu melingi tu leppaw. maduna mesiqaz aizipna, mai muwaza sikawman na, nika zuma qenasianem seRay mai tu qenaitisan tu kiyakiya. ta temawaRan taRbabi semuRaq, meRetut lazat na pinileppaw meniz yau ussiq tuRpus ti izip na mepatay ti, pasi maken mepatay ti ti culiye’ zin na meniz. tuRuz na taneman na ti culiye’ ta taneanan na pinileppaw na. situzus tu uzusabetin tasaw ni sequoyah, qaniyau azasan na tina pasa tibuR matalin ta georgian. yau tayan siangatu sinanam semangi tu gin ay Ribang. mai tennes, mepatay ti tina na. sequoyah siRaRaz ti tu qenasupaRan na semasangi tu simkenna gin ay piyaz, laten seRay sasimau ay peRasku. melilizaq labang na yulup matalin ay lazat. temuduy labang ti sequoyahan, azu zuma semangsangi tu nianiana, pasasetaR tu senangian na gin ay, semudad tu nangan na. ti sequoyah makasianem, nika meRayngu senaqunian semudad. qenikiyan seRay tina na sikawma ti tu cherokee ay sikawman, quniyan mai temaqsi, mai tu lazat temud timaizipna qaya, senaqunian semudad sikawman na cherokee. tiziw yau usepat Runan yau usiq sa na yulup Raynang. tuRuz na supaR ti semudad ta gin ay Ribangan tu inkelisi ay nangan ti george guess. niqamaduna kasianem aizipna. anu yau ussiq deddan semudad aizipna tu sequoyah, senayauan ta qenaqangian. melilizaq ti aizipna pasupaR tu kaput na tu qenasianem. nika kaput na buwakan na tu ussiq insung tuRpus zanum. "senaRin isu pisapat kasianem, lapus ika senayau ay qanasianem." ’nay mai qaRayngu. intian ay lazat supaR semudad ni? nika, mai kalingwen ti sequoyah. qenikiyan temayta tu tina seRay yulup matalin ay lazat simbaliw. matayta na qaya melanay zana lazat na wiya ti maiRaw ti na matalin ay lazat. masang masawa zuma intian lazat na damu bakes maqeseR masawa. tangi qanamu qunian qenabid ay lazat. yau Ramaz ay kut pisa na. ipilan na simpu matiw temungaw tu sudad ay lazat, mai ta nisanuan na dukian maseq ta liman ni lomio ya sudad, ta nisabidangan na qaynaRan ni culiye’qatuzus pa ti, qaqaytisan nazau zin na anem na simpu, kasianem ti tu aizipna pa matiw sa tanem kemutkut paqaynaR ti culiye’an. kasianem ti sequoyah, zau matalin ay lazat maken yau melaziw qenasupaR, ’nay pasupaR sikawma ya "biRi na paRin", simbula tu qenasupaR seRay lanas ya sabiRbiRan pudadaw ay tepuluq. mengid sinanam aizipna, yau kasianem ngid pasinanam tu lazat qaya. kasianem aizipna: "anu senayau, aita qangi seRay busaR ay lazat sasetaR miRi maded ya!" sequoyah mai pama pasaya kasianem seRay mekinkiw. ta kaimisan ay semuni ti piuk tu pasawan. maqzi tu melanay, cree lamangan lazat seRay ingku ay matapun hitay simpatungayaw tu cherokee lamangan lazat seRay amilika ay hitay, sequoyah mala Rapailil pakinsaan hitay. ta nazau deddanan. mai melapus matayta na Raya " lussissiq biRi na paRin" satungawan tu qanubian sanu na hitay. matayta na qaya qenasuwani pemaRu tu " ussissiq biRi na paRin" temaqsi meliyam. azu simpatungayaw qaniyau simsanu. nayau nani, padames ti maqzi qenasianem na anem na. naqoni simqatazai simqasuppaR ti lomio seRay ti culiye’ nizan na simpu semanu, seRay maken nanapaw ti qaniyau, yau qaya manmu ta qaniyauan pasaya tu lanas zau meniz, yau ta ngayawan na uzusa pinileppawan nizan na semanu tu nizu maqezaq lanas zau… melazuq kaypa mulepun masawa zin na. temanan saleppaw temulut kinkiw tu penaseka na. temulut melaziw tu tatasaw, cherokee lamangan lazat seRay matapun hitay na amilika mesukas ti ya cree lamangan lazat seRay ingku metapun hitay, penasawa zau mulepun ti. paqaytis ay kinkiw tuRuz na masawa, temanan ti sa georgia ti sequoyah temuzus tasaw na qangi ti sinappawan. manappaw ti tu sally waters, qemudu tu Ruqabinnus ay tazungan sunis, ti ahyokah. wama meliyatip tu pinileppaw nani, sequoyah patazu tubantuRabi qawqawman mekasianem tu zana ni kinkiwan. Rusiangatu, pasaya mipil tu sikawman na lazat na, maipil na ussiq cherokee sudad, yau ti ta lubung na paRin temulis tu ussiq kisasa. kikiyama matiqeb ti ya kenisasa na ta lubung na paRin, yau tapun melalazan ti. "senazau qasukaw kiya?" zinna qenasianem na, muwaza pama satulisan, kinil na zapan yau lubung na paRin, Rutapa ti, mai tu qizuan sepaw, mai ti qangi sangian, aizipna qaya mai ti makasianem. kasianem pama aizipna tu zuma qaqawka. senayau, baqian na damu seRay lazat na, muRetut tu ni RateReq na, siangatu mezukat ti ya patawa, qaymanung. meniz qaymanung timaizipna mai nengi waway na, zuma ti metaRaw ti, uu malakid na qenabid ay lati. yau qumRas sukaw ay salay ngid Rapesi tu meniz sadamuan. ’nay, yulup matalin ay lazat wiya ti mazmun. Raqana masawa siRu na amilika mengid tu waRi cherokee lazat pasa zaya tuzus ta arkansasan, ta waRi pasiRan bula tu busaR ay lazat paqizuan. Rasiangatu metaqa ya sequoyah, qaniyau simqangi qawka maqzaq seRay mana ay qaya pasaReR ay asa na qenasianem. pasiRan qaniyau seRay kiya lazat saRalikuz semulul ti tu zau. uzusa tasaw qaniyau matalin ta kinil na alabama. metaqa qatalin, pauRat subulin ta georgian ay lazat, qawanay ya sequoyah matalin, sasetaR tu yulup matalin ay lazat. mesukaw aizipna ya qenabid na busaR ay lazat, yau ta lubung na paRin ay nitutulis, ’nay semusuzep tu zana lazat. mazukat ti ya sukaw ay sikawman, naququni ay mai ti semulul. zau ni pisapat seRay qaimamanung bibidas maipil na ti na napawan ti sally, tepusan na ti. maytis ti aizipna tu qauRiRan na pakuayan, qumnut ni tutulis kisasa na ni sequoyah ya lubung na paRin saqeqepeRan puten walin pasa Raya Ramaz. taytan na qumniqumni tasaw qenasianem na matemeq ti, sequoyah padames sibaliw medadusa, wama kitut ay sunis na ti ahyokah ta kinilan na pakaput. melilimeq, mai sikawma. malaziw tu deddan meqakebayu ti, azasan na sunis na tazungan mulesit matanaq tu leppaw. sinunung tu iRuR na arkansas pasa imis, pasa arkansas seRay zaya ay cherokee matapun binnus. nayau kutidak, ta punedan yau ti meRasi ni kinkiwan na. umanan na senangian na anem na, sequoyah ya suni na tuzus tatas tu lulussiq cherokee ay sudad, qawka muman semangi tu suni tu ussiq kisasa. yau zuma kisasa maqzi niliwayan tu zana inkelisi, yau zuma sa zana ni saqian. Ralikuz meniz mapaqangi na tu uwalubetin yau unem zana cherokee suni na sikawman ay kisasa. ta batadan, tudan na ti ahyokah pakamet tu zau tuzus na suni kisasa. kikiya, ahyokah ussa wama kametan na ya kisasa. mesupaR pazukat uu meliyam tu nibula na tama timaizipna ay sikawman sudad na cherokee. ta liman na qaniyau sataman lubung na paRin nizan na semanu pazukat sikawma. zau senangi meRasit ti! puniR ti anem ni sequoyah, melizaq mazas ti ahyokah semaqay pasa arkansas, mengid zaya ay cherokee mala tu qenasianem na. mai makasianem, taniyan ay lazat maipli na, qawman mai sazemaken timaizipna taRta pisasapat ti sikawma zin na. lazat na paazasan na ti kinausa sataman matiw ta ngayawan na pusia ti george lowery, tuluzan na tu kiya benaRqian seRay mesatuRin ay masiqqu tu iyinkay na mezaken ay kenilim. anu masiban ti sequoyah meRametiyu, tuRinan na patay. qangid pazukat zana nikinkiw, sequoyah mengid iyinkay na mezaken ay kenilim semangi siqazusa. saqalussiq, subulinan na tazungan sunis na ta tati, paliyaman na ya iyin tu utani sudad cherokee sudadan ta lubung na paRin tu sudad. wiya ti melusit, meliway ti sunis na temukaz. temukaz ti ahyokah, taytan na sudad na tama na, simunang liyaman na ti sudad zau. niz iyin simpatungayaw ti simtayta, mai qaqasupaR, azu maqzeq, nika mai pama pazakenan sazemaken, melaydaw ussa qenauRat na sataman. nayau, sequoyah temingaR tu iyin pamid tu sabasayan lazat qaRupataqsian na pasinanam, mai utani bulan qaniyau muman tu saqazusa paqayta. lussiq zau, sequoyah seRay pataqsian na sinapun miRi ta mai sasetaR ay qizuan. mai maipil tu simsanu na, mai matayta qaniyau wanay simpasudad simbula tu lanas. tuRuz na, siqaqatani mawtu temalikud, yau tayan ay iyin seRay lazat sazemaken ta qaniyauan simpaqasupaR tu lanas. maqzi paqazmaken sequoyah tu qenasianem na, ussa pisapat sakukuit ti, ussa qaya metiyu uu sukaw ay lati na, ’nay qangid tiatiana nengi sinanam. sequoyah kisasa na suni na senalanas paqasupaRan na meniz cherokee. meqasiR, siangatu ti sinanam temaqsi semudad ti sequoyah, mala ti Razaya ay cherokee mincu kikay ay iyin. bulan na kikay aizipna tu nisazmaken tu kinkiw ay paya. kitukay limtusi samuel worcester pasangi ti tu ussiq ay umaumanan kikay, siangatu pazukat tu cherokee sasikawman "sesio". munaussiq cherokee sibun "cherokee phoenix" pazukat ti; lazat na semusudad tu yulup matalin ay sibun qaya, saqasupaR na damu tu tasu ay lanas seRay qenasupaR. mazmun meniz masang qamai qaRasi ay lanas zin na, matuku yau maRasi ti. ti sequoyah i? mai mauman ya metubung ya waway na, wi semaqsaqay temud tu sasudadan na cherokee, siangatu qaya pasazi mekasianem tu sibidang ay semudad, zana qenasupaR na meluma, penaqasupaR na siRu, sazan na kusazuy padames sabasayan lazat. lazan na Rusi seRay ta teReq ay mabubud lazat na. maqzi ta yulup matalin ay lazat ay ta sibun, matayta na qaniyau wanay matalin ay lazat ussa ti ta leppawan ay labang. liwaliw ya labang meRatawki na qaniyau, temuzus sequoyah seRay zaya ay cherokee lazat muman patalin ta zaya ay oklahoman. sequoyah pauRat wanay simpaqangi ya qaniyau ay lanas, pinileppaw seRay leppawleppawan na cherokee masulun sa zaya matalin. wanay ka, yau pama mai kikiya lazat musubulin ta arkansasan. zuma subulin ta padames waRi ay tennesseean, kaimis ay carolinan seRay georgian. qumnut anem na qaniyau, mai mesupaR manna qaniyau tasaw masulun masawa ay simkaput, manna mai tu matayta tu mipanmu ta qaniyauan semusudad "intian ay lazat matalin ay seniqetan", nipauRat ta qaniyauan seRay zuma usepat ay lazat patalin pasazi ta oklahoman. semusudad seniqetan ay busaR lazat zungtung theodore roosevelt semanu, "mai meniz metaRes ya intian ay lazat, nika mai kiyakiya. wanay ka, meRanis ay lazat quwazan na ya intian ay lazat medadumen." nazau a qenasianem na zungtung. senaqunian cherokee mai semanga qumRas, waRi tibuR ulima Raya ay lamangan lazat qawman kulesan na hitay, penaqatalin tu 1600 kungli ay pasa tibuR matalin ay lazan. mai semulul paqawaza mazas tu Ribang, qudus, qanan uu tana; senaquni qenasukaw na deddan, mai pama nengi wisin seRay ising qaya, melaziw tu ussiq tasaw, choctaw, cree, chickasaw, cherokee sinapun semaqay. ta lazanan, chickasaw maqamai tu ulima lalazan tuzus tu unem lalazan lazat, cherokee mai ti tu usepat lalazan ay lazat mapatay. paqzian ta binnus lazat semanu, pasa tibuR ay lazan zau, azu ti qizuwanan me'tung tu lazat, lazan ’nay makan ay "lazan na Rusi". mai qenangi masezeq ti ta zuma tuzusan, waRi cherokee seRay zaya cherokee lazat matapun ti, zuma munna matalin pasazuy ta sequoyah saleppawan. wanay ka, mai tumqez saRusi. waRi, zaya, uzusa sabasayan siangatu simqayniq, mabubud, simmiRaw tu uRat seRay qenayauan. kintani cherokee lazat ta RasuR na simpabud meziyuR, matapun saqaussiq pasangian tu mincu ay sibun seRay sunis ni sequoyah, mepatay ti. ti sequoyah bawan na meziuR ay sunis taRaw na anem, "simpaqangi pa ita" qeRasan na, qumRas tu paqiRi tu qatapun ay siRu. mai meRabut simsanu, qangid sikawma tu ussiq ay sikawman cherokee lazat qaqawi melalekez. melaziw ti utani bulan, uzusa qemuanan meRasi ti simsanu, waRi cherokee lazat pazazasan ti sequoyah, semusudad tu qenatapun siRu ay seniqetan, mengid tu tasu matalin ay lazat sululan qaniyau ta RasuRan ni pabubud ay qenasukaw. sequoyah pauRat qenimasangan ay qenasianem, melanay zana meniz, simqangi sakaputan. qizuanan zau zana meniz, nengi ay lanas zau, maken ay cherokee lazat nayau ay waway na. senayau, ussa nizu cherokee lazat meniz sazemaken tu qenasianem ni sequoyah. manna, yulup matalin ay lazat nayau semusuzep semusut, saRaRaqat ta na lazat semusut pasazi ta kitut ay tuqus. qusazuy, mezukat ti simsukas seRay masawa. qanizau, meniz ussa qasupaR kuwan na ni sitasaw ay sequoyah. Ralikuz ti qaqitisan. yau ta sitasaw ti aizipna, sequoyah maipil na, yau sabasayan lazat na cherokee qalamaz maqzi ta georgian maqtibuR matalin masezeq ta musikuan, yau qaya nipil semanu ay ussiq matennes meRapungus masang qenibaqian ay sikawman. mengid aizipna maqala tu qanizau lazat, mengid qaya matayta na meRapungus ti sikawman, wanay ka qangi kasianem tu sasudadan ay kisasa na meniz intian ay lazat. ta qenabinnusan na saRalikuz qenayauan na. senayau, meRaya ti tasaw ni sequoyah. aizipna seRay sabasayan masulun zemukat, mai satawaR, melisaw ti tu lazan. ngid qamai qanan, sequoyah tuluzan na sunis ay kaput, pakilim tu lazan. subulinan na sunis ay kaput timaizipna Rabtin yau uzusa deddan qaqanan, pizian na ti sequoyah ta liRiban. Raynguan, sunis ay kaput wiya ti, mawtu temalikud utulu lipay. senayau, maqala ti tu yau tayan qenizuan ay ta musikuan lazat. temalikud sa liRib, mai ti maqala ti sequoyah. kinani sunis ay lazat mesinunung pasa tibuR lazan kenilim. situzus matayta na ti a baqian sitasaw ay paqanas semaqay pasa ngayaw. wanay kutidaq, ti sequoyah mai pama meRabut tu qanan matanaq ti tu liRib, nengi ta lazanan mataz ay tu lazat bulan na tu qanan, Ranaw temuzus tu setangi. sequoyah saRalikuz maseq ti ta musikuan, paqalan na ti lazat na, wanay ka mai maqala na senanuan zana masang ay sikawman, mai qaya paqasanu ay tu yau ta musikuan meded ay lazat masulun timaizipna temanan sa amilika qizuan. yau tayan, ta batad na lazan temanan qaqid ti uwalubetin tasaw na baqian senazau matanaq ti tu qazqaz, matanem ta musikuan. masangi ni sequoyah ya kisasa sudad, lazat na paqasupeR siangatu sikawma ya "biRi na paRin". lazat na semudad tu zana ay likisi, sinanam tu yulup matalin ay lazat ay qenasupaR, sasetaR yau qenimasang sudad zinna aizipna semanu, seRay matalin ay lazat sasetaR miRi, maded, simsanu, simbula. maken ay intian cherokee lazat aizipna, nayau samelizaq mengid tu pasaya, simpasaRiR, simliyatib, seRay qaqaytisan. cherokee ay "biRi na paRin" sikawma ti, simbula tu nianiana qangian, ussa sumusuzepay; sasinapun tu nengi ay, ussa miRaw ay; qatapun binnus, ussa simpatungayaw; simsubat, ussa simqayniq. imi: sabiRbiRian biRi na paRin seRay sabiRbiRan tepuluq na sudad, "leaf" zin na inkelisi. Ranaw imi na "musupaR sikawma ay biRi" ya sabiRbiRan sasudad ay tepuluq.

alan ku pa tayta tu baqian tenulisan ku, sanuan ku maytis imu ni zin ku. timangu nizu semanu timaikuan, kubu nianu ma qaytisan? nani umanan ku ti temulis teReq na: yau ussiq deddan, ta ussiq pinileppawan, semangi tu Raya ay sasasalekiawan, ussa ti pinileppaw na qenabid, nizu qanengi mawtu melabu, wanaka ti lomio seRay kaput na semuwanem qayRuzik temuqaz melabu ta sasalekiawan zau, kungku zau nani maqezi ta ngayaw na1854 tasawan ninanulan na pusia na siyatu, yau a Raya na amilika pasa zaya imis paqeRaya tu qizuanan melanay, meRasa tu melanay na qemizuan tayan ay damu na intian maken ya lanas zau, semanu ti culiye’, “tunan na ziyanan na simqenangid ay ti ciwpite’, pisapat pasimpakawit!” bitutug mengaR leppaw na peRawiR tuRuz na pusia na damu na sukuamisecu ti siyatu nengi ni nanul na paRameneng tu lazat nisanu na, Ailis temita tu Rubatang ay leppaw. semaqsaqay semanu:「Rainguan tiana qaizuanan taziyan!」 semanu tu lazat na damu na intian, melanay seRay semapang qenasimqanengi na Rayngu matanaq. ta lazanan na matiw sataqsian matazay ti tangmu ti Raqeean zungusan peRawiR Ruka melusit ,ngidana sikawmana ni Ailis,wanayka qangasan semanu,peRawiR qumRas na ti Ailis qawtu manmu misis tu Ribang, tumuqaz ti sa leppaw, wanay ka, zau nani nisikawman semudad, ussa maqezaq ay sapasupaRan tu mazemun ay nisikawman uu sudad, ta deddan zau semuRap, sibubulin pama ti tangmu ta inpanan, mequlin pasazi pasazui, mai pama tu anem ngid qasuwat, kasianem tu niana zina pa semanu si qanengi ti mai matiw sa taqsian. temuqaz ti .taytan ya usiq qabed puniR tu kukuy.alan na qeman.temuRiyas pangmen Raya izip na. mengaR ti leppaw na peRawiR, pasuwasang qasianem ti ngid qan tu naququni ay saqanan nengi pakitu izip ku zina, nani pazuqat ti lima na, pasa bawbi tematutusan na ni paluma saytaw na peRawiR, tebesan padames temabal,wanayka masusulun tumqaz sa leppaw zau, Raqana tuRuz na muaza ti zuma ay nitaqinan, nayau tatezuma nitaytan na temaqin ay zuma ti nisudad na, mai ti sasetaR tu zana samasang ay uu melasaw ti. tuRuz na saqunga tu metaRaw bangRaw na, azu taRaw tu mai tu qunqunian matiw semanu tu tina na, “tina tina, taRaw bangRaw ku tu mai tu qunqunian, panmu iku semanu tu taqsian tu hibangan.” qatuRiyasan na tina na semanu, “ timangu taRaw bangRaw, antangi si qatiw pa ita paqayta tu ising patutus tu bangRaw qanengi ti.” sanuwana ni Ailis：「qasikazan,qawman iku qan tu naququni ay qawqa nengi izip ku zina 」qeman ti nani pameng kikitu, wamati ya azu mutu lubu pasangaqat mezuqat mawtu ta simauan, wanayka tuRuz na naquni, tazian qanengi semanu tu mazemun muman padetasu tetayta tu zau qanengian na semapang, bula tu nengi seRuzan ay melanay … mulepun sikawma, kasianem ti tangmu qatiw tutus tu bangRaw, yau qaya qawqawman qatiw taqsi, mai qangngi nazau. qatuRiyas semanu tu tina na, “mai ti taRaw bangRaw na.” paqanas ti matiw meluzyup qemuRu tu bangRaw, melalazuk qeman sataRbabi, melusit ti. peRawiR tayta na duki medaidaw semanu:「qangasan ti iku,melazuk paiku kelawkaway!」kikiya pasani ti meRaRiw semani, ta batadan na lazan simqatazy ti Raqeean. aizipna nani pitemawaR mai tu saqunian ay sunis, yau pataz busuq ay tama, kingngan na tama na qaya, nazau ay setangi ti Ailis kikitu ti, Raya na pulaw timayzipna,mRaingu ti stanuzan, azu ti qeluqut yau ta sisimauan nubabaseR ,mengangaw taziyan, ta qizuanan tayan ay sumanu meniz tama tina tu sunis na naRin mezaki timaizipana, wanayka tayan ay sunis pasa kawili mipil pasa kawanan melusit niipil na, liwaliw melizaq masulun timaizipana mawRat, ti Raqee nani mesuppaR tu yau ta qatian naqunian ta qawka qabinnus, suppaR melawis, kemiala tu sumRuz ta qatian ay qaqanan ’si, qemapaR tu ta qatian ay peRawiR…, qaRebuan aizipna. simqanengi simpu tu zau uzusa pinileppawan, mai pa simqenabid pataz simsanu tu simqanengian na qaniyau, wanayka qawqawman mai meRasi. Rusiangatu masawa’ seRay semangi tu ussiq Raya ay paRin ay qebayu “sapaqunian su misis mepatay ay saku?” zin na ni tangmu semanu. “tangi qaRabi qawtu ka kemilim timaikuan, qawka iku semanu timaisuan tu lanas zau.” zin na ni Raqee semanu. hitay na telui metaRuz mai tu qanaqaytisan tu qapatayan pawRat meRibun tu lineng na iRaR, tuRuz na mesuqas ti ya hitay na sila’ wanayka mazemun mepay ay meluzit ay. qasiR mulepun ti sikawma kinnawsa, nantungus ti pasa zuma lazan semaqay. metenes masawa’ ya sila qawqawman mesuqas, qapilayan ti ya hitay na mai ti tu anem masawa’. unnay, yau paqenanem lazat suppaRan na qusazui qanaquni semanu tu hitay meniz, “teqez pa ita ta pawRat kemilim tu telui masawa’, qasukaw pawRat masawa’, kasianem pa ita tu saneman ay qawka qanengi. unnay semanu ti paazasan ti awutesiwse’ tu ussiq nengi ay kenasianeman na-sangi tu ussiq Raya ay paRin ay qebayu! saqayaw ay sangi tu paRin ay qebayu qasepez mazas tu meniz hitay qaRaya ay bedesan na. sikawma nani maken paqesen mai tu kenaqaytisan, qemiwas meqayla ta qaniyauan semanu, “azu muman imu sikaput nengi ti lomioan, seRay aiaimu babalan ku.” tuRuz na matutuqed ti ta lalazanan uzusa duqenan lazat. saqazusa, temuluz tu zuma ay lazat qabawa’ temadikud sa lawlaw na tenituo, melana tu pasawan ti si tadikud qalabu masawa’, qangid qawi si qunna pa temaq tu Ribang na masawa’ seRay papay na meniz, qiReb na Ramaz na sapazeng paqsuppaR tu hitay na telui pasi mesuqas ti masawa’ qawi pa ti zin na pa, mai ti kasianem tu qaqaytisan mezuzukat pa nizi ta teReq na iRaR. saqatulu, temuluz tu paqenanem azu meRaRiw ay lazat, sanu pa tu lazat na telui, sila ay lazat aizipna ta lazanan na temanan mai pa qaqaytisan, ngidan na ’tungan meniz sasepawan na qaniyau tu meteded, mezuzus pa lazat na telui azasan na pa temuqaz sa teReq na iRaR, yau qaya kasianeman tu suaneman tu lazat na telui patuqaz tu Raya ay paRin ay qebayu, temuzus tu zau qanengi ti ita metutung, nengi ay dukian mala tu telui. ” mulepun semanu, zau kenasianeman tu sasangian ni awutesiwse’ qasiR semulul ti meniz hitay, temuluz ti aizipna tu hitay siangatuan semangi tu Raya ay paRin ay qebayu. mazemun hitay siangatu ti matiw sa naung kumtun tu paRin, suRaRabi melalazuk semangi, taytan ta mai tu lazat melikeneng ay, utani ma deddanan mulpun ti semang, maqezi ta miRi kayal na qebayu, uzusa bulidat mata na seRay azu manbaseR ay banus na, yau qaya metabay RasuR na bedes na seRay azu maken ay zapan na, nisangian tu qebayu azu maken ay, taytan na hitay meniz beRebu tu senangian na qaniyau. wanayka suppaRan na ni culiye’ ta aneman na nani napawan na ti ni lomio aizipna, mai sulu tu ni pasaya na tama na, sapazeng kemilim semanu tu muwaza naququni ay lanas mai semulul, wanayka mai ipilan na tama na, qawqawman azuan na tu anem na tu naqunian. maw azu tu ni sanu na simpu temuluz tu lazat matiw semanu ti lomioan… maseq tu tanem, timangu maken mengasan ti, taytan na simpu ta ngayaw na ay nani uzusa mepatay ti tuRpus ti ay izip ni lomio seRay ti palise, qayla na ti na kuowang zau uzusa pinileppawan, panmuan na ti imu qemazaw na sunis numi tu zau meniz, lapus ika ti simqenabid pisapat ay waway numi!

baqian semanu timaikuan naRin temulis tu zau mai tu ngayaw ay, paqangi ka sinanam tu zana amilika、sabidang ay、zana lawlaw sudad. taRta Raylikuz mai ti iku Rapatulisan, matiw ti ku sinanam pasaqay tu puysun. meRa pasaqay ay tu puysun ti. ta qitu yau sasalekiaw nani, yau paqenanem Rubatang tazungan pasa ngayaw na melaziw, kikiya ma niz ti ta tazunganan ’nay anem na Rayngu ti lapusan, metenes qawka temadikud tazusa na. timangu pinileppaw na qenabid-ti culiye’ ya tazungan ’nay. “sulul ka tu ni satuwanay na ni ciwpite’, mai nayau qasibaliw ti anem na, qataRaw anem ku qaya.” zin na ni lomio. uRu na huasentun, mazemun ya lazat su, azu menuqub tu meRiz suway ay puRuR, lazat ku nani azu nibangedan makeketun ay paRin matanaq ta puRuRan dunaynayan. Raqana, semanu isu tu Rasan tu melanay niaq, semulul qaya tu qanengian pasimunangan tu qenabinnus niaq, senaququni zuzuma ay sabubunguR simau. ipilan ta azu mai temisin temabuR ay nisimsedesan, wanayka ta lazatan ku, melanay meniz nani nizu qaninanan qaRebuan. ta simauan .ti Ailis temita tu usisiq pulaw nubabaseR salekiaw sintatanuz. azu ti ni kilasan tu ’pan minghun, Raqana nisanu su, tamaimian maken mai pisapatan. kasianem simpu, “azu yau ti culiye’ seRay ti lomio zau kinawsa simqenangid, yau nazau simqenangid pasi mai ti simqenabid.” tuRuz na semanu ti ti lomioan, “semulul iku timaisuan, panmu iku timaimuan sinangan tu sinapawanan.” tuRuz nani maipil na suppaR siqawma ay simau,mala tu satuluz puking ya mekuehua, taquqan maRa tobtob, tiling tiangtiang ay suni,selingseling simau nani kitut piyuq seRay Raya piyuq,yau pama pasisilit piyuq simau pasatezayan. Paqangi ni satezay na qaniau,azu ipilan ay kingRiyas, ta ussiq kitut ay naung tanem qinunuan na ni Ailis matapun satezay.qalilizaqan.kalingunan ti tanuzan tu peRawiR enay, simsanu qaniyau kinnawsa simqatazay pa tangi qaRabi ta tuRuz na qizuanan tayan qasulun pa matiw sa kitut ay naung tanem, yau semaqay yau pakungku…“manna isisan su pama ya mepatay ti ay saku!” zin na ni tangmu. mai tenes ti Ailis ta bawbian na baniw simtazay tu ussiq sikuaku ay pngan,zau temabaku ay pngan,mesuppaR siyup tu qiReb na tebaku tu senaququni ay tulis,meRetu ti Ailis ,pasa izip na siyup tu qiReb,pusanna ngid ti paRaRiw aizip na, “semanu tama ku timaikuan, ta taneman meduna mezukat ya kuwit, azu mezukat ya kuwit nani, baqsiwan su mepatay ti ay saku ta tuRuz na, muman si siangatu ka meliam tu patedaqan, muman, azu yau lazat lunlungutan izip na, antangi mai ti lunlungutan.” zin na ni Raqee. Wanayka semanu pngan,yau qaninan ay lanas sanu timalsuan yu,mala ti qaya muman anem na ni Ailis,saquni quliquzan nati saqay temanan, “ta izipan su yau muwaz lunlungutan ay, antang aiku pa maska tu nisikawman su.” taytan ni tangmu ya izip na ni Raqee sikawma. stangi ni siyup na pngan ta izip na qiReb meRa ussiq pulaw,pasanu ti Ailis :「zuma na paibabaw timaisuan zuma na nengi pailebeng timaisuan,pun ti semanu tembaseR ti,wanayka Raynguan na Rameneng ti Ailis tu nisikawma na, zungusan ni culiye’ melaziw unay, seRay aizipna maqayla ti qaya, qenaqenut na ni tipote niz ti pasa zui ti lomioan, zametan na ni lomio waway na mai pa mabubud, kasianem ti culiye’an, mai pa temuRang simqenabid na uzusa pinilepawan. semaqay ti kinnawsa pasa tanem, muman temalumbi ta kinilan na tanem yau Raya ay paRin, melimeq melana tu qawtuan na kuwit. melaziw ti tu ussiq ussiq tunek, pamemeng azu mipil tu yau niana suni, maken yau ti kuwit mawtu ni? simpaRu kinnawsa mai sikawma maytis. enay ti Ailis sepitan na qawanan seRay qawili ay baniw nani,manmid tu qawili lima ay baniw qeRutan na , padames ti muman paRaiya tu izipna, qatuRiyas ti pasa paRpaRinan mezukat sa deddan , maRetut ti aizip na,qasiR ti ala na meqeRut kaya tu qawanan lima ay baniw, pameng ti azu qeluqut qakitut ti, meliququ ti ta babaw na melanay, azu padames ti mezaki ya suni ’nay, matayta na qaniyau ta medaudan yau kintulu lazat…, ti lupusiyn ising misis tu siti ay sinut, ti intianciaw seRay yau paqenanem lazat mimet tu suwatiw, kasianem ti Ailis:「azu ta qawilian lima nisepit pasimunag semidam, qanengi ti munna izip ku maken asetaR ti maykuan zina,」 yau kasianem kinnawsa tu ngid quni qaniyau kintulu nani, maqayta na ti mimet tu suwatiw ay kinnawsa siangatu ti kemutkut tu tanem. timangu , qatiziw tidak tu maken ay ti mayzipna , “azeka! kemutkut qaniyau tu tanem.” meRetut ti tangmu seRay ti Raqee kitut suni na sikawma. maw ngid qalazuk semaR tu nanung meRaRiw pasa qizuanan na tayan semanu tu Raya ti tasaw na ay lazat, temayta qaniyau tu niana, wanayka maytis azu suppaRan na ti na kintulu, pasi qasukaw ta qaniyauan, tuRuz na pameng ma mengau meRukanan tayan, maytis semaqay, maytis tu azu yau suni na qaniyau, temayta tu azu naquni si qalazuk pa meRaRiw. siangatu pa ti tu senangian tu qapsian mai metenes, manna semani maipil matuqed ti qaniyau kintulu, maqayta na qaniyau ti intianciaw mala tu Rabis pasa zaszas na ni lupusiyn ising tebeq. “mulpun ti semangi tu paRin ay qebayu, azuan na tu nisimsanuan na samasang kakasa siangatu, yau a lazat temuqaz sa bedes na qebayu, yau a lazat temanan sa tenituo lawlaw, taytan na ni tangmu seRay ni Raqee lanas zau, meRetut nizi ta naungan melalazuq ti semaRuR, qenaqaytis na zan ti kalingunan na azu maqayta na qaniyau qanaquni. yau pama qayau paqenanem sapazeng tu azu meRaRiw ay lazat. tiana ngid qazaw, tangi zukat ka pasa ngayaw.” zin na ni awutesiwse’ semanu. qasiR, maseq ti tu leppaw ni peyci meRaRiw…“manna nizi imu Rumzang kinnawsa, sumngaR ti?” zin na ni peyci. “kilim pa iku tu tama su, sanu pa iku tu Raya ay huakuwan ti cayci’l tu ussiq qaqaytisan ay lanas…” sumngaR pama ti tangmu sikawman. tuRuz na, temalumbi ta teReq na naung ta ussiq dihiban ti intianciaw, tebesan na mazemun aizipna nizi ta duhiban, maqapaR mepulet ti. mai pama Rameneng ta sikawman zau ya mazemun hitay nani, yau ti paqenanem hitay ti si-nuo-ng mezukat miRi semanu ti, “qanengi pa ita temuqaz mala tu telui , azu maken qapatayan mai iku maytis, aiku pa qemazaw.” zin na. mulpun sikawma, baluduq ti ya hitay meniz, ta qenataRuz na padames ti temuRang ya RuRat na mazemun. ta temawaRan na passim ti, qeRasan na na Raya ay huakuwan ti cayci’l temayta ay lazat ti tangmu puzin, paqangi muman semanu qaqelisa ti tangmu paipil tu mazemun unay qaRabi naqini metung tu lazat, maken metung ay tu lazat nani ti intianciaw. tuRuz na, pasaya ti hitay meniz tu Ribang na masaw’, makukuliku temuqaz pasa bedes na qebayu, RituRuz ya paazasan ti awutesiwse’ temuqaz nani isisan na ti satuqazan sabedes na qebayu. mulpun sikawma, meRetut mazemun meniz maken maqezaq ay waway seRay metaRuz ti tangmu. unnay, Raysusut ta bedesan na qebayu wanayka melimek qaniyau qasukaw yau suni, mai maqayta tu ta tati mai nengi anem qaya. deddan zau siangatu, suppaRan na ti na mazemun metaRuz ay ti tangmu, qalizaqan na ti na mazemun aizipana. tina ni tangmu padames meRebu tu waway na. yau pama zuma ay lazat siangatu ti temaq tu nipaqiRian, Ribang seRay papay, melazuk ti mezaqis tu bawa’ pasaya tu tadikud pa temana sa tenituo lawlaw, melana tu nisimsanuan na ti ay kisasa na tu siangatuan masawa’. taRaw anem ni culiye’ muRin matiw kemilim tu simpu, “simpu, qasukaw iku sinapawan timaizipana, panmu iku!” wanayka mesukaw ay lanas meqasiR ma tu nengi ay lanas, nituluz na simpu tu lazat mai pama maseq, ipilan na ti ni lomio tu mepatay ti ti culiye’, qatuRias zumbi tu qebayu melalazuk temanan sa wilunaceng. mai pama meRameneng ta ni qaRetutan simpu, maynaR ti ti culiye, matayta na ya simpu timangu mai matayta na ti lomio, “ti lomio i?” zin na. matazai ti tu zau Raya qenabsi na simqenabid, Raqana tuRuz na lapusan na ti qaya qenian simqenabid na zau uzusa pinileppawan, simqepeR tu lima simqanengi ti.

ngayaw na unem tasaw. yau iku ta sahala samu buqbuqanan silanas. meRapsi puysun ku, aiku ti kasianem semangi. tuRabi maynep iku ta buqbuqanan, mai makasianem, semuRap taRbabi timangu yau lazat minaR timaikuan. yau paqenanem sunis sikawma timaikuan "panmu iku temulis tu sizi"zin na. mai ti kasianem tu simqenabid uzusa pinileppawan, simqangid ti kinawsa… “tuqaz ka ti sa leppaw yo!” qumRas ti tina ni culiye’ patanan. meqasiR ti lomio senanu tu RaytuRuz ay ussiq sikawman. “ti lomio aiku, naRin kalingunan nangan ku.” muyau ta utani deddanan, lazat ku qanengi menuqub tu meniz melanay, azu nisiuyp na bali ay lain azu nisapsapan lazus manukub buqan. tuRuz na yau simpu mezukat sinangan palupun tu sinapawanan na qaniyau kinawsa. wanayka melaziw ti ya deddan ’nay, tangi makalingun pa ti qenaRaya qenaqeseR na damu. tangi, mai qataRaw anem ku tu nisanuan su tu mengid isu, nayau niqinunu na anem su pitemawaR mengid paqeRaya paqeseR tu lazat su, meqasiR qapuniR ti ta meniz melanay, yau a lazat ku, sunsunis ku tumayta tu mesuqas masawa ya damu, mai tu qangian masawa, qamai ti imi tu nianiana, mai tu niana qanengian. azu semulul imi tu waway su mengid, maRibun timaimian ni? wanay ka melimek ti lomio mezamet tu qenaqenut na, taytan na kaput na azu ti mai metaRuz ay. mengangaw ta paRpaRinan, tuRuz na siangatu ti aizip na paqanas semaqay, yau muwaza nipakawit ta paRinan, kisasa na lazan nazau mengangaw muRusengaw ti ti Ailis, Raynguan na tu qunian ti semani, pamemeng temay ta yau ussiq Raya ay saku, pasanu ti Ailis tu saku pasani ay lazan qawka nengi ha, timangu qiwasan na Raya ay saku qemiwas pasa mawRiRan ay damu lazan,Pun ti semanu qatuRiyas ti mai, maken temuqaz ti Alis pasa mawRan ay damu, ta damuan sikawman na meniz lazat, sebatququdi ya waway na, Rayngu ti Alis paqangi sikawkawma ta qaniyau, nani yau peRawiR Ruka melaziw tazian , matayta na ti ni Alis, tatanuzan na ti, wanayka mai qapakenang temanuz , wiya ti semaqay , temuqaz ti pasa zuma sabiRbiR ay paRpaRin, tayan yau pasan senaququniay,azu sasiyupan ngibiR na kelaba, yau kikitu ay zuzuma ay biyat kaya, wanaka temayta aizipna tu ussiq kitu ay lazan, qanengi temanan sa leppaw, ta medaudan matayta tu ussiq azu sinap ngibiR na was , paqanas semaqay mawtu, sinapa na tu mai ti lazan zau , Raysengaw ti anem na ni Ailis, pusan na pameng paiku ti ta paRpaRinan, nani taRaw ti anem na maded ti muRing ta manayan , qaqaytisan wanayka muwaza qenasuppaRan ay senaqayan ta nisikawman ni sinuong malapus ti anem na telui tu satawaRan “qatiw pa ita tayta ta nitalumbian na ni intianciaw ay duhib, pasi yau ninebian tu Raynguan na lazat ay qaninanan ay Ribang.” sasetaR mezukat sikawman na kinnawsa. tuRuz na yau niqepeR na simpu tu sapeRasku iyu, semanu timaizipana, “temanan isu si sulul ika nipasaya na tama su, wanayka ta ngayaw na sinapawanan Rabi ’nay nanum ika sapeRasku iyu zau. zau pasuzep ma qakikiya timaisuan, melaziw tu usepat betin yau uzusa dukian qaynaR ti isu. ta ngayaw na qaynaRan su qatiwan na pa isu mala ni lomio, qanengi ti imu masulun meRaRiw tu wilunacengan.” maken, tuRuz na matayta na lazat na telui ta medaudan yau Raya Ramaz saqiReb pasa deddan, zazuzukat ti pasa tati temayta, taytan na hitay na sila ta lazing matanaq wi ya ti, tuRuz na, masulun ti masengat kinnawsa pasa dihib semaqay. mepasid ya dihib, dadusa ma izip na lazat qaibabaw na, tuRuz na satawaR qaniyau pasa teReq menanap mezaqis, pasa teReq padames mepasid. pamemeng, ta teReq na dihib yau kitut meqiqidat Rapedadaw ay qidat, padames ti tu niana ya zinna pasa teReq menanap… malapus ti anem na tu satawaRan, nengi ti anem na temangan tu tangan na iRaR, mezuzukat nizi ta teReq na iRaR nani, matayta na qaniyau yau ussiq miRi ta ngayawan ta zinnungan na tangan, nisangian tu paRin ay ibabaw Raya ay ussiq qebayu, qitu siangatu sikawkawma mazemun, nani, yau paqenanem lazat maqezi ta bedesan na qebayu mezukat. mataytan na qaniyau yau ussiq meqiqidat ay lubus, maqipit ta ngaqatan na uzusa taqan na bettu, ta Rayngayaw mezaqis ti tangmu izan na tu ussiq lima padamesan na tebes pazukat meqiqidat ay lubus, pasi mesiRis ay bettu zin na kasianem na kinnawsa unnay, yau ngid tangan tu lubus. ti sinuong azuan na tu nisimsanuan na samasang, ngid paqangi bantiti saqunga . timangu, yau ussiq Rapedadaw meqidat, qidat na qasiR pasa zais na qaniyau meqidat, maw tedem mai maqayta tu nianiana ay dihib, meqidat ti meniz, mai sazemaken qaniyau tu nitaytan na tangayaw, “azka! muwaza belawan! tangi siangtu meRangazi ay ti lazat aita.” melilizaq baluduq medudutiq sikawma. taytan na mazemun hitay ta izipan na ni sinuong mai tu nianiana qaqaytisan ay Ribang, azu meRetut ay, muRin, bilbilbil taytan, nizi ta bedesan na qebayu sumniz mezukat, tuRuz na, kasianeman na ti ni tangmu mutemalumbi ti intianciaw ta dihiban zau, semanu ti Raqeean, “pasi niazas na ni intianciaw patuqaz sadihib ya belawan zau unnay?” yau pama melilizaq ti Raqee mai Rining na niana ni sikawman na ni tangmu… mipilan timaizipana tu tiana aisu? manna wanma aisu paqenanem? semanu ti sinuong, “aiku nani maqapaR na sila ay, mai pa qaqaytisan qaniyau ta lazanan na temanan , semangi ti tu zau paRin ay qebayu sabulan tu meteded na lazing, yau qaya ngid tu sasepawan ngidan na iku ’tung. “tangmu, yau ti kelisiw su ngid isu quni?” semanu ti Raqee “ngidan iku sinapawan ti peycian.” “sunis pama isu ye, kalamaz nikasianean tu zau!” “aisu i Raqee.” “uman aka qenadasam ku mai ti iku ngid pasasani semaqay mai qemuni, qadaduna yau qaya qamelikad ay sunis pa iku.” maseqayaw ti qenataRaw na anem na lazat, meduna mawRiR ti waway na, metaRaw anem ni lomio, ta lazanan yau paqenanem babaliw tu satawaq iyu ay lazat baliw timaizipana tu sapeRasku satawaq ay iyu, ngid qazi ta ngayawan na tanem na napawan na qemuquq tu satawaq iyu, siqulin sikaput tu napawan na maynep quu. puliya, melalazuk ti iku qayRuzik meRaRiw, temalumbi ta qummut ay Renu mai ti mapakala, temuzus tu medaud ti senaqay na bawa’ na qaniyau, qawka iku mezukat temalumbi ta libeng na qebayu zau.” tuRuz na sasetaR mezukat sikawman na kinnawsa, “nayau si paqangi ita menebi ya belawan zau.” sikawma ti ya hitay, naquni aka sazemaken timaisuan, sikawma ti ti sinuong muman, “maqapaR iku unuay nani, matayta ku maken pilay ti hitay na sila’, mai ti tu Ribang masawa’, mai ti tu saqanan qaya, maken Rayngu ti masawa’. paqangian na ti menebi na kinnawsa ya belawan nani, melilizaq ti semaRuR tu naung. lazat na telui, mai ti imu tu saqaytisan, azu mai imu sazemakeng timaikuan, ’tung iku ya!” “tangmu, ngid pama isu muman temaytayta tu qaqaytisan ay ni?” semanu ti Raqee, “nayau sayzi! yau niana padames nengi qawRatan tu kemilim tu qaqaytisan ay!” “kuwaya, nayau si kasianem pa ita muman si qatiw pa ita tanian temayta tu qaqaytisan…” ta nisikawman ni sinuong, mezuzus ti lazat na telui, yauqay mai ti muaza kenasianeman na, azasan na ti na kuowang temuqaz sa teReq na iRaR. wanayka semanu kuowang ti sinuongan tu sanuan tu manna yau qebayu zau maqeni. menunu sikawma ti sinuong , “temadikud lazat na sila, maken ay nani ngid tuRang muman tu Ribang na masawa’ seRay saqanan, semangi ti taziyan tu zau paRin ay qebayu, ngid tunuR tu tazungan ay meteded ti yatiyenna, meRibun pa ta qaniyauan muman mawtu miRaw tu taziyan ay qaizuanan. wanayka azu tebesan numi ya qebayu patuqaz sa teReq na iRaR, aimu ti bula tu qebayu ti yatiyena meteded aimu ti Ribunan na, nayau mai ti qaala masawa’ ya hitay na sila quu.” unnay yau uzusa duqenan lazat patuqaz tu qabayu uu naquni, tatezuma ya kenasianem na. sazemaken ti sinuongan ay lazat semanu tu qalazukan patuqaz ya qebayu, qayau pa tazungan ay meteded meRibun, yau a mazemun lazat mai sazemaken tu sepawan zau qanengi meRibun tu telui, semanu nani meRaymazuq ay waway zau, zau pasi senangi na lazat na qenabid tu suaneman, tangi temaq ita ti ya qebayu, yauqay seRay ti sinuong qa’tungan zin na zuma lazat. qitu ngid ipil tu simpu, matayta na ti qangidan na ay napawan siqulin ta kinilan na mai ti tu sengaz, yau qaya ta liman na yau niqepeR na tu sapeRasku satawak iyu, supaRan na ti mai meRasi lanas zau, tuRuz na bitisan na mala ta kinilan ay Rabis pasa izip na tebeq, mesuRaw ti ta kinilan ni lomio. Ruqulpun sikawma ya mai semulu ay, pamemeng yau uzusa Raya ay siqay ta ngayawan na qaniyau mezukat, sukuliseng ta mazemunan lazat qaRatan na tu mepatay, meRetut ti mazemun pasasani ti meRaRiw. manna nazau zin na mazemun nayau mai sazemaken senazau ti ni, qawka macuba na tazungan ay meteded ti yatiyena , metuRtuRuz melalazuk ti patuqaz tu paRin ay qabayu sateReq na iRaR. tuRuz na, melilizq ti mazemun, salkiaw satezai semuna tu qebayu zau. maken mesukaw mai dasidas saqayan ya lazan, ta bedesan na qebayu ay hitay na sila simtetekuk ya Ribang na masawa’ Raya suni na, lazat na telui azu mai ti muaza kenasianem na, qawqawman melilizaq. maken yau lazat maqayta na tu qaqaytiasan, Raya suni na tu tabalan patuqaz ya paRin ay qebayu, qawqawman Raya ma suni na metawa timaizipana ay mai ti qaipil suni na.

qeniyan mai pama iku temulis tu sizi, muman ti ku temulis tu saqayaw ay sizi. timangu sikawma aizipna"sukaw！na’ay ku tu tabedesan yau usiq maRung ay unung qabaw siqay. ngid iku tu usiq sizi."zin na. qatani iku temulis, mai melaqid ta aneman na. melazuk iku semangi tu puysun ku, pisapatan ku ti temulis tu haku bula timaizipan na sanuan ku ta teReq sizi ’nay, timangu melizaq aizipna. tuRuz na temuqaz ti sa leppaw ti culiye’, siRaRaz ta dengatan kitut paqanas sikawma “melabulil ay ti lomio! yau isu tanian? melizaq iku timaisuan.” unay Raynguan na yau ta libeng na dengat temalumbi ti lomio mai temanan. Raqana, tangi ngid iku sanu, tamaimian, ibu na baqbaqi bai niaq nani qaRebuan mai pisapatan, sahibangan na qaniyau qaRebuan ay qizuanan. mai qakalingun na qaniyau yau ya qenasimqenna na tenubaban, yau a kaput na ni lomio mai mipil timaizipana, sapazeng ngid simpabud ti tipotean, ta meRamutiRan, yau paqenanem kaput ni lomio babalan an ni tipote tu mepatay ti. qawqawman melizaq qaniyau tu tazian ay puli naung, melilikaw iRuR, qenaRaya na naung, bettuq, likaw na lazing…, qapataz maqezi ta sasalawan melilizaq temanan melaut bunay timaimian. ngayaw na Rameneng tu qenaRaputuy ay melilikuz maitenes, Raya ay saku mezukat muman,sanu:「ngid paisu tanuz tu peRawiR enay ni?」sanu ti Ailis:「mai iku ngid tanuz , ngid iku tanan, wanaika Rainguan ku ti kemilim lazan pasani temanan ,」nani Raya ay saku bulan ti Ailis tu qapakenang ay lazan temanan, wanayka lazan zau melilikaw ay maRung mengangangaw ti , tateRaq mqatazay na tina ni qungti, patapunka mawRaw tu simsuqas qawlf mali zina, mesuqas ay lazat nani siwRu tu uRu, mawRa tu nazau , melilisaw ti ti Alis, maiti melizaq anem na tina ni qungti,qumnu ti ngid ‘tung ti mayzipna , melaydaw ti Ailis pizan na ta lubusan lima na, timengu qaimet na ngayau qatis na qanan ay baniw, melazuk ti timuRan melimez, izip na qatuRiyas ti Raya, Rayati ya maitu kaytisan na tina ni qungti pasiwRu ti mayzipna , siangatu ti pamwazin tu senaquniyan na pa tina ni nguti , taRnita,Ru qasiangatu nazau sukaw na tina ni qungti,timangu qatuRiyas kikitu ti, zau aRta pasa kawili kawanan ay baniw nizan na melimez, Rakana qa tuRiyas Raya muman ya kikitu , ta Rabi deddanan, ti culiye’ azuan na tu nisanu na pimpu nanuman na iyu ’nay… siangatu ti Ailis padadames ngid RaRiw, tina ni qungti seRai yau qaRu na tanuzan na ta tuRuz meRaRiw , mai tenes , simqatazay ti Ailis tu ngayau ya supaR sikawma ay Raya unung ay ineb , paqeseRan na tangan, ngid paRaRiw tazian,kapet na ineb Raya ti ya ngaqat na suksuk sanu;「wiya ti isu meRaRiw!」 pasa ngaqat metita ti Ailis, timangu tita na yau aizipna ta tatian maynep, nani Raya mebaluduq tu nangan na ,qeRasan pa maynaR ti mayzipna, maynep ti Ailis ta liben na Raya ay paRin pangmen ti Ramenge masuat , Ramenge ti Rainguan yau sikawkawma, azu ti meRaputuy ay ,meRameneng maynaR ti Ailis , maseq tu tanem ti lomio, melalazuk ngid tangan tu tanem, ngid tayta tu qangidan na ay napawan. mai metenes, maqapaR na ti na paRibunan simpu, lanas zau qasiR menanaz ti ta qaizuanan tayan. maeetung seRay mai ti ya telui qaizuanan tenes ya telui melilizaq, RayRaq mawRawRat, mai tumqez, temuzus tu tuRantuRabi pilayan ti mazemun qawka paqanas ti mai tu suni. unnay, nizi ta mazemunan lazat ti sinuong mezukat semaqay pasa tati na iRaR, tumuyan na pasababaw nipuRasan na Ramaz zannu nisimsanuan na ti ay kisasa zau, padanesan na wakawa ya baquy, yau ta bedesan na paRin qebayu ay ti awutesiwse’ suppaRan na ti, sepawan na zaqisan, sumniz ti meniz hitay. mazemun hitay siangatu meRaysiw tu ta liman na ay saRiq, metung tu yau pama maynep ay lazat na telui, baqsiwan na tu Ramaz temaq ya leppaw, siangatu ti metutung qaqaytisan taytan, tuRuz na maqezi ta tenituo ay hitay maseq ti qaya, siaqazqaz bawa’ na nani siangatu ti melabu pisapat metutung. ta qaizuanan na telui nizu Raynang, azu ti ya iRuR Raynang, mai ti tu nengi na taytan. menunu mai tumqez metutung, qetulu deddanan Rabian mai pama mauzep Ramaz na, masizing na qiReb ya deddan mai ti maqayta, semanu tu maken mai ti ya telui.

tatezuma ay lazat sunis zau, Raylikuz pasinanganan ku aizipna tu sunis na qungti. “culiye’, uman ka sikawma ka tu qamuwaza! taytan ni lomio Rayngu ti zametan na qenaqenut na, mabud ti tipotean, padamesan babal mepatay ti ti tipote. paqangi pa iku kasianem tu nisanu su, wanayka yau ussiq qatemu ay sasanuan ku, sukaw imu pawRat miRaw timaimian tu lautan tu tanem na baqbaqi bai niaq seRay kaput niaq. tud ika sunsunis numi qaya, melanay nani tama tina ta, melanay ussa tungus na paqenanem ay lazat, nazau qawka suppaR meRebu sunsunis tu melanay. melanay zau meniz ta lazatan ku qaRebuan qaninanan, ta nunuRan na naung, meRuiRuRan, dunaynayan seRay tateman paRin, nizu simqanengi matazai tu zana masang ay seRay qataRawan na anem na damu. ta libeng na zapan numi ay buRang, dasam ay tiRemuq, azu menguRaz uu mepatay ay, wanayka nayau maRames tu ibu na baqbaqi bai niaq, azu Radasi imi nani supaRan niaq ti yau kemadupas baqbaqi bai, paRemaq tu qenabinnusan na lazat niaq. pamemeng yau mai qananaman na ay suni meqayla temabal timaizipna, “kalikeneng ka! mai tu qena sisikazan ay lazat, nibuRawan mesukaw ay lazat aisu, azu temuqaz ti sa wilunaceng qa’tungan ti, tuRantuRabi temuqaz mawtu tazian ngid isu quni?” unay yau ti palise mawtu ta tanem qaya. mala masaw’ hitay na sila tuRuz na ti naquni ya qenabinnus na maizaw ay ta qaizuanan na telui wantima baRqian baibedan seRay meluluzit ti ay, taRaw anem na qaniyau Raybisan na mepatay ay temanem, metaRaw anem na qaniyau mai ti tu uRat. mesuqas ya hitay telui nani, hitay na sila ta lazanan na temanan ussa wanma qayRuzik tu muana belawan, azasan na mazemun niqapaR na lazat qaya, zau maqapaR ay lazat mazemun sunis pama seRay tazungan. maqapaR ay tazungan meninnan meRiRining temita, maRaw temita tu maRaRapsi ti azu ti qenataqan ay telui taytan. unnay tayan yau paqenanem tazungan suppaRan na tu qaqaytisan, Raya suni na baluduq tu tabalan tu qebayu patuqaz pasa teReq na iRaR, mai saRusi, pameng ma temayta tu betuq lanas ta ngayawan na, Rayngu ti sikawma maded tayan. hitay na sila mai azu mala masaw’ melizaq anem na, nayau paqiRi tu qebayu nani azu mai temaytayta tu tazungan ay meteded ti yatiyena waway na, zan ti qumnut ti yatiyena meteded, tuRuz na pauzanan na ti tu Raya uzan, pusan na ti na bawa’ ya qananineq na uzan malinemnem ti, yau a naung sepitan na tu zengzeng temitibuq pasa lazing, semangi tu saqesalan Raya Rikum, Rayngu ti paqangi pasa ngayaw semaqay bawa’ na malinemnem ti, yau ti Raya ya bali semiyup qaya, qemapsitu bawa’, palinemneman na pasa teReq qumRis tu melanay na lazing. nazauan na nani, muaza ya bawa’ malinemnem, qawqawman Raya bali Rikum mai tumqez. ussa wanma qizuanan telui mai ti, mai ti tu nianiana meniz, unnay, temanan ay bawa’ na hitay na sila utani tima.

Raylikuz qawka iku suppaR, aizipna maqezi ta usiq medawed kitut ay butedan mawtu, butedan ’nay mai Raya tu utani tu izip na. wanayka nazauan ku sikawma pasuppaR tu baqian timaizipan na nani, mai tu sazmaken ay tu nisikawman ku. taRta Raylikuz semanu iku tu ’daq, sunis zau maqezi ta B612 butedan, butedan zau ta 1909 tasaw matayta. baqian meniz wantima maqezi ta tunekan suppaR tu tenub na banang ay waway. ngid iku ipil qaya tu nisikawman su naquni ni qangid su timaikuan.” melilizaq anem ni lomio melana tu muwaza nengi meRebu ay sikawma. bettuq ti ya lanas nani, meqasiR suppaRan na ti qemizuan tayan ay lazat meniz, kikiyama malisimpu ti uzusa pinileppawam, suppaRan na ti na kuowang mawtu ti padamesan na bacu. sasengazan bali ta lazatan niaq qaninanan, binnus ay meniz nizu sumngaz tu sasetaR ay sasengazan bali-pasan, paRin, lazat, nizu sasetaR. azu baliwan ku timaimuan melanay, naRin imu kalingun tu sasengazan bali nani saquduan tu semapang na banang, simsiRaRaz sinapun tu qaninanan ay Ribang zau, azu aimu qanengi semingut tu nisiyupan na bali bangsi na simau. unnay mai ti tu anem ngid qabinnus ti lomio qumnut sikawma timaizipna, “azu mai isu ngid qawi, qasasetaR ti isu tu qenasuwani ni culiye’ Runanay ay qaqa”, timangu matuqed mabubud tu mepatay ti ti palise.

sunis na qungti satawaR aizipna tu ta butedanan ay naququni ay penaluman. yau qausiq, zuma ay butedanan, yau paqenanem buqaRes ay lazat kalingunan na pasaya menimen tu Raya ay tisan na paRin, Raylikuz mezuka ti qaytisan ay lanas. suppaRan na ti na kuowang tu manna nayau niana lanas ay, semanu ti. “qabuRawan ti lomio ta wilunacengan.” mai tumqez semuRiR zanum na iRuR, suppaRan na tu mesedaw ita, suppaRan na manbaseR adam, semaqay pasan qasedaw, aizipna nani Rinang na baqbaqi bai, kitut sikawma na azu semanu qaniyau tu lazat niaq masang naquni seRay temud temunuR timaimian, ta nilaziw na meniz melanay, qeminunung qalalazan nizu yau muwaza paRpaRin, seRay simqenasuani tu banang. azu baliwan ku timaimuan melanay, yau a aimu paqangi ika meRibun meniz tazian ta melanayan ay iRuR, azu ika tu nansuani simqanengi. azu semulul imu tu nazauan, qanengi anem ku kasianem tu nisanuan numi. ngid qalazuk ti lomio tangan tu tanem ni culiye’, “qangidan ay, zaizais su qawqawman Rubatang, mai mawman. Raynguan ku muman temayta timaisuan, yau taziyan, supaRan su ni naquni qenataRaw na anem ku!” yau muRin yau sikawma tu napawan na ti lomio.

ni panmuan ku timaizipan na temulis ay sizi, nengi qeman tu tisan na Raya ay paRin, melizaq anem na. wanayka melaydaw aizipna, mangay qanan na sizi salitun ay simau. semanu aizipna timaikuan, litun na simau qadiatip na mai qa qan na sizi. yau iku semangi tu puysun ku, sanuan ku aizipna " litun na salitun ay simau mai tu ngayaw, yau iku melalibed. naRin isu mala tu nazau mai tu niana ay lanas meRusiR timaikuan." maipil na ni culiye’ lanas zau, muRin ti semanu, “qamai ti iku tu tisin ay tazungan!” azu baliwan ku timaimuan melanay, paqangi ika aimu meRibun meniz tazian ta melanayan ay pasan, azu ika tu kaput mumi simqanengi. azu mai tu lazat sikaput tu pasan azu ti mai tu tazusa sutuqabed ti, qapatay tu mai tu sidadak ay ta qaniyauan. azu ngid imi tu saqabinnusan uu saqanengian qeman pisapat metung tu pasan, senayau niana ya aita lazat? mepapatay ti ya pasan qasiR mawlut si ta izipan na ti na lazat, nayau ta banangan ay semapang simsiRaRaz sumRuz. mulepun sikawma kisuan na tubil ni culiye’ qatanaq pa ti quu, muman nani yau ta ngayaw niRasa na tu satawa ay iyu ququqan na melimez, siqulin ta kinilan na napawan na.

taRRaw ti anem na semanu " azu yau lazat ta melalazan uu banan betedan, melizaq tu usiq mai tu saqazusa ay salitun ay simau, wanma temayta tu butedan, nengi ti saiya na kasianem. wanayka azu qatiwan na sizi qeman simau ’nay,ta aneman na kasianem, azu ti butedan meniz niz ti muzep,manna mai tu niana zin su !!" taRRaw anem ku mipil tu paRuan ku ti aizipna pemupuk, panmuan ku ti sizi na temulis tu usiq qubqub na ngibiR. mapipl na nisanuan na tu nibacuan timangu padames metaRaw anem na ni lomio semanu ti tu simpu, “mai ti culiye’, qaRayngu iku qabinnus!” aita ta RaytuRuz paqenanem lazat ta ta zau melanayan mepatay, ta naungan, iRuRan paRuan na pa ya izip ta, adam, pasan uRin pa timaitan meniz meRibun tu tazusa ta, nayau niRibun ta meninan tu melanay zau, seRay nisimqanengi tu banang semapang. azu baliwan ku melanay timaimuan, sasetaR ka timaimian meRibun seRay meRebu tu tazian ay naung, iRuR, buRang, adam, pasan, tud ika sunsunis mumi qaya, tangi naquni nitaytan su tu melanay qaninanan ka quu.

ta butedanan na sunis na qungti, yau usiq salitun ay simau qemizuwan. pitemawaR aizipna manmu seminap tu butedan, temutus tu melubas ay tisan na Raya ay paRin, menimen tu Ramaz ay naung. kitut zana ay Ramaz na naung, nengi paRetikan tu tiRuR. temuzus ti tu Rabi izana tu galas ay nukub meRebu tu salitun ay simau. “mai papatay kuowang timaisuan, pameng ma buRaw timaisu, Raya ti qenanengi na anem na. qalazuk ka paqangi semanu ti culiye’an tu qatanaqan su! kasianem pa iku tu qanengi tu meniz ay semanu tu mazemun, yau qaya sanu pa ku tu kuowang suluan tu naRin mebacu.” zin na semanu simpu .

ngid qatalin tu butedan, panmuan na pananum salitun ay simau, nukuban na tu galas ay nukub, sikawman na " paqangi ka." sikawma simau timaizipan na "wanay. sepaw ika nukub ’nay ta kinilan, mai ti ku ngid iyung timaizipan na. azu ngid iku simqananam tu pulaw, qawman nabetan ta sabasus ay qeluqut ta izipan. mai ku maytis tu pasan qaya, yau kames ku." melazuk aizipna pa qawi tu sunis na qungti, wanayka maytis aizipna matayta na tu saRusi ay waway. tuRuz na mipil ti tu sikawma na simpu ti lomio, qinunungan na nisanu na simpu tu naqunian.

sazmaken iku tu sunis na qungti kemulikuz tu melaziw matalin ay adam meRaRiw mezukat. muwaza senaqayan na melaziw tu butedan, matayta naququni ay qatawan ay lazat.

saqa usiq butedan yau paqenanem qungti qemizuwan. maseq sunis na qungti tayan, pemalez qungti timaizipan na. mai sekilan na sunis zau aizipna, muazing qatalin tayan, nani temunuR ti qungti tu qatalinan na.

saqa zusa butedan yau paqenanem melizaq tu zaisan ay lazat. semanu tu sunis na qungti kawili ay lima tingiw ika kawanan ay lima su zin na. kulikuzan na sunis na qungti ni sikawma na, sikawma ti aizipna " wanay penaqpaq su, muRebu isu timaikuan." zin na.

saqa tulu butedan yau paqenanem meRawteR ay lazat qemizuwan, pataz qeman tu Raq. qeman aizipna tu Raq ngid kalingun. ngid kalingun tu sikazna, kasianem aizipna pataz ReyRaq qasikazan.

saqa sepat butedan yau paqenanem temiyam ay lazat qemizuwan. pataz aizipna subidang seRai semudad tu tengi. mai hibang subidang tu ta dedanan ay butedan aizipna, semanu aizipna butedan ’nay nizu zana ay.

saqa lima butedan yau paqenanem puRas ay tu sinut lazat qemizuwan. piRabi aizipna paquRas tu sinut na lazan, taRbabi uzepan na. wanayka kitut butedan, qasiR kemuliseng, taRta tayan ay saqabian wama satunek ma qena maRung na. paquRas ay tu sinut lazat pilay pataz paquRas tu sinut、 muzep tu sinut.

saqa unem butedan yau paqenanem kemingkiw ay tu lawlaw lazat qemizuwan. ta sudadan na muwaza ni sudad na ta niniyan ay damu nangan, Raytu naung seRai iRuR ay nangan. semanu aizipna "kemingkiw ay tu lawlaw lazat mai semudad tu sanangan mezukat ay lanas, wama semudad tu Rayngu meliwaliw ay naung seRai lazing." ipilan na ni sikawma na, melaydaw ti sunis na qungti tu simau ay lanas.

saqa pitu ni qaseqan na sunis na qungti ay butedan ’nay qizuwanan na mazemun ay lazat lawlaw. ’nay usiq Raya ay lawlaw, ta lawlaw ’nay yau Rasibu Rabetin yau usiq qungti qemizuwan, upitu melalazan kemingkiw ay tu lawlaw, usiwa betin banan temiyam ay, upitu Rasibu banan meRawteR ay, utulu yikan melizaq ay tu zaisan, yau uzusa betin yikan meniz baqian. tangayaw mai pama tu dingki, lawlaw ta meniz ngid tu usepat betin yau unem banan lazat paquRas ay tu sinut na saqadanan qawka qemidat tuRabi.

sunis na qungti Ruqaseq ta Raya ay lawlaw, ta bubuqanan mezap tu Rapedadaw ay siqay. siqay ’nay semanu timaizipan na "azu yau usiq dedan sizenges isu tu butedan su, nengi iku manmu timaisuan."

melaziw ti aizipna tu meniz buqbuqanan, qawka maseq ta yau lazat qemizuwan ay qaizuwanan. sunis na qungti zau matayta na usiq qaizuwanan paluma tu simau, muRetut tu Raingu sikawma. timangu tayan yau ulima melalazanan salitun ay simau, nizu sasetaR waway na. kasianem sunis na qungti "zaku ay salitun ay simau wama usiq ma sayza zin ku, mai makasianem nayau ma aizipna senaquni, sinangan iku tu yau ’nay simau, seRai utulu Ramaz ay naung, wanayka zau meniz mai ku satuRin meRa saRaya ay sunis na qungti. kasiasinem aizipna, suqebqeb ti ta melanay ay suway muRing.

zau duki mezukat ti quyu. sikawma ti sunis na qungti "awRi sikaput iku mawRat ka, metaRRaw anem ku setangi."zin na tu quyu. sikawma quyu timaizipan na"sukaw iku matapun timaisuan mawRat, mai pama iku mekalus. ta aneman ku temayta timaisuan, Runanay ay ma sunis aisu, ta aneman su temayta timaikuan, quyu ma aiku. azu makalus su aiku, simqa ngidan ti ta. ta aneman ku temayta timaisuan, aisu mai ti tu saqazusa kiliman, ta aneman su temayta timaikuan, aiku mai ti tu saqazusa kiliman."

sikawma sunis na qungti "mai semin duki ku, ngid iku qatiw simqananam tu qamazemun ay kaput." sikawma quyu "tangi ay lazat mai ti ma tu duki mesuppeR tu naququni ay lanas. qaniau nizu matiw sa tiyam meRas tu pamengan ti ay Ribang. wanayka ta tenub na banang, mai tu tiyam yau baliw ay tu kaput, taRta lazat meniz mai ti tu sikaput ay." sunis na qungti pitemawaR ta ’nay duki matiw temayta tu quyu ’nay, nazau, Raylikuz makalus na ti quyu ’nay.

maseq ti tu qasaRiwayan, qatiw ka ta paluman tu simau temita muman tu salitun ay simau zin na quyu timaizipana. sunis na qungti muman matayta salitun ay simau, ta aneman na yau ti zumma ay kenasianeman. aizipna sikawma tu qaniyau "aimu mai asetaR tu zaku ay salitun ay simau, mai tu lazat mekalus timaimuan, mai tu lazat paqeseR timaimuan. zaku ay salitun ay simau, wanayka usiq ma sayzi, mesuqas pama aimu meniz. saqatung iku pananum, nukuban tu galas ay tub, baqsiw tu ta izipan na ay qeluqut, pasaya mipil tu sikawma na, azipna zaku ay salitunay simau."

sunis na qungti mateng tu quyu, sikawma quyu timaizipana "wanay, makken qaninanan ay Ribang, mai qatayta na mata, wama si anem qawka matayta. pizian su duki ta salitun ay simau su, taRta nazau ti qaninanan."

pun iku mipil tu nelaziwan na sunis na qungti ay kungku, saqa uwalu ti dedan ni silanas ku, ’nay duki zanum ku Raylikuz ay usiq timak maniz ti menanum. sunis na qungti seRai aiku masulun semaqay ta buqbuqanan, ngid imi kilim tu usiq lasung. semaqay muman semaqay, wiyati paqanas tedem, mezukat ti butedan.

sunis na qungti situqaw temita tu dedan, nani sikawma timaikuan "simqena butedan, ta babaw na yau usiq mai qatayta ta ay simau." aizipna situRku temita tu ni qidat na bulan tu buqbuqan, semanu "buqbuqan nani simqena, ta niyan ay tuqus nani, manubi usiq lasung." muman ti imi semaqay, Raylikuz teRi ti mekala ti imi tu lasung.

dedan ’nay Rabi, qenaseq na sunis na qungti ta mazemun lazat ay lawlaw tu satasaw. muazing aizipna tu zau qaninanan ay duki temanan, matayta ku aizipna seRai ’nay Rapedadaw ay siqay sikawma. qatedem pa ti, suppaRan ku sunis na qungti matiw ti ta nisimsanuan ay lanas.

melaziw ti tu unem tasaw, mai ti ku muman temayta tu sunis na qungti. kasianeman ku Raylikuz nazau nisikawma na timaikuan "tuRabi, situqaw isu maRaw tu dedan, yau iku qemizuwan ta usiq butedanan, yau iku metawa ta butedanan, tamaisuan temayta azu metawa meniz butedan. qenayau su ay butedan, ’nay suppaR metaw ay butedan.

kaput ku meniz muman temaita timaikuan, melizaq tu binnus iku temanan, wanayka teReq na anem ku metaRRaw. umanmu iku tu sunis na qungti ay sizi temulis tu qubqub na ngibiR, wanayka kalingunan ku temulis tu balun na, naqunian na mai tu Rassi patusung tu qubqub na ngibiR ta sizian. pataz kasianem anem ku, simau ’nay maqan na sizi mani? yau zuma kasianem iku, sunis na qungti pitemawaR Rabi qawman nukuban na tu galas simau ’nay mediyatip, qawman tenuRan na sizi ’nay. nazau nikasianeman ku, metawa ti meniz butedan. yau zuma muman iku kasianem, azu qumni dedan mai satawaR, kalingun menuku tu galas, qa mai ti. kasianem taziyan, ta dedanan ay butedan niz ti RaRusi.

patungayaw timaimuan asetaR melizaq tu sunis na qungti ay lazat, ta ’nay medaud ay butedanan, yau usiq mai qananaman ta ay sizi, aizipna pasi qanan na ti salitun ay simau, pasi mai maqan, azu naquni meliwaliw waway na tenub na banang meniz qamai ti sasetaR. situqaw pa ita temita tu dedan, paqangi kasianem, sizi ’nay qanan na ti simau ’nay uu mai pama qanan na simau ’nay? zau duki meziyas ti imu, meliwaliw ti meniz mai ti sasetaR.